[ رسمة ] إن الأبرار لفي نعيمــ ـ !!

[أنامل قلب]

السلام عليكم والرحمه ..

:

اشحالكم ..
عساكم بخير وطيبه .. !!

:

بالبداية قبل لا أعرض الرسمه أحب أنبه لانها نقل ..
يعني مش من بنات أفكاري .. !!

والشغله الثانيه انها قديمه ..
لمن كنت بالاعدادي وما أذكر للأسف أي سنه .. !!
لقيتها بالصدفه وحبيت أحطها بما إني حاليا كل ماييت أرسم ألاقي أناملي تيبسو .. وبالتالي ماعندي شي يديد .. !!

بجد اشتقت للرسم بس مو قادره أرسم ..
مادري ليش .. اكتئبت .. !!

ان شاء الله بحط لكم غيرها في حال لقيت البقيه ..
عالأقل أحسس نفسي بإني عايشة جو الرسم شرات قبل ولو عالخفيف ..

... ... ...





... ... ...

صح انها على قدي وشي طبيعي انها مليانه اخطاء ..
بس أكثر مازعجني ابها حرف الـ (( إ )) بـ (( إن )) ..
لأن شكله صدق صدق مب شي ..
كيف صاير عوي بطريقة .. !!

مادري ليش نزلتها أصلا ..
مول ماكنت حاطتنها ابـ بالي ..

بس مادري .. !!

:

يزاكم الرحمن كل خير لكل من بيمر بهالصفحه .. أو فكر يمر ..
ووفجكم لدرب الخير .. بفضله ..

:

احترامي ..
وجل المعذره .. !!

...

[خطايــا]

بالعكس أنامل انا اشوفها انها رمسه حلو وتقولين انج كنتي بعدج في الاعداديه يوم رسمتيها ..
عيبتني الالوان والخط حلوو بعد صح حرف ال إ شوي معتوي بس ما يبين وايد . لول ..

يعطيج العافيه اختيهـ ,,, نتريا يديدج من الرسم .. لو محاوله بسيطه :)

[الا انا]

يالخقاقه يا انامل..

عيل مب عايبتنج ها ..

حبيبتي هذي الرسمه بالنسبه لصف ثالث اعدادي....(( ابداع ..))

حلوه واايد والله ..." الالوان وايد كشخه .. الخلفيه حلوه حييل .. "

"
سلمت ايدج الغاليه "
ونترقب يديدج..

[مجموعة إنسان]

ما شاااء الله عليييييييييج أنامل قلب

,,

عن جد مبدعه

[المزوحي]

نحن ثالث ثانوي، مانعرف نمسك الفرشاة، ماشاء الله عليج، شي ممتاز ..

[المحاق المشتعل]

الصراحه مبدعه بحق

والله انج مبدعه

وهاي الرسمه لو انا ارسمها بهاي الطريقه وانا في هالسن بحمد ربي وبشكره على هاي النعمه

والله فنانه

والهمزه ابداً ما حركت فيني احاسيس الانتقاد تجاهها إلا بعد ما قريت الجمله إلي كتبتيها

تدرين يوم بترسمين رسمه حاولي في المعتاد انج ما تنتقدينها او انج اتخلين الطرف الثاني

يحس انه هناك في خلل وخلي الطرف الثاني دايماً هو الحكم

واجمل ما عجبني في اللوحة ابداعج في الخلفية ماشالله عليج

والله جميله .... عمووووو زهبي مخدتج إلي تخبزين فيها عشان اتداوينها اشويه على اللام إلي قالته

والله انا فور بفنج هذا وباختيارج الاحلى لمواضيعج إلي بترسمينها




بالتوفيق دايماً يا مبدعه

محاق

[عمة العيم]

اناملووووووووووه

كم بعلمج انا كم اصلبج كم مره قلت لج بلا هالشعور السلبي

يننتيني طلعتيلي قرون

يا محاق مب بس المخده يبالها

يبالها العصا

الرسمه وايد حلوه بالعكس

و الخلفيه وايد عايبتني

و الالوان جداً روعه

ماشاء الله عليج

الى الامام دائماً

(^_^)
...

[أنا فقط]

لوحة أحسستُ معها بـالـ"طمأنينة" !!


ألوان هادئة .. و خط جميل .. و الآية تأخذنا إلى البعيد !!





