حيالله اختي الدافية .. الله يعينا ويبعدنا عن هالأشكال .. قولي آمين بس ..
وانا حاليا ما اقول الأشياء اللي في خاطري إلا حق اختي العوده وبس لأنها الوحيده اللي تفهمني .... وما شاء الله عليها تيلس اتحلل لي كل واحد كيف ايفكر .. ودايما ما شاء الله عليها تطلع تحليلاتها صح .. عشان جيه دايما احب استشيرها .. قبل لا اسوي اي شي ..
و الربع .. مخلنهم حق الكشته ويوم برمس .. ادور مواضيع عامه اسولف فيهن بعيد عن شغلي وعن أي شي ..
لأني كل ما ارمس عن شي ألاحظ انه فيه منهم يحسسون من رمستي .. ويفسرونها بطريقتهم اللي غالبا ما اتكون خطأ ..
فأنا اتحاشى سوالف معينه عشان ما ييلسون يطالعوني ابعين .. وساعات معظم اليلسات اللي وياهم .. اكون مستمع فقط ما أشارك ..
لأنه استغفر الله في ناس ايحاسبونك على الكلمه .. فوايد احاسب يوم ارمس وياهم ..
وافكر في الكلام عدل قبل لا اقوله .. ما فيه على المشاكل ..