الفجيره يالي عرفت الفجيره

[ايه احبك]

السلام عليكم والرحمة

يا أهل الفجيره هل لي بمساعده
و الي ساروا الفجيره هل لي بعد بمساعده
لوول

بروجكتي هالسنه اذا فتحت فندق بو خمس انجوم وما فوق وين من الأمارات ممكن ينجح فيه وليش
عاد انا اخترت الفجيره واتوهقت
وتبون الصراحة فكرت انه الكمبتترز شوية يعني في احتماليت نجاحه
بس المشكله انا مب سايره الفجيره الا يوم كنت صغيره وما عرف اذا اطورت ولا لاء
فطلب من اهلها ولي سارها يخبرني عنها
يعني لها سياح؟
واذا هيه
شو اكثر شي ينجذبون له هناك؟
و فندقها بشو تتميز وتجذب السياح لها ؟
واتحسون اغلبية السياح مواطنين ولا وافدين واجانب؟
وشو افخم فندق فيها لني يوم سويت رسيرج فيها 3 فندق قوم بخمسه انجوم على ما اعتقد فا ابي اعرفهم وياليتكم اتقارنونهم بفنادق في دبي عسب اقدر اميز
واذا فتحت فندق الي ترقته الناس الراقين بينجح ولا لاء هناك يعني بيكون لنه اقبال؟
بليز ساعدوني لنه المستثمرين الي بيون الكليه وبيحضرون البرزينتشين الي بسويه هم الي بيقيموني لا مدرسين ولا غيرهم

ساعدوني ساعدوني ساعدوني
بثلاثه

ايه احبكم مصلحه

[مجموعة إنسان]

ما عرفت الأسأله بس فهمت شي واحد !!


المهم

انا مايخصني في الفجيرة بس مرات اروح هناك ..

السياح يوم يسيرون هناك ؟أكثر شي يسيرون الوديان او صوب البحر لان صدق مناظر ولا احلى والجو يكون حلو

..
لان منطقة جبلية بس قريبة من البحر !!


عندهم فندق ميريديان العقه ( وااايد حلو )

ووووو

ان شاء الله

[ايه احبك]

انزين تعرف اذا عندهم دائرة السياحه ولا مكان اقدر اخذ منه ستتستكس عن الفنادق والسياح
-- ويعدين ليش ما فهمت X@ خبرني ونا افهمك ولا ليكون انا ارمس بالياباني XP

[شمعة أمل]

هممم تبين الصراحه .. لو انا كنت في مكانج ماكنت بختار الفجيره .. تدرين ليش .. لانه الفجيره مب دوم زحمه .. غير انه للحين ماسمعت عن مشروعات كبيره بتستوي في الفجيره .. عكس بوظبي وعيمان وراس الخيمه وام القيوين!


بس من ناحية الفجيره ..
انا بس جربت فندق العقه .. والفندق همم شو فيه .. 2 سبا .. حوض سباحه .. جم .. مطاعم .. كم من محل
الى لاحظته من السياح الى يسيرون هناك عادة بس يتمون في الفندق ومايطلعون .. يتسبحون في الحوض او البحر او يسيرون يغوصون .. لانه مادري ماحس الفجيره فيها شي
لكن اذا تبين مثلا ترمسين عن شو يقدرون السياح يسونه غير اليلسه في الفندق انصحج بعد تزيديين كم من منطقه الى عدال الفجيره.. وتذكرين سوق الجمعه ..الخ

والسياح الى يسيرون هناك عادة ناس على بدجت لانه أرخص عن دبي.. او ناس بس جي يسيرون حق الويك اند .. او مواطنين على شهر العسل.. او ناس على بزنس يبون يطلعون من حشرة المدينه


هممم اذا تبين تعرفين اكثر عن الفجيره سألي ماوحشتك .. اظني هي من الفجيره

[تحفه]

بالعكس الشباب يعتبرون الفجيره وراس الخيمه مكان لتغيير الجو والاسترخاء
وثلاث ترباع الي يسيرون هناكي يحبون اجواء مفتوحه (يعني مب سوالف فندق برج العرب وجيه)
يسيرون هناكي عشان البحر والطبيعه
فالبحر اذا بينفتح هناكي لازم يكون نفس فكره منتجع المها بس على زياده امكانيه للآكتفتيز
( شفتي مثلا اغنيه الرويشد الي يسوق فيها نفس طراد بس شكل احلى؟ .. كلحد انصدم التصوير في راي الخيمه ومستويه الامارات الشماليه hit حق الشباب والعايلات )
ثلاث ترباع الي اعرفهم يسيرون هناكي حق البحر والسيايير والطبيعه

انا اقترح انج تفكرين بشي مثل فندق بس ستايل منتجع!

