<font color='#810541'><strong><font color=#990099 size=3><font color=#9999cc>أخوي (المزوحي)</font>
حبيت اقولك بس ان التعامل الطيب مع الناس اللي ما يحترمونا هب ضعف بالعكس هذا قوة . قال الله تعالى (ولو كنت فظا غليظ القلب لانفضوا من حولك ) صدق الله العلى العظيم.
أنا مرة صارلي موقف وراح اقولك اياه وان شاء الله تستفيد منه .. مرة كنت أشتغل وياه وحده على مشروع معين في الجامعه .. مرة وحده كلمت البنت وقلتلها المفروض نسوي جي وجي يعني كلام عادي .. تخيل شو ردت علي؟؟ .. قالتلي انتي خلصي شغلج وبعدين ارمسي وكلام وايد جرجني الصراحه .. والله الشاهد اني ما توقعت منها هل الكلام .. هيه صح هب ربيعتي الروح بالروح لكن احترمها مثل ما احترم كل الناس .. المهم ، أنا تضايقت من ردها بس قلت في خاطري لازم أكون أحسن عنها .. هيه كانت تدخل وما تسلم علي حتي ولا تقولي فلانه شخيارج من بعد هل موقف طبعا .. بس انا يوم كنت ادش مكان وهي ياسه اسلم عليها وأقوللها فلانه شحالج ولا جنه شي صاير ..طبعا في داخلي كنت أسأل عمري ليش هيه تعاملني بهل برود . المهم بعد كم يوم لقيت لنه معاملتها معاي تغيرت وصارت أوكي معاي .. السموحه لو اتفلسفت وايد لكن بغيتك تفهم يا خوي انه المعامله الزينه وياه اللي ما يحترمونا لازم بتييب نتيجه في يوم من الأيام ومصيره الشخص يعرف قدرك في يوم .. السموحه أخوي لو طولت عليك . احتك حواري <img src="http://oasis.bindubai.com/emoticons/inlove.gif" border=0> </font></strong></font>
رد مع اقتباس
مواقع النشر (المفضلة)