[ :: . سويـــ زيورخ ^ لوسيرن ^ تيتليز ـــرا . :: ]

[مايهزك ريح]

نبدأ بزيورخ ..

باقي شوي ونوصل زيورخ ..



وصلنا المطار ..




بحر الموده ما اقدر انساه ولو نسيته اتذكره اول ما اشوف .. Thai




اول رحله كانت city rama ..




محطة القطارات الرئيسية ..

التذاكر ..




التمثال اللي في المحطة ..







شارع بانهوف شتراس ..





بحيرة زيورخ ..











زيورخ -- المدينه القديمة ( Old town )



الطريق إلى لوسيرن ..




بحيرة لوسيرن ..










الجسر الخشبي .. رمز لوسيرن ..



الساحة اللي نزلنا فيها .. عدال محل بوخرير ..




صور من الرحله ..

















الطريق إلى تيتليز .. Titlis











ركبنا التلفريك الأول ..
















تيتليز .. تيليفريك ..



الإرتفاع ..





Ice flyer ..



وان شاء الله اكمل آخر رحلة ..
اللي هي مصنع الجوكليت ..و Mount Santis .. اتريوني ..

[اللولوه]

السلام عليكم

ما قدرت امنع نفسي من الرد.. بصراحه صورك عجييييييييييييبه.. سبحان الله كيف الطبيعه خلابه..

[مايهزك ريح]

اشكرك اختي على الرد ..

[ايه احبك]

حلوه صور المناظر وايد ما يهزك ريح ^^
وطبيعيتها اتجنن
يسلموو

[مايهزك ريح]

اشكرك اختي ايه احبك على الرد ..
كل شي عندهم حلو ..

[يغار مني القمر]

والله الصور رووووووووووعه ،، كانك تسوي دعايه لهم

[جنون امرأة]

انا خلاص الصيف الياي عندهم..





ما يهزك ريح .. انت تسوي مشاكل ..

[مايهزك ريح]

حيالله اختي " يغار مني القمر "
اولا اشكرك على الرد .. ثانيا منو قالج اني اسوي دعايا خخخخخخ
بالعكس البلاد حلوه وما تحتاج دعاية .. حلوه للي ساير يبا يرتاح من ضغط الشغل ..

[مايهزك ريح]

أهلاوية للأبد .. اشكرك على الرد ..

يالله خلاص الصيف الياي ان شاء الله كل عيال الواحات هناك ..

[بنت الدلع]

روووعاااااااااااااااااااا اااه

وايد حلوه المناظر
خصّة ثالث صورة من بحيرة زيورخ
الوانها جنه رسم
انته لاعب بالصوره ولا هيه اصلا جيه؟

واعذاابي عالثلج انا
ونااااسه
لعبت skiying ؟

احس وااايد زحمه في التلفريك >_<
كيف تتنفسون داخله !

ثانكس وايد عالصور
بانتظار البارت الاخير

[مايهزك ريح]

مرحبا بنت الدلع ..
عدلت الإضاء لأنها اشوييييه كانت مظلمه .. بس هيه جيه في الطبيعة ..
وللأسف ما لعبت في الثلج .. لأني كنت يالس ويا الولده .. وخواتي كانوا يلعبون الصغارية ..
وكنت احوط عدالها .. واصور ..

التلفريك ايشل 80 نفر .. فتخيلي الزحمة كيف .. طبعا معظم اللي دخلوا ويانا كانوا هنود اسمينا فطسنا .. هذاك اليوم ..

