سوالفنا ...وطلباتكم *

[تحفه]

تحفه....كل سنه نسير انا وريلي العين بس ما فكرت اطيح على سقف السياره بنشوف بنجربها على البونيت ولا باخذ حصير اسميه عبادي بيستانس...


المزوحي....شل من بالك انك تعبان...يعني تحدى الكسل والتعب وسو كل المشاوير الي تباها وبتنسى انك تعبان...او يمكن يكون عندك نقص فيتامينات

طير الحب: والللللللللللللللله انه احلى شي سويته فالعين وعمري ما بنساه هالشي

المزوحي انا اخذ فيتامينات من بوتس اسمها اوميقا 3 ( يعني كل الفيتامينات الي فالسمج) واحس ان مفعولها صدق ولا اروعععععع

[المزوحي]

من مده كنت آخذ فيتامينات B ، أقول الصدق إني كنت ما احس بالتعب مووووووووول لدرجة إني اسير الدوام وارد اطلع

وفيني طاقة لين الساعه 1 في الليل .. عادي، ورقادي جليل .. وما احس بتعب، احس بنشاط نهار ثاني يوم اداوم ..

الحينه حتى نهاية السبوع، ابغي اظهر .. احس بعمري مختنق وما اطلع .. اقول يمكن يوم اظهر اشم هواء ..

حالي بيكون احسن .. ماشي !! الله يعين

[مايهزك ريح]

المزوحي تأكد بأني امر بنفس الحاله .. قبل كنت ما اقر في البيت .. الحين لو بتقولي قوم بنسير الدكان اللي عدال البيت بقولك ما اروم خله حق باجر

بس اتعرف البارحه شديت على عمري وطلعت غصبن عني .. طبعا بإلحاح من الرضيعة عشان كانت تبا تسويي عبي للعيد من الحينه لازم حد يوديها .. فتمت واقفه على راسي .. وما ردينا إلا على أذان العشا

[الخنساء]

في حد عنده فكره عن دواء الروكتين اللي يصفي البشرة ويمتص الدهون من الجسم؟؟

والأهم إنه ما ينأخذ بدون إستشارة طيبة ؟؟

[شوق القلوب]

الخنســاء..

لا تاخذينه بدون استشاره طيبه... لانه محتاج في البدايه اتسوين تحليل دم.. لانه يأثر على الكبد..!!
وبعدين الدكتور هو اللي يحددلج الجرعه.. مب كلهم ياخذون نفس الشي..

و اتوقع انه الدوا نفسه ما يصرفونه بدون وصفه ..!!

[مايهزك ريح]

اختي كانت تاخذ اعتقد نفس الدواء كانت كل اسبوعين اتسوي تحليل دم من غير انه كان ايسبب لها جفاف في عيونها .. ولازم تتأكدين من دكتور مختص لأنه وايد له اعراض جانبيه !!!

[الخنساء]

شكراً شوق القلوب ...وما يهزك ريح

ما قصرتوا ... أنا بالفعل سرت عند دكتور .. وعطاني كورس 3 شهور كريمات وهالسوالف .. بس ما فادني وعرض عليه هالدواء ..سويت تحليل الدم ... كل شيء اوكي .. الحمدلله .. وعطاني 20 مل جرام

مر اسبوع وانا استخدمه بس بعدني ما احس بالحفاف مثل ما وصفلي الدكتور والصديقات يمكن لأني انا بشرتي وايد دهنيه ...

اشتريت كل الكريمات للجسم والويه .. للترطيب .. وحتى للشفايف .. ما ادري اذا حد عنده فكره متى يبدأ الجفاف؟؟؟ شكلي وايد مستعيله


واذا حد استخدمه منكم ..أو جريب منكم ... كم المده ؟؟ قالي الدكتور 6 شهور ... وعندي سؤال ثاني ..اذا ودرته في احتمال ترجع لي الحبوب ؟؟؟

وللعلم انا اول مره تطلع لي حبوب في ويهي ؟؟!! مع اني عديت ال 25


بنتظار إفاداتكم ...

[شوق القلوب]

هلا عزيزتي..

انا استخدمته.. من كمن سنه..!!!!

كملت يمكن 6 شهور.. في البدايه بتزيد الحبوب في ويهج.. يمكن اول شهر او اثنين.. من بعدها بيدا يخف..

هالحبوب فادتني لسنه.. من عقبها رد ويهي عادي.. وهو على حسب البشره.. في ناس ماشاء الله ما ردتلهم الحبوب موليه..

والجفاف اصبري عليه.. يمكن بتحسيبه عقب شهر او كمن سبوع.. بس صدق يقطعلج شفايفج.. عشان جيه المرطب لازم يكون وياج 24 ساعه..!! و اشربي ماي وايد.. من غير يقولون انه يخليج عصبيه و من هالكلام.. بس انا مالاحظت هالشي علي..

[طير الحب]

الخنساء...

انا افضل استحدام الاعشاب والمواد الطبيعية بدل الادوية ...اهم شيء اشربي الماي الحين بطلع يوم برد بكتب لج عن زيت للوجه ينقي البشرة

[المزوحي]

مايهزك ريح، عيل لازم حد يصر إني اطلع لكن مب جيه، كله يقولون انته شيبه !!

لازم اثبت لهم العكس .. ( لووووووول )

[مايهزك ريح]

ياحليلك يا المزوحي .. هذا وانته اصغر عني .. ويقولون لك شيبه
تعال شوفني نص شعري ابيض .. خخخخخخخخخخ

اقووووووووووول .. حد يعرف شي عن هالكاكاو ..
http://www.harrylondon.com

[المزوحي]

تحفه، انا مب إني الحين ما آخذ فيتامينات، يعني مستوي جيه، لا

لكن يبالي هالاوميقا ... لانه آخر مره استخدمت كبسولات الثوم

[تحفه]

هي انا انصح كل حد مايحب ياكل سمج بهالفيتامينات .. وايد مفيده

[مجموعة إنسان]

شو هالشواب المزوحي وما يهزك ريح ,,

تعالوا رابعوني ..
وشوفوا اصل الهيازه اللي عندي

[مايهزك ريح]

مجموعة انسان .. نحنا ناقصين هيازه ..