رائعة بحق ..




تقبلي تقديري لريشتك المبدعة

[أنامل قلب]

بالعكس أنامل انا اشوفها انها رمسه حلو وتقولين انج كنتي بعدج في الاعداديه يوم رسمتيها ..

عيبتني الالوان والخط حلوو بعد صح حرف ال إ شوي معتوي بس ما يبين وايد . لول ..

يعطيج العافيه اختيهـ ,,, نتريا يديدج من الرسم .. لو محاوله بسيطه :)

هلا باختي خطايا ..

إي كنت بالاعدادي ..
وبعد هالمرحله صار كل اللي أرسمه مجرد شغلات بسيطة ..
أغلبها بالرصاص ويكون على شكل خواطر تريحني لا أكثر ولا أقل ..
من جي أحس الموهبه البسيييـــطة اللي أملكها بدل ما ترتقي قامت تدهور ..
لإهمالي .. واهمال الغير كذلك .. !!

وعطاري اليديد .. فالله يسمع منج ..
بخاطري أرسملي شي ما صار ولا استوى .. !!

:

وأبقى شاكره لج تواصلج الطيب ..
نورتي الموضوع ..

ويزاج الرحمن كل خير اختي ..

ودي ..

...

[أنامل قلب]

يالخقاقه يا انامل..

عيل مب عايبتنج ها ..

حبيبتي هذي الرسمه بالنسبه لصف ثالث اعدادي....(( ابداع ..))

حلوه واايد والله ..." الالوان وايد كشخه .. الخلفيه حلوه حييل .. "

"
سلمت ايدج الغاليه "

ونترقب يديدج..

دبوووه شو بعد خقاقه ..
احليلي أنا ..

الحلو وجودج حبابه ..
والكشخه طيب هالطله على قلبي ..
والحلو حيييـــــــل وجود اسمج من بين الردود اختي ..

ربي يسلملي طيب نبضج ..
ووفقج لدرب الخير بفضله ..

ودي ..
واليديد نترقبه منج خيتو .. ^_^ ..

:

...

[أنامل قلب]

ما شاااء الله عليييييييييج أنامل قلب

,,

عن جد مبدعه

هلا أخوي ..

سعدت بهذا المرور والاطراء ..
فتواجد اسمك ضاف للموضوع طيبة ..

إي صح ما شاء الله علي .. على قدي >_< ..

بس اشرايك تكتب لك خاطره نثرا ..
وأترجمها أنا رسما ..

(( ناوية أخرب على خواطرك لول !! ))

:

لا قرب الرحمن لقلبك اللي يهمه ..
وتقبل منا فائق التقدير والاحترام ..

/
\
/

نحن ثالث ثانوي، مانعرف نمسك الفرشاة، ماشاء الله عليج، شي ممتاز ..

أخي الكريم المزوحي ..
نورت الساحه .. ^_^ ..

اشدعوه مو لهذي الدرجه ..
ترى كل من له اسلوبه وتعبيره ..
ولو انه كان مبتديء شراتي ..

يبقى اللي يخطه له احساسه مهمن كان بنظر صاحبه بسيطا ..

جرب وبترتاح .. !!

:

الممتاز تواجد اسمك أخي ..
وفرج الرحمن عنك كل ما يهمك ..

تقديري وجل احترامي لشخصك ..

..

[أنامل قلب]

الصراحه مبدعه بحق

والله انج مبدعه

وهاي الرسمه لو انا ارسمها بهاي الطريقه وانا في هالسن بحمد ربي وبشكره على هاي النعمه

والله فنانه

والهمزه ابداً ما حركت فيني احاسيس الانتقاد تجاهها إلا بعد ما قريت الجمله إلي كتبتيها

تدرين يوم بترسمين رسمه حاولي في المعتاد انج ما تنتقدينها او انج اتخلين الطرف الثاني

يحس انه هناك في خلل وخلي الطرف الثاني دايماً هو الحكم

واجمل ما عجبني في اللوحة ابداعج في الخلفية ماشالله عليج

والله جميله .... عمووووو زهبي مخدتج إلي تخبزين فيها عشان اتداوينها اشويه على اللام إلي قالته

والله انا فور بفنج هذا وباختيارج الاحلى لمواضيعج إلي بترسمينها

بالتوفيق دايماً يا مبدعه

محاق

قبل لا أعقب على ردك عمي ..
بس أحب أقولك الله يسامحك ..
قاعده ساعه مجابلة كلمة (( فور )) أبي أفهمها ..
ليمن حزرت انها (( فخور )) ههه ..
ضحكتني وانا مالي نفس ..