[مجموعة إنسان]

فكرة الشاليهات الفندقية ..

[تحفه]

وهي عندهم دايره سياحيه

[تحفه]

تعرفين نحنا بنات معلوماتنا لمتد في هالامور
بعطيج مثال اوضح

الفجيره وراس الخيمه وام القيوين مستوين حق اهل دبي وبوظبي مكان يغيرون جو فيه
مثل ما ماليبو حق قوم LA وجي

[تحفه]

او مثلا شاليهات و فندق 2 في 1

[مجموعة إنسان]

ممم

انا بسأل أخوي ,, لأن واااحد فاهم في هذي السوالف وعنده أفكار حلوة ..

وهو يحب سوالف البييتش والشاليهات وهذي الأماكن ..

..

[خيال الحب]

انــزيـــن ..

فنــدق بو خمــس نجوووم ....!!

انــــزيــــــن...!!

>>اوه صايمين

انزيــــــــن..!!!

>>>عبط ع الخفيف

تشوفين هالمطرقه,, تراهاا بتي ع راســـج.. اكتبي شوي شوي الكيبورد ما بيطير.. لازم كل رد فيه تنقيعه

عيل موضوعج 3 مرات اقراه عسب افهم

واذا فتحت فندق الي ترقته الناس الراقين بينجح ولا لاء هناك يعني بيكون لنه اقبال؟

انزيـــــــن ..

الفجيره السياح ما يفارقونهااا .. وخاصه بالاجازات فندق العقه ماتحصلين فيه حجز الا بزووور وقوه

فكرتي طال عمــرج ..

بما انه الفجيره تتميز بطبيعتها البحريه والجبليه .. فلازم يكون عندج في الفندق نفس تنظيم الرحلات .. يعني يكون فيه يختين ..

واحد حق الحفلات او الاعراس

والثاني يكون مطعم متحرك ..

اما الفندق

فطبعا لازم يكون فيه احواض سباحه وبليارد وسنوكر وبولنج

واحواض خاصه للنساء.. وجاكوزي .. ومساج وهالسوالف

ومرقص صغير حق المواطنين الفقارى لازم تسوين لهم شي
وشيشه عسب الزباين الراهيين

ومطعم يطل ع البحـــر او يكون برع الفنـدق ويكون بنص البحــر ومسكر كله بزجاج ..

وحديــقه صغــيــره .. حق الالعاب مال اليهالوه

ووووووووووووووووووووووووو وووووو

طراد حق الرحلات البحريه : صيد+ غواصه

غواصات لانه بحرهم هناك نظيف والرؤيه فيه واضحه

محلات عطور وذهب وشيل .. وحنّـايه

شفتي عطيتج بروجكت كامل يلا كم تدفعين

ولو يتني فكره زياده بحطها لج

هي صح

تسوين لهم خدمه توصيل من والى المطار

[بنت ناس و عرب]

حاظرين .. شو تبين تعرفين عن الفجيره ؟ كيف الفندق بينجح

١- السياح يتجهون اكثر شي للمناطق الساحليه الهاديه بعيداً عن الزحمه و ازعاج المدينه
٢- البحر = السباحه الغوص
٣- منطقه نائيه تنفع فيها الاستثمار لانها اشيائها محدوده و مثل هالاشياء نادره ( الفنادق - المطاعم الراقيه - المراكز )
٤- منطقه استراتيجيه = مابين كلباء + خورفكان
٥- فالاعياد و المناسبات اهل المدن يظهرون من اماكنهم مثل ( بوظبي - دبي - الشارجه ) يتجهون لها بسبب انها منطقه طبيعيه
٦- فيها الوديان و اكثر شي الناس تحب تروحه ايام الشتا و نادر لما تحصلين في الشتا فنادق فيها حجز لانها زحمه + يدبلون السعر ( يطلعون خسر الصيف كله )

هذي بعض الاشياء فيه اشياء كثيره

انصحج بفندق فيه مطعم و خليج بعيد عن محلات الذهب و الصالونات و هالاشيا اللي دخلها يكون نص نص

اول فندق انبنى في الفجيره او بالاحرى فالعقه فندق يعادل 5 نجوم مستواه مستوى الريدسن ساس فدبي ( لو تعرفينه )

الناس وايد اقبال عليه خاصه انه الشكل الازرق و بما يقارب شكل جميرا بيتش من الخارج شكلاً تمام + اول ما افتتح الفندق اسعاره كانت رخيصه يكسب زباين يعني الغرفه بميتين او ثلاثميه لين ما تمكن من الزباين و عرف ماشي غيره بدا يرفع السعر لليله الوحده فالعيد الفين او حتى توصل ثلاث آلاف

