استفسار عن Nokia 800

**مزن هتان** · 08-10-07 ||, 10:30 AM

السلام عليكم و رحمة الله وبركاته

ندخل بالموضوع

انا عندي Nokia 800

::

::

::

::

انا شفته بالجرايد اول ما نزل و عيبني شكله

و خذولي اياه، ما كنت اعرف هو شو

يوم جربت احدر المنتدى او اي منتدى عربي
ما تظهر لي الرمسه كله - ؟؟؟؟؟؟؟؟؟؟؟؟؟ -
ظهر الغبي غير معرب

من شهر و شوي عندي اياه، وجوده و العدم واحد
وين اوديه عشان يظبطونه لي؟!!
من القهر قلت راح ابيعه بس أخوي قالي لا تستعيلين.
عليه ضمان وديته اكسيوم، سألتني الحرمه اون شو ها؟

اتمنى حد يساعدني

مزن

**بنت ناس و عرب** · 08-10-07 ||, 12:03 PM

اكسيوم بيحطونلج السوفتوير للتلفون

**حصان طروادة** · 08-10-07 ||, 08:17 PM

جربي تروحين محل (فونو) على شارع الشيخ زايد ، أو اتصلي فيهم وهم بيفيدونج ، هو تابع للأكسيوم .

**ايه احبك** · 08-10-07 ||, 08:34 PM

تعرفين انه كيوت ^_^ ان شالله يتعدل لج لنه اخس شي يوم ايكون عندج شي تحبينه او فيه شي تعيس

**مزايا** · 09-10-07 ||, 02:04 AM

انا بعد عندي تلفون مش معرب ووديته اكسيوم وهم دخلولي فيه برنامج
برنامج التعريب كلفني 100 درهم
توقعت من كثر ما اتصل على المحل واعصب عليهم يعطوني البرنامج فري
بس مافاد فيهم شي هههه

**مزن هتان** · 09-10-07 ||, 02:07 AM

بنت ناس و عرب
تدرين رحت اكسيوم، اول ما خذته ما عرفوه
مشكوره

حصان الطراوده
فونو بـ شارع زايد !! بعيد عليه شويه
يخبرني عمي عن امارات للكمبيوتر اللي صوب لامسي
ماحيد وين بالضبط، ماعرف والله مشكلتي المكان!

ايه أحبك
والله صج لايعه جبدي، حتى اليوم كنت رايحه محل تلفونات
سألته جان الا ياخذه قالي هاتيه

شكرا

**حصان طروادة** · 09-10-07 ||, 05:01 AM

مزن هتان

جربي تمرين لأقرب محل أكسيوم عندج ، لأن أحيانا يكون البرنامج متوفر عندهم .

من خلال تجربتي معاهم كل ما أروح لهم يطرشوني فونو !!!

**مزن هتان** · 09-10-07 ||, 01:26 PM

مزايا
ههههه ضحكتيني اون فري

حصان الطراوده
بشوف ديره ستي سنتر

**حصان طروادة** · 09-10-07 ||, 09:05 PM

خبرينا بالنتايج ،

ومنكم نستفيد

**مزن هتان** · 10-10-07 ||, 04:49 PM

من شوي راده من أكسيوم قالوا لي وديه
ابتك، يقولون صوب لامسي!!

**حصان طروادة** · 10-10-07 ||, 05:01 PM

هههههههه

من فونو ألحين ابتك ؟؟؟

هي الحالة نفسها ما تغيروا

بس وين ها المحل ، أول مرة أسمع عنه !!!

تأكدي من الاسم وأنا بسأل عنه ، وبمر عليه بالليل إن شاء الله ، بس اتمنى تردين علي قبل لا أروح .

**مزن هتان** · 10-10-07 ||, 05:12 PM

مادري عنهم
أنا بروحي مو متأكده بس هو قال ابتك شي جذي

ما يحتاي أخوي لا اتعب نفسك

**حصان طروادة** · 11-10-07 ||, 01:38 PM

مزن

اتصلت بأكسيوم استفسر منهم ، وعطوني رقم المحل ، اتصلت فيهم وكلمتهم وطلع يبيعون اكسسوارات وما عندهم برامج تعريب .

المهم ، حاولي تتواصلين مع فونو ، وأنا من صوبي بحاول اتواصل معاهم ، وبدور في النت برنامج التعريب يمكن أحصل شي .

هذا الرقم :

043437710