هلا حبيبتي دمعة شوق
انا وحده استخدمت الليزر والصراحه وايد استفدت منه
جلسات الليزر تتروح بين 3 الي 7 جلسات ويمكن اكثر ويختلف من شخص للثاني ويرجع هالشئ الي عدة اسباب نوعية المكان الي بتزيلين عنه الشعر و طبيعتيج
وبعدين نوعية بويصلة الشعر فينا تنقسم ثلاثة انواع الاولي نشطه والي هي تسبب ظهور الشعر والثانيه نصف نشطه والثالثه خامله
فلما نزيل الشعر اول مره هنيه هم يحرقون البويصلات النشطه فبالتالي تبتدئ البويصلات النصف نشطه تتحول الي نشطه وعشان جذي يطلع الشعر مره ثانية وتستمر هالعمليه الي اليويصلات الخامله عشان جذي بالبدايه راح تحتاجين الي هالعدد من الجلسات لانه كل مره هم يحرقون بويصلات جديده
في البداية يمكن راح تحتاجين تروحين كل شهرين او ثلاثه عشان جلسه ليزر بس بعد 7 او 8 جلسات يمكن تحتاجين تروحين مره بالسنه

والله يوفقج بس اختاري دكتورة بشره متخصصه شاطره لانه الليزر يحتاج الي ناس متخصصه
ولا تروحين صالون ابد ابد عشان الليزر

دمت بخير