[ العجينه العجيبه ]

[ملاك الروووح]

إشحالكم يا حلوين ؟

عساكم بخير ؟!



:

كل عام وانتوا بألف خير .. بمناسبة شهر رمضان الكريم ..

اللي بيخلص جريب ..

و


مقدماً ..!

وقلنا لازم نحط لكم قبل .. أكله ولا شي ..

وف موضوع اليوم .. واللي هو


بكشف النقاب << نقاب ولا برقع عن عييني العجيب ..

واللي معتمدتنه في صنع الفطاير .. والخفايف ..

وان شاء الله يارب يعيبكم ..



وأشوف تطبيقاتكم جريب .. يا صبايا ..






بسم الله نبتدي ..

مقادير العجينه :




6 أكواب طحين ..

2 ملعقة خميره ..

نصف ملعقة كبيره بيكنغ باودر

ملعقة صغيره ملح

3 ملاعق كبيره سكر

4 ملاعق حليب بودره ( نيدو )

نصف كأس زيت

ماء دافئ .. ( ما أحب أحدد المقدار لأنه يعتمد على طريقة عجنج .. بس تقريباً 3 أكواب )


طريقة العمل :

ننخل الطحين والبيكينغ باودر والملح

ونضيف الحليب والخميره والسكر .. ونضيف عقب الزيت .. ويخلط جيداً

ثم نضيف الماء بالتدريج .. حتى نحصل على عجينه لينه ..

وبجذي عجيتنا تكون جاهزه ..



وتقدرون اتسوون فيها اللي تبونه ..

فطاير جبن .. سبانخ بيتزا .. زعتر .. أي شي ..

أنا عن نفسي .. سويت هالمره بيتزا ..

وفطاير جبن مع مايونيز وبخبركم عن الطريقه الحين





مقادير البيتزا :



بصله صغيره مقطعه قطع صغيره جداً

زعتر ( على حسب الرغبه مش ضروري )

صلصلة البيتزا ( عادي تسوونها بالكاتشب لو ما حصلتوا الصوص .. بس أكيد أحلى الصوص )

مايونيز ..

مشروم مقطع .. طماط مقطع قطع صغيره

فلفل أخضر مقطع لشرائح ..

زيتون ..

( ممكن اتحطون مارتديلا اذا حابين )

وجبن موزاريلا ..


طريقة العمل ..

نخلط ملعقتين كبار مايونيز + 3 ملاعق كبار صلصة البيتزا + ملعقة صغيره زعتر + قطع البصل


ونخلطهم جيداً ..

ثم نقوم بفرد العجين .. بشكل دائري ..

ونضعه في الصينيه المدهونه بحل تاتا .. أقصد بزيت ..

ثم نقوم بتوزيع الخليط أعلاه على العجينه

ثم نضع قطع الطمام .. والمشروم والفلفل والزيتون .
.
ثم نرش جبن موزاريلا على سطح البيتزا .. وندخله للفرن ..

<< عيل مب ثم نرش ما عرفنا لج الحين عاميه ولا فصحى



ومادري الوقت المحدد يعني .. يعتمد على حرارة الفرن

أنا كل شوي أجيك عليه اذا استوى ولالا ..

وانطلعه من الفرن



يمممممممي ..

شكله لذيذ صح ؟!


وهو فعلا كان لذيذ .. وكلهم عيبهم ..

وسهل ما يباله شي ..!






والحين براويكم الفطاير الثانيه الي ممكن تسوونها ..

فطاير الجبن بالمايونير

المقادير :

2 ملعقة كبيره مايونيز

3 ملاعق كبيره جبن

ثوم مفروم ..

شبت


طريقة العمل :

نحمر الثوم في الطابي مع ملعقة زبده

بس ما تخلينه يحترق .. يعني شوي بس ..

وعقب تضيفين المايونيز والجبن .. وتحركينه ..

وعقب تضيفين الشبت المقطع ..

ويكون شكله آخر شي جيه ..



ونفرد قطع عجينه صغيره في الصينيه .. عقب ما ندهنها ..

وانحط عليها الخليط .. وفوقه نحط جبن موزاريلا ..

( مب لازم ..بس طعمها أحلى بالجبن )




واندخلها الفرن .. بس ما تخلونها وايد ..

لما تشوفون انها تحمرت شوي من فوق طلعوها

عشان ما تحترق شرات اللي انا سويتها !

مقهووووووووووووره من الشغاله

اتخيلوا حليلي من الساعه 2 في المطبخ وأعابل .. واخر شي الحبيبه ..