ها أستاذي ..
من (( فخرو )) قلبت لـ (( فور ))
بنشوف باجر لشو بتحولها ..
بس تبي الصراحه .. كله ولا فخرو .. ^_^ .. >> اسولف ..

....

أخوي الطيب المحاق المشتعل ..
اسمحلي بس مو لهذي الدرجه ..
وبعدين هذي عساس أذكركم نقل مش من عندي مألفتنها ..
.. !!
للأسف لا الصورة الأصلية ولا رسمتني موجودات عندي ..
ولا جان حطيتهم بشكل يخش العيوب احم ..

أما بخصوص اني مانتقد رسمي .. فهذي أكثر نصيحه أستصعبها ..
أحس جي ما يصير .. لازم أبين ..

وبعدين خل عموه بعيده ..
مافيني أنا روحي من غير شي مكسره ..
بعد اتييبلي عموه عشان أتفتت بالمره >_< ..

أما بخصوص اختياري لمواضيعي ..
فهي تأتي تلقائيا كما يتلاعب به الخاطر ..
ليفضي به تاليا .. !!

:

هكذا نحن دائما بانتظار تعقيب أستاذنا الكريم ..
جعلك ربي ممن كتب لهم قربه .. لعظيم شأنه ..

وفائق احترامي لشخصك الذي كان بالأمس واليوم .. (( بما إنك تغيرت وايد عن السابق )) ..
وان شاء الله بيتم الاحترام لكم للمستقبل الدائم كذلك .. ^_^ ..

والمعذره .. !!

..

[أنامل قلب]

اناملووووووووووه

كم بعلمج انا كم اصلبج كم مره قلت لج بلا هالشعور السلبي

يننتيني طلعتيلي قرون

يا محاق مب بس المخده يبالها

يبالها العصا

الرسمه وايد حلوه بالعكس

و الخلفيه وايد عايبتني

و الالوان جداً روعه

ماشاء الله عليج

الى الامام دائماً

(^_^)
...

هلا والله هلا بعمتنا يا هلا وسهلا ..
جان زييـييييـــــــن ..
تعالي علميني وعطيني شوي من اللي عندج ..

وبخصوص الشعور السلبي ..
ياخي أنا اللي كم بعلمكم كم بصلبكم هذا مب شعور سلبي ..
ياخي فهموني شوي ..

اممم .. اللي هو يعني ..
المهم ..

بسكم تتحرطمتو عليه وايد ..
وفجي عصاج عني شوي ..

:

والله ردودكم اللي تطيب النفس ..

صدق اسانست لهذا المرور من شخصك ..
جعل ربي من الطيبة لزام دايم لقلبج عزيزتي ..
ولاهانج ربي ..

ودي ..
وفائق احترامي ..

...

[أنامل قلب]

لوحة أحسستُ معها بـالـ"طمأنينة" !!

ألوان هادئة .. و خط جميل .. و الآية تأخذنا إلى البعيد !!

رائعة بحق ..

تقبلي تقديري لريشتك المبدعة

لوحة أحسست معها بالطمأننيه ..
لألتسه أنا هنا بفحوى مرورك ..

صراحة أقولها ..
أؤنس لمثل هذا المرور صدقا ..
ودوما ..

أستلطفه لأجده قريبا من القلب جدا ..

(( رائعة بحق ))

أقوها بدوري لما بصرته هنا من جمال نبضك ..
وكل المنى أن يبقيك الرحمن لجلال شأنه قريبه ..

:

ودي ..
واحترامي الدائم ..

.....

ملاحظه : أعتذر من الجميع على تأخري بالرد ..
+ إن كان بأحد ردودي ما يسيء فيخالجه قصور .. >> غير مقصود طبعا .. !!
+ شكر موصول باذن الرحمن لكل من أكرمنا برد .. نظره ..

وجزاكم الرحمن جميعا خير الجزاء .. !!

..

[مرجانه]

i love Arabic hand writing

wish i could do some creative paintings in that field

wish u the best darling