لازم نستوي لوتيين علشان ننجح في حياتنا

[تحفه]

في هالدنيا اذا كنت طيب وانسان خيّر مابتعيش .. بس اذا كنت شرير وخايس ونحس وغلس سوقك بيمشي

انا افضل اتعذب في قبري ولا اتقبل اني انجرح في الدنيا


الدنيا مجننتني انا اكره الدنيا

وايد unfair

[بوزايد]

وايد اسمع هالجمله

تقريبا كل يوم في حياتي

the life is not fair


الله يعينج ويعين الجميعـــ

[وحي القلم]

تحفه

لا تكونين طيبه زياده عن اللزوم لدرجة السذاجة

و لا حتى نحسه عشان ما تخسرين الناس الزينين اللى تعاملينهم

يعني المفروض تكونين معتدله في تعاملج

طيبه ويا الطيبين

و متوحشه ويا اللى ما ينفع الطيب وياهم



على حسب طبع الشخص اللى تعاملينه

و تراها هاذي هي متعة الحياة

تخيلي لو كنا نعيش في عالم كل الناس اللى فيه أطباعهم متشابهه

أكيد أنّــأ ما بنحس بجيمة الطيبين و حياتنا بتكون ممله

.
.

و بعدين ما نقدر نعمم و نقول أنه الشين هو اللى يمشي

بعدها الدنيا بخير

[مزن هتان]

صباح الخير

كنت حاطه ابالي كذا شخص من قريت اسم الموضوع
و سبحان الله كنتي وحده منهم

ليش تكرهين الدنيا، الدنيا حلوه
بس الناس اللي فيها نفوسهم سوده

اي صح شي ثاني، لا نصير لواته
عاملي الناس شرات ما تحبين انهم يعاملونج
و صدقيني غصب طيب راح يعاملونج باحترام

مزن

[شمعة أمل]

be a balanced person and you'll be fine

اكتشفت انه الناس الى متساويين في كل شي عايشين حياه حلوه!

[مــهــابه]

انا افضل اتعذب في قبري ولا اتقبل اني انجرح في الدنيا


unfair

أنـا واثقـة انـج ماكنـتي تـقصديـن هالـكلام . . .

الدنيـا فـانيـه ومـاتـسوى




وسـوي خيـر وفَريـه بحـر

وبـعدهـا الحيـاه حـلوه وانـا أخـتج

[مزايا]

عذاب القبر تراه مب شويه
...
من تجربتي فهالحياه ، احس إنه الانســان عشان يستمر لازم يكون مثل الحرباء يعني يتلون فكل موقف يمر فيه

[خطايــا]

^

كلامج صح 100 % في رايه طبعا...

اعامل الناس مثل ما يعاملووني .. بيعاملووني بطيب محد بيكوون احسن عني ..

بيتنيحسوون بكوون قمه في النحاسه ...

[بنت الدلع]

يقولج الخير في البقر
الدنيا ماتسوى وهذي حياه مؤقته اما عذاب القبر الواحد مايدري شكثر بيتعذب في قبره مايعرف كم سنه لين ماتقوم القيامه
اما باجر هيه الحياه الأبديه الي بنعيشها سواء في الجنه او النار
والله يجعلنا من اهل الجنه

عاملي الناس شرات الي ينبغي لا تبالغين وايد في ردة فعلج عشان ماتندمين بعدين
ولا تسكتين وايد عن حقج عشان ماتحسين انج انظلمتي ومادافعتي عن نفسج
ولكن وزني الكلمه قبل لا تقولينها

ان كان الكلام من فضه فالسكوت من ذهب
ومباركن عيدج =)

[المقاتل]

أختي تحفـــــــــه ،،

رب كلمة القت بصاحبها سبعين خريفا في النار وبعدين لا تتمنين عذاب القبر .. أعوذ بالله .. الإنسان لازم ما يقول ولا ييأس من رحمة الله ،،

الصبر على أذى الناس يا أختي زيــن .. وبعدين .. طنش تعش .. وبعدين ما عليج .. في وايد ناس حبوبين .. وترا الطيب دائما يملك القلب .. وإذا كان قلب إلي جدامج جامد .. ما عليه على حسب مزاجج ردي عليه .. بردي حرتج.

بس من قال إن الطيب ما يعيش وإن الشر يدوم ؟ بالعكس الأصح .

وما عليه الصبر مفتاح الفرج .

أتمنى لج كل خير ختيه .

[تحفه]

بوزايد : كنت مختفي صح؟

وحي القلم : مادام ناس أمينين مثلج بعدهم عايشين فلدنيه اكيد الدنيا بتكون بعدها ابخير

مزن هتان : صباح النور ( بالليل )
لول اشمعنى يعني قلتي اكيد وكنت منبينهم؟< فضوووول

شمعة امل : اكيد لا الواحد يكون اكستريم ولا مش مهتم .. بس الشطاره يوم تلعبين في حدود الي سمحها لج القانون < مادري في اي مسلسل سامعتنها لووول

مهابه : طبعا ماقصد .. كنت افكر في كلام انقال وكتبته فلمنتدى .. لاتخافين i have my life

مزايا : احساس رايق و جميل هههه .. نورتي الموضوع هي صح كزنتي وايد تحبج وتستانس عليج ( ايه احبك ) ولانها تحبج انا صرت احبج

خطايا : اسمحيلي على القاعده الي كتبتيها .. انا كنت اتحسب ان هالكلام صحيح .. بس ماردج مابتعرفين انه غلط لاتتغيرين علشان حد واتبعي شخصيتج فكلشي .. بس كوني حذره يوم يستلزم الموقف < قمت اقول درر يبالي من اقوال تحفه ههه

بنت الدلع : لوووووول اي بقر عاد؟
مثل ماقلت حق مهابه انا ابخير بس مجرد تفكير علىطاير وقلت بكتب موضوع لني من زمان ماكتبت حمدلله حياتي حلوه واحمد ربي عليها .. بس اعترف اني الحماس وايد ياخذني

[مزايا]

مزايا : احساس رايق و جميل هههه .. نورتي الموضوع هي صح كزنتي وايد تحبج وتستانس عليج ( ايه احبك ) ولانها تحبج انا صرت احبج

وجان اخجل من نفسي >> فوكس ع أخجل
انا ماحد مصبرني على هالمنتدى الـ... غير كزنج
ياحبني لها
بصراحه احسدج عليها

قمت اقول درر يبالي من اقوال تحفه ههه

عن جد ضحكتيني
عقب بنشوف مواقع وايد تكتب جمل وتحتها بالخط الصغير ~من أقوال تحفه المأثوره ~

[المزوحي]

همم، تقدرون تقولون إنه لازم اكون لوتي، مثل ما قالت تحفه، ام خدود وإلا بوظبي ..

أنا شو اللي متعبني في الدنيا .. إني انسان صادق صريح .. ووفي ... لكن دايما يستقلون هالشي فيني

من جيه انجلب وحش عقبها .. بس لاتتحروني ساذج .. لا ..

الحينه يعني نمشي وناخذ خطوة الميزان .. وأكون وسط بكل شي .. أو التعامل مع الغير على حسب مايتعاملون

ويايه، وإلا أنا اعاملهم معامله خاصه اخليهم يضطرون يتغيرون ...

[مجموعة إنسان]

الدنيا ماشيه جذي

لازم اتجامل الكل ,,

[مزن هتان]

تحفه

لا تكره أحد مهما أخطأ في حقك
توقع خير مهما كثر البلاء


سالفة اني عرفت من الطارح، لأني معجبه فيج * in luv