[ #_# تــمــتــمــات .. هــنــا .. وهــنــاك @_@ ]

[مايهزك ريح]

قصايد غلا .. وينج سرتي ومارديتي ..

[قصايد غلا]

قصايد غلا .. وينج سرتي ومارديتي ..

بـــاااااا "آســـفــة على التأخيـــــر" ااااك ..ويهي عوّرني يوم شفت ردّك لووول

ماشاء الله عليــــك ما يهزك ريـــح أبــدعــت في التعبيـــر بالرغم من قلّة كلماتك :)

فــــعـــلاً هذا موضوع مهـــم، خاصة و إنه منتشر بشكــــــــل فظيــــــــــع

ألســنة الناس مـــــ ترحـــــم ــــا
أخس شي يوم نسمعهم يتهامسون عنّـــا ، وفي حضورنا و بقوااااااااة عيــــــــــن يطالعونّا

أو توصلنـــا الرمسه ، حتى لو اللي قالوه مب موجود فينا
الكلمة تحرق خاصة إذا الانسان اللي يتكلم عنـّــا نحن نحترمه و نعزّه

محد يقدر ينكر إنه نحن أحيـــانـًــا نتكلم عن الغير في غيابهم ، لكن نتندّم ونستغفر لأجل الله يتوب علينا
بس هالشي مب كل يوووووووم يتكرّر و ما نحط الضو على شخص معين ونيلس نطريه في كل يمعه وكل سالفة ونحش فيــــه

موضوعك هذا ذكّــــرنـــي بــ وحدة كانت من جدّامــــي شــــي "ملااااااااك" ، ومن ورايه شـــي ثاني
و يوم وصلتني رمستها انصدمـــــــــت و استويت أكره طاريـــها لأنها صدق لوّعت لي بجبدي و كوّنت لي صورة مختلفة عن شخصيتي في أذهان الغيـر .. الله يساامحها
لكن سامحتها يوم ياني خبرها العام إنها توفّــــت ، الله يرحمها وااااايد غمظتني ، بس قلت في خاطري : شو استفادت ؟!
ليش خلتني أكرهها ؟! ، والله ما شي يسوا ...

والله الدنيـــا فانيــة وما تستاهل هذا كلّــه
كل واحد منّــا يااااالله بــ دينه
==========================


تـغـتـابـنـي عند أقـــوام وتمدحــنـي***في آخــــريـــن وكـل عـــنـــك يأتـــينـــي
هذان شـيئان قـد نـافـيت بــينــهــمــا*** فأكـفـف لـسـانـك عـن شـتـمـي وتـزيينـي

و السموحة على الفلسفة الزايدة ...

[مايهزك ريح]

مرحبا .. مجموعة انسان ..
للأسف انه هاذيلا انا مجابلنهم ودايما في ويهي .. قبل كنت ايلس وياهم لكن الحين ابتديت اشوي شوي اودرهم ..
الله يعينا على هالأوادم ..