نـيـسـان مـورانــو

**ذنـيـنـي** · 01-10-07 ||, 04:06 PM

السلام عليكم

خذتها بالعدسة اليديده على الـ 10mm

على صيغة الـ RAW و ضبطتها عن طريق معالج صور الـ RAW في الفوتوشوب CS2

للي ما يعرف شو معنى RAW
صيغه RAW متوفره في كاميرات الـ SLR
و في هالصيغه الصورة تتخزن على الميموري بكامل حجمها بدون اي تدخل من الكاميرا
لأنه الكاميرا غالبا تقوم بعمل عملية معالجه للصورة قبل تخزينها في الميموري
و اثناء استعمال الصيغه هذه المصور بيكون عنده تحكم كااااااامل بالصورة من جميع النواحي
انصحكم تستعملون RAW+Jpeg اذا كنتوا ناوين تاخذون صور مهمه،، صح انها بتاخذ حجم كبير
لكن يوم بتفتحونها عسب تعدلونها بتحسون بالفرق و في نفس الوقت الصورة بتتخزن مرتين مره بصيغه Jpeg للعرض السريع و التعديل السريع
و مره بصيغه RAW اذا كنتوا تبغون تتفيجون للصورة

اذا تصويركم كان مال عبط و جي،،
ما يحتاي تستعملون هالصيغه لأنها بتاخذ مساحه كبيرة

**قرموشة** · 01-10-07 ||, 07:07 PM

^
صدق هـ الخــاصيــه تـسوي فعايـل P=
ماشاء الله الصـورة وايـد حـلوة يا ~ ذنيـنـي . . أحـسهـا تنفـع للدعايـه
تسـلم وما قـصـرت

**مايهزك ريح** · 01-10-07 ||, 07:45 PM

وايد حلو الصورة .. لون الموتر طالع غير ..

بس ياليتك صورتها في مكان مفتوح والسما طالعة .. مب فوقها الكراج ..

بس بعد هذا ما يقلل من قيمة الصورة .. وتسلم عدستك ..

**ملاك الروووح** · 02-10-07 ||, 01:54 AM

:

واااااااااااااااااااااااو

بيرفكتواااااااااااااااااا

:

ماشاءالله غاويه الصوره ..!

مادري أنا عن نفسي حسيت لون الكاراج .. طايح على لون الموتر ..

وما أحب الا هاللون عالمورانو ..

بس كنت أتمنى انه انعكاسك مايظهر عالموتر ..

بس صعب طبعاً تصور الصوره من هالزاويه بدون ما تظهر في الصوره ..!

بس هذا ما ينقص من جمالها أكيد ..

ماشاءا الله روعه روعه ..

مميزه وايد .. وسيفتها من بعد إذنك

أقصد سيفتها وخلصت طويل العمر