حطيتهم في الفرن وقلت لها تشوفهم ويوم نزلت أشوفها متفيزره جدام التلفزيون مع خواتي وتشوف

وجه آخر .. والفطاير في الفرن .. متفحمااااات !

عسب جيه ما صورتهم اسمحوا لي ..

بس تمت شوي من العجينه سويت فيها خلية نحل هع

وطلعت عجيبه !

يعني اتخيلوا بهالعجينه اشكثر أشيا ممكن تسوون << سبحان الله لووووووول

:
السموحه لو طولت عليكم

وان شاء الله نشوف تطبيقاتكم عاد ..

يالله يربوا اتسوونها في البيت صبايا ..

تحياتي لكم

وألف صحتين وهنا

[تحفه]

لاااااااااااااااااااااااا ااااااااااااااااااااااااا ااا

[تحفه]

ماقدر استحمل البيتزا شكلها لذيذه وتعذب

[تحفه]

ليش مافيها ببروني! < الي يقول بطرشينها بيتنااا


بالعافيه عليكممم

[قصايد غلا]

ملااااااااااااااااااك إنتي عجيييييييييبة "تقرين أفكاري"===> أمسات أدور عجينة للبيزا

يميييييييي يمييييييييي انزين أنا أتريا البيزا والفطاير وكل شي بتسوينه

تسلم ايديييييييييييييييييييييي ج على هالطبخ الغاوي

ماشا الله علييييييييييج أحس إنج طالعة عليّه


و جااااااااااان أيوووووووووع

[ملاك الروووح]

::

لوووووووووول

حبيبتي تحفه

الله يعافيج

والله تصدقين .. كنت أبي أنزل الموضوع عقب الفطور ..

أحس جيه غير .. صيام .. ونشوف صور الأكل ..

:

كنت بحط ببروني .. بس أبويه واخواني ما يحبونه عسب جيه ما حطيت

ما تشوفيني كاتبه انه تقدرون تحطونه .. على حسب ذوقكم يعني ..



:

خلاص لو تبين بسوي لج تحفه ..

حاااااااضرين والله

[تحفه]

لوووووووول هييييييه اكييد ابييي ( فرمضان مااسوي سوالف ) XP

انا من فتره سويت بيتزا بعد كانت مقادير العيينه :
كوب ونص ماي دافي على حار
خاشوقتين وربع active dry yeast
ثلاث اكواب ونص طحين الخبز - ترومين تستخدمين العادي بس مابيطلع ابلذة هاذا!
خاشوقتين كبار زيت زيتون
خاشوقتين ملح
خاشوقة سكر

اول شي اخلطي الـ الماي واييست عدل بعدييين حطي الاشياء الباجيه واخر شي زيت الزيتون


والللللللللله تطلع البيتزا ولا احلى .. جنها مالتـ ناس برو

[ملاك الروووح]

:

هلا والله

فديييت روحج .. انتي الأعجب قصووووده

أفا عليج .. فاهمتنج أنا .. بدون ما ترمسين أصلا ..



:

الحمدلله انج لحقتي على الطريقه

يالله شدي حيلج عاد الحين .. وسوي لنا بيتزا غاويه من ايديج يا حلوه



واعزميني أنا وتحفه عسب نتذوق طباخج ..



:

الله يسلمج حبيبتي ..

وان شاء الله بحط لكم أكلات وسويت عقب ..



:

الله لا يحرمني من هالطله الحلوووووه

[ملاك الروووح]

:

هلا تحفووووه

لووووول

حاضرين والله ..

ما طلبتي

بتفنن لج عاد .. قولي لي بس شو تبين وفاااالج طيب !



:

يبالي أيرب طريقتج عيل ..

بس خاشوقتين ملح .. أحس وايد !


ترى كل وحده يكون عندها طريقة العيين اللي تعيبها ..

واتحسين انج متمكنه منها وتضبط وياج ..


بيرب مالتج .. وبخبرج شو بيطلع معاي ..!



:

تسلمين حبيبتي ..