[خيال الحب]

ياسلام على هالصور الحلووه

[ذنـيـنـي]

و جان اقردن الوالده
كنا ناوين نسير كندا،،بس اقنعتها انه نسير سويسرا + النمسا و المانيا "كالعاده"

من كمن يوم كنا يالسين انا و الوالده و اخويه الصغير و مرت اخويه و فاتحين قوقل ايرث + خرايط الوالده لو تشوفنا بتقول من وين طلعوا ماجلان و فاسكو ديجاما

و يالسين نسوي plan للرحلة
لأنه الوالده عندنا ما شاء الله عليها وايد دقيقة في هالامور و ما تحب تخلي شي للصدفه
و ترتب السفره بحيث انه نسير رحلات تقريبا بشكل يومي، يعني مثل ما يقولون ما عندنا وقت فراغ
+ ما عندنا بنات، يعني مافي شي اسمه شوبينغ

انا لو اسير هناك اظني محد بيشوفني،، بشل عدة التصوير بالكامل و جان ما اخذلي كل الخرابيط الي في السوق
لأنه سويسرا و النمسا يعتبرون "جنة المصورين" و خاصة لو كنت من عشاق الـ لاند سكيب

[مايهزك ريح]

خيال الحب .. عيونك الحلوه شافت صوري حلوه ..
تسلم على الرد الغالي ..

[مايهزك ريح]

كندا مشكلتها انه الدرب بعييييييييييييد .. يعني نحنا كنا كل سنه انسير نيويورك .. كنا بنموت لأنه الدرب 12 لـ 13 ساعه بالطياره .. دايركت .. تخيل شكلنا .. صدق مووووووووت .. نوصل هناك البتري امخلص .. خخخخخ

سويسرا .. وايد مرتبه ونظامهم حلو .. يعني من تتعود على القطارات .. والترام بتعرف تمشي .. نحنا بس يومين شويه تعبنا .. ويلسنا نسأل وعقب .. مشينا على راحتنا .. لأنه تعودنا على النظام ..

وعندهم باصات التورز .. في مكان معين ورا محطة القطارات الرئيسيه .. تسير له بالترام أو مشي .. وما ايضيع .. وتتحرك الباصات على الوقت .. واسعارهم حلوه .. ايحوطونك كل الأماكن ..
نحنا كل رحلاتنا وياهم ..
خذنا تقريبا ثلاث رحلات رئيسيه ..
أول وحده كانت رحله City Rama هاي عباره عن كشته في زيورخ نفسها .. ويراوونك المدينه كامله ويشرحولك عنها .. وآخر شي ننزل في مدينه رابرسويل .. ويعطونا الخوارط .. ونكمل كشته رواحنا .. والرده بالباخر لين بداية البحيره .. فنوصل البانهوف ومناك نقدر نرجع الفندق .. تقريبا الرحله هاي كانت ويا الـGuide لمدة 3 ساعات وعقب نحنا تمينا رواحنا وردينا الفندق على العصر ..
باقي الرحلات كلها برع مدينة زيورخ .. يعني 9- 12 ساعه مع الـ Guide
الأماكن الباقيه كانت ..
لوسيرن + تيتليز ..
chocolate factory + ومدينه ابنزل + Mount Santis
وعقب نحنا تمينا نتكشت رواحنا ..ونتحرك بالقطارات .. من مدينه لمدينه .. بس نرجع لزيورخ عشان ما حصلنا حجوزات برع زيورخ كنا سايرين في وقت المهرجان .. ووايد زحمة .. فلازم من قبل اترتبون للرحله ..
وانا عندي كل البروشورز مال الرحلات .. اذا تباهن ..
وبتلاحظ انه هناك صعب تتحرك بموتر اذا انتوا عايله عوده ..
انا في امريكا كنت عادي أأجر موتر وال جي بي اس ما ايقصر وما اخلي مكان .. بس في زيورخ وايد صعب انك اتسوق فيها اذا انته مب متعود على نظامهم .. شويه ايصدع الراس .. فما قدرت أأجر موتر .. وبعد لأنه نحنا كنا عشره .. لازم نتقسم على موترين .. ومحد بيسوق الموتر الثاني .. فتبهدلنا ..
ويوم كنا نتحرك بالتكاسي .. لازم ثلاثه على الأقل .. انسوي مسيره خخخخخخخخخ