صح الفندق مافيه فسيلتيز وايد لكنه على المستوى اللي كان فيه او انبنى كان افضل ما يكون

اشيا غير هذي

اشيا تنجح المشاريع
- مطاعم مشهوره تيبينها فالفندق
- شكل الفندق يكون مميز
-خيارات الغرف تكون متعدده
- خدمه الفندق
-صاله افراح فخمه
- الخ الخ من هالاشيا

السموحه طولت عليج

و ان بغيتي اي شي حاظرين

[نفحة العود]

امممممممممم


انا اروح الفجيرة واااااااااااااااااااااااا ايد




يمكن لانه ابوي عنده عقارات هنااااااااااااااااك ،،




فنروح هناك فالاجازات ع الاقل ف الشهر مرة لازم نروح الفجيرة ،،،،




فيه وااااااااااااايد فنادق ف الفجيرة و السياح ما شاء الله وااااااااااااااايدين محملين بباص النقل العام




الفجيرة تطورت وااااااااااااااااايد




فيها مشروع الدانة ،، طبعا للحين ما خلص ،، فيه فندق هيلتون الفجيرة ،، مرديان ،، ساندي بيتش موتيل


فندق هوليدي إن ،،، فندق رويال ،، فندق جال الفجيرة ( الاحدث ) ،، فندق روتانا ،،



اممممم ان شاء الله ما نسيت و لا فندق ،،، لاني مجربتهن كلهن ،،، و طبعا السياح يحبون ايون الفجيرة



اولا بسبب الطبيعة الخلابة ،،، صراحة طبيعة تشرح النفس



و بعدين لانه ما فيها زحمة مثل دبي و بوظبي



و اهم شي انهم اييون و يأجرون سيايير سبورت و ياخذووون راحتهم ف الشوارع ،، لانه الشوارع مب زحمة




و تقدرين تتمشين فيها بسرعة 160 و فوق خخخخخ



و بعد شو اقول !!! خبرني شو تبين بالضبط ؟! يمكن بقدر افيدج ،،،




المريديان فيه شطرنج كبيــــــــــــــــــر و هالشطرنج يحبونه الاجانب وااايد لانه كبير ،، كل حبة ف الشطرنج




قدهم ،، و الحوض الكبير و بعد فيه خدمة خاصة ف الفندق انه فيه باحة حق اليهال و فيه مربياااات ،،،




يعني تفتكين من الصغارية و حشرتهم ،، هذا اول فندق تكون فيه هالخدمة ،،، و فيه قاعة مناسبات و دوم



يحط العاب نارية ف المناسبات ،، وجي !

[المزوحي]

مادري إذا هذا بينفعج

http://ar.wikipedia.org/wiki/%D9%81%...8A%D8%B1%D8%A9

[ايه احبك]

هممم تبين الصراحه .. لو انا كنت في مكانج ماكنت بختار الفجيره .. تدرين ليش .. لانه الفجيره مب دوم زحمه .. غير انه للحين ماسمعت عن مشروعات كبيره بتستوي في الفجيره .. عكس بوظبي وعيمان وراس الخيمه وام القيوين!


بس من ناحية الفجيره ..
انا بس جربت فندق العقه .. والفندق همم شو فيه .. 2 سبا .. حوض سباحه .. جم .. مطاعم .. كم من محل
الى لاحظته من السياح الى يسيرون هناك عادة بس يتمون في الفندق ومايطلعون .. يتسبحون في الحوض او البحر او يسيرون يغوصون .. لانه مادري ماحس الفجيره فيها شي
لكن اذا تبين مثلا ترمسين عن شو يقدرون السياح يسونه غير اليلسه في الفندق انصحج بعد تزيديين كم من منطقه الى عدال الفجيره.. وتذكرين سوق الجمعه ..الخ

والسياح الى يسيرون هناك عادة ناس على بدجت لانه أرخص عن دبي.. او ناس بس جي يسيرون حق الويك اند .. او مواطنين على شهر العسل.. او ناس على بزنس يبون يطلعون من حشرة المدينه


هممم اذا تبين تعرفين اكثر عن الفجيره سألي ماوحشتك .. اظني هي من الفجيره

تعرفين يالياه كلهم استانسوا على اختياري خاصه المستثمرين لنه فيه وايد تحدي وانا بينت اني انا وايد مخ يو نو لوول
فكره براس الخيمة لكن المستثمر عنده مشروع ثاني في الفجيره و مشروعي ممكن يساهم في نجاحه بنسبة 65 % سو قلت خله اكمل الي بديته واحسن انه محد مهتم وايد في الفجيره عشان كل شي يكون في ايدنا

برد على الباقي بعدين
مشكوره على الهلب خيو