لا عدمتج

[ايه احبك]

والله انتوا قوم بن طبخ سالفه اتسونها
انا ما احب الطبخ كلما بغيت ادش المطبخ ايصير شي وما ادش فااكتفي بصنع البيض والأندومي XP

[تنينه]

يا مساا البيتزا والعجايب اللذييذه ؛؛

ماشااء الله عليج ملووكـه (أجدتي) صـنع العجيبنه ؛ انا شي اسمه بيتزا ما يدش راسي ما أحب هالأكله وعن طريقة صنعها أحسها مب سهله يبالها حد يضبطها صح ؛ويوم اسوو الفطاير والخفايف كل فطيره لها طريقه معينه وجي


تسلم الأنااامل المبدعه ما شااء الله علييج كفيتي ووفيتي في الشرح الجميل ؛

[شتشووته]

مشالله علييييج .. مالت عليه

يمي يمي ابا بيتزاااااااااااااااااا

تسلميين حبيبي عهالعجينه العجيبه لول

[تحفه]

لا تستخدمين خواشيق كبيره استخدمي خاشوقة الجاي حليب حق الملح والسكر
والزيت زيتون استخدميله خاشوقه كبيره


وعلى فكره نحن يوم نسويها نحطها على هالخشب عشان تستوي نفس مالت المطاعم نفس هذا


بس قبل لانحطها نوزع Cornmeal علشان تكون سهله وماتبهدلنا بالقص

والتوبنغ الي سويته كان عباره عن:
صلصة الطماط وهاي الصلصه روحها قصه <.<

جبن موزرلا و جبن فيتا 3> قلت و مب أو ركزي لول
مشروم ( نشتري العود الي يبيعونه في شويترام ) و طبعن نسويه سلايسات رفيعه
ببروني اكييييد
بصل
ريحان مقطع عدل
زعتر

الاوردر بيكون : توزعين الصلصه اول شي بعدين الجبن بعدين الاشياء الثانيه




صلصه الطماط هاي فضييييعه وتنفع حق وايد اشياء
زهبيها قبل بيوم < اخاف اعقدج اخر شي لولز

خاشوقتين زيت زيتون
نص بصله وتقطعينها عدللل
يزره صغيره او نص يزره كبيره (جزر) وتكون مبشوره عدل ( مادري اذا مبشوره كلمة صحيحه خخخ )
غصن كرفس مقصص عدل ( حتى وي الاوراق مالته )!
بقدونس ويكون مقصص عدلللل وتاخذين منه مقدار خاشوقتين

فص ثوم وتضربينه بالمطرقه ( لاتطنزون بعدني يديده خخخ )
ونص خاشوقه زعتر
1 علبة طماطم معلبه ( لاتصبين العصير الي فيه بالعكس خليه وصبيه وي الخلطه ) واذا ما بغيتي شي معلب خذي طماطتين و قطعيهم وابشريهم و قصيهم و اعصريهم حشى حرب استوت ههاهاااا
الموهيم
وخاشوقة صغيره من اعتقد يسمونه معجون طماط لولز .. الله يعلم الموهيم هاي صورته
http://www.made-in-china.com/image/2...mato-Paste.jpg

شوية ملح + فلفل اسود

الطريقه ( اول دفعه منالمكونات هي الي لونها احمر حطيها مع بعض اول شي على نار عاليه بعدين خففي على هاديه وخليه بعدين تاخذ 15 - 20 دقيقه من دون تحريك )

بعدين العشرين دقيقه .. حطي الثوم وخليه نص دقيقه وبعدين اخطيه وبعدين صبي كل المكونات الي بالوردي لمدة ربع ساعه بعد

هالطريقه بتسوين فيها كوبين ونص صلصة طماط لذيذه .. وترومين تستخدمينها وي الناجوز بعد بس بزيادات اخرى

وسلامتكم

البشكاره تقول اني وايد اتعبها وي ادش المطبخ

[ملاك الروووح]

::

هلا ايه أحبك

لووووووول

أنا عن نفسي وايد أحب الطبخ

وأتفلسف و أؤلف أشيا من عندي ..

تطلع لي أكلات وشغلات حلوه ..


على طاري الأندومي

اتحطين فيه جبن ؟ اذا ما تحطين فيه يربي تحطينه ..

لذيييييييذ



::

مشكوره على طلتج الحلوه فديتج

[ملاك الروووح]

:

مسا البيتزا .. والسويت .. وغرشة البيبسي البارده

حيالله تنووووون

:

الله يسلمج فديتج

أفا عليج .. حاضرين والله



وبالعكس البيتزا سهللللللللله وما يبالها شي ..

والله ما خذت مني وقت .. سويتها ف 5 دقايق يمكن ..

يعني عقب ما عينت العيين ..

بسرعه خلصتها .. وبسرعه استوت ..

يربيها انتي .. وبتحسينها سهله صدقيني ..

لا تستصعبينها

::

لا عدمت حضورج وردج فديتج

تسلمين لي