سوالفنا ...وطلباتكم *

[شمعة أمل]

حد شاف هالكمبيوتر ..
http://www.egolifestyle-us.com/collections/timeless/

ارخص واحد بـ36 ألف تقريبا موجود في مول الإمارات عند تاناغرا


وهذا اهداء حق ايه احبك ..

انا شفته يوم قبل العيد .. شكله مب لين هناك ع الطبيعه
بس ماتوقعت جي سعره ماصخ
منو المتفيج الى بيدفع هالكثر له

[المزوحي]

كلام كبير، توني كنت في تاناغرا ( الستي ) مادري عندهم وإلا بس في المول، لأنه هناك معرضهم أكبر ...

وعلى فكرة تراني دخلت Banana Republic بس بعدهم ماعندهم العطور

[ايه احبك]

هيه هذا الماني
ومعروف انه غالي لانه يستخدم تايب معين من اليلد ويزيد السعر اذا طلبت بدايمند
اصلن مسوينه حق البنات لنه يتغير الغلاف على حسب الي لابسته البنت XD
فنتك صح
لكن انا بعدني ما نقص عقلي عشان احط هالمبلغ على لاب XD
يمدحون استثمار البيزات ْXP
ابي افتح بزنس XD

[المزوحي]

المشكلة إنه الناس يبوون يتساوون والكل صار يمتلك نفس الشغلات، فاللي بيشتري اللب توب هذا بيكون مميز

[مايهزك ريح]

ايه احبك .. انزين لو ياج هديه بتقبلينه خخخخخخخخ

المزوحي .. لا لا انته مب عايش في الدنيا .. الحين ما يبون يتساوون الحين كل واحد يبا يشتري شي انته ما تقدر تشتريه ولا كيف بيستوون متميزين !!!

[ايه احبك]

ايه احبك .. انزين لو ياج هديه بتقبلينه خخخخخخخخ

المزوحي .. لا لا انته مب عايش في الدنيا .. الحين ما يبون يتساوون الحين كل واحد يبا يشتري شي انته ما تقدر تشتريه ولا كيف بيستوون متميزين !!!

والله !!
معقوله!!
صدق !!

يعني انته تحس انه انخلق هذا الي بيبلي هديه بسيطه شرات هاي بهالجيمه؟؟؟
اذا انخلق/ت او انوجد/ت في هالوجود حرام علي اني افارجه/ا
لوووول
----
انا فيني طبع انه مثل ما حد يعملني اعمله بلمثل واحسن
يعني لو حد عطني بالهجيمة شي بسيط عادي يخترب بعد 6 اذا ما حفظت عليه طبعا
برده لوول لنه كل ما بشوفه بيعورني قلبي خاصه اني ما بحط بيزاتي في شي جي
عشان ارد له اياه ومبدئي جي بيخترب
هذا اذا كان الشخص متوسط الماده
اذا كان غني فحلال وبالعافيه علي

[المزوحي]

لا .. انته مافهمت عليّه ... لنفرض إني أنا ابغي اشتري شي معين .. خلنا نقوووول كاب ED HARDY

خخخ، صح وايدين كانوا يشترون دبلوكييت، لكن الكل يحاول يشتري من المحل نفسه، اشمعنى فلان عنده ..

بالنسبة للنعول وانته بكرامه، مب الكل كان يشتري من باشوتي، الحين حتى الزعاطيط يتكلمون عنه، انتقلوا

لأنطونيو يوم كان في بوظبي ومب الكل يلبس منه ... الحين عاااااااااااااااااد الكل يقول ابغي اشتري انطونيو

وشوي شوي بالنسبة للنعال اللي عندك من ردويو درايف .. فهمت عليّه ؟؟

قبل مب الكل عنده لاب توووب .. الحينه البيت الواحد 10 .. محتاج وإلا لا المهم تمتلك .. كل الناس تبغي تسافر

كل الناس تبغي تشتري ماركة .. دخيلك بس .. أمس يوم سرت برجمان البوتييكات مستويه بقاله من الزحمة

والناس تشتري بالهبل ...

[مايهزك ريح]

هيه والله يالمزوحي .. وبعد الشي يوم يكون في ايدك كل حد يباه ..
جان موتر ولا ساعه ولا موبايل يديد وغيره وغيره .. حتى لو كان هو توه شاري شي يديد شافك ما خذ شي ربع يشتريه .. بس عشان رضا النفس وانه محد احسن عنه ...

[المزوحي]

الحينه فهمت قصدي، لأنه ماشي قناعه ... أنا اشتري اللي يعيبني، مب شرط على الموضة سواء غالي وإلا مب غالي

أبغي اشتري شنطة سفر .. الحجم المتوسط، يعني ماتكون وايد كبيرة



شو آخذ دلسي، سمسونيات، تامي، دنهل

آخر مره شفت من كيبلينج ...

[مايهزك ريح]

نحنا ناخذ من carlton بتلقاها عند شريف .. نوعيتهن زينه .. ومن زمان عندنا ..
كانوا مسوين عليهن تنزيلات قبل فتره ..

http://www.carltontravelgoods.com/

[مايهزك ريح]

نسيت اقول شي نحنا ناخذ الفابريك ..

[المزوحي]

زين، بشوفهن في برجمان

عيبتني هاااي

[مايهزك ريح]

اذا تبا..
المحل روحه يفصل لك تلبيس للشنطه عشان ما اتخيس او تخترب في المطارات ^_^
وتقريبا كان بـ 80 درهم للشنط الكبار ..

[المزوحي]

مشكوور، بس يوم قلت تفصيل، تذكرت شي، اليوم يوم كنت في صحارى، شفت الخياط معلق كندورة وعليها

مثل الليس (شريطه) سودا، ومره ولد أخويه قال لي إنه يفصلون الكندورة مثلا سودا والكم أبيض ...

[مايهزك ريح]

ثــــوب مــيـــزع مـــب كــنـــدوره ..
بعدها هالموضة ما وصلت عندنا