macbook pro

[الثعلب الرمادي]

و لو أخوي ..

معلومات عامة مهمة جدا و ما يعرفها الا اللي استخدم الماكنتوش لفترة و راقب تحديث الاجهزة و برامج التشفيل و شركة آبل هي شركة المفاجآت و كنت اتمنى اي احد من الاعضاء يفهم في الماكنتوش انه ينصح الاخت انها تنتظر و تشتري الجهاز مع نظام التشغيل اليديد leopard اللي نزل الشهر الماضي مب مع نظام التشغيل الجديم tiger اللي مرت عليه سنتين و للحين يبيعونه مع الاجهزة!

عل و عسى تكون الفكرة وصلت..

[حصان طروادة]

أخوي الكريم ، أشكرك جدا على المعلومات

ما نختلف أبدا في مضمون ما ذكرت ، وأبدا ما يخفى علينا ، لكن الشركة لا تلتزم بمواعيدها (في الغالب) ، فبالتالي لا نستطيع إلزام الناس بأشياء ممكن تتأخر أكثر من اللازم .

الخطأ خطأنا في إنا ما ذكرنا هذا الجانب .

لك كل التحية والمودة .

[الثعلب الرمادي]

ما نختلف أبدا في مضمون ما ذكرت ، وأبدا ما يخفى علينا ، لكن الشركة لا تلتزم بمواعيدها (في الغالب) ، فبالتالي لا نستطيع إلزام الناس بأشياء ممكن تتأخر أكثر من اللازم .

ملاحظة صغيرة ..

السياسة التسويقية لشركة آبل تحتم عليها إخفاء مواعيد إطلاق الأجهزة الجديدة أو أي تحديث للأجهزة الحالية و ملحقاتها و تسعير أجهزة شركة آبل ثابت مهما طال العمر بالمنتج و مستحيل يتغير و في حال نزلت أجهزة جديدة يتم سحب الأجهزة القديمة من الأسواق و مستحيل تباع بسعر مخفض بسبب صدور أجهزة جديدة.

أما بخصوص البرامج فالشركة واضحة بشكل كبير من هذي الناحية فمثلا التحديث الرئيسي للجيل العاشر من نظام التشغيل ماكنتوش و اللي اسمه leopard كان معروف من فترة طويلة و تأخرت الشركة في موعد الإطلاق لمدة بسيطة بسبب التطوير و هالشي عادي .

المهم كقاعدة أفضل توقيت لشراء الجهاز هو خلال أول ستة أشهر من موعد الإطلاق حتى ما تكون فيه أي مفاجآت محزنة.

في عالم الماكنتوش الهاردوير أهم من السوفتوير البرامج مقدور عليها لكن الأجهزة مكلفة و تحديث المعالج مستحيل و الشي الوحيد الممكن تعيدله في أجهزة الماكنتوش هو الرام و الهارد دسك و بس!!!

راجعوا الموقع ..

http://www.macrumors.com/

كل الود ،،،

[تحفه]

ماك برو اير يذببببببح

[بنت ناس و عرب]

تحفه ^ ماشي ماك بوك برو اير MACBook Pro Air

فيه بس ماك بوك اير MacBook Air

[تحفه]

لا يستوي تطلبين ..واحد من ولاد خوالي مسونها واينن ;)

امممم مادري اذا سمعتي عن الماكبوك بو 15 inch .. نفس الماك بوك من داخل بس شكله من برع ماكبوك برو

فكرت اخذه لان الماك برو بالمقارنه وي الماكبوك بطيء والصراحه حجم الشاشه يهمني وايد لان تفكيري استوى تفكير عيايز واحب اشوف كل شي كبير لول< بالمختصر هالصيف استويت شوي وايد عميه p;

بس انا احتاج لابتوب يديد حق الجامعه ومابي اي تاخير

واليوم جمعه و الـ I STORE امبند X,X والابيض مخلص من كل محلات الـ I STYLE :S

قلت اذا ماحصلت باجر باخذ الاج بيه اليديد

بس عندج فكره ليش ينباع ب6 في شرف دي جي وفي فيرجن اب3 مادري اربع؟!!! اتكلم عن الج بيه البافيليشن اليديد المنزل بنظام الانتل .....

[ذنـيـنـي]

تحفه في شارع المطار شي محل يبيع كمبيوترات ماك باسعار اقل من اسعار السوق
لأنه هو الي اييب منتجات ابل و يوزعها على المحلات

و انتي يايه من صوب السيتي و سايره صوب المطار بيكون على يمينج
بتحصلين علامه التفاحه على المحل


ولد عمي خذ الماك بوك برو 17 انش من عندهم و انا ان شاء الله بعد باخذ آي ماك من عندهم
اسعارهم اقل بوايد

[تحفه]

اقل بحوالي كم؟ تعرف ديره ما تنطاااق ..... مابصك درب لين هناك بفرق سعر اقل بشوي S:

واذا ممكن الرقم واللوكيشن علشان اتاكد ان عندهم ستوك!


وشكرا وايد مقدما

[تحفه]

شارغ المطار وين؟ S: lol

^^"

[تحفه]

شارع**

[ذنـيـنـي]

ما عندي رقمهم ولا اعرف اسم المحل
اعرف المحل يوم اشوفه D=


شارع المطار هو شارع المطار لول
الشارع الي فيه مطار دبي


الفرق في الماك بوك برو الي خذناه كان حوالي 1500 درهم ;)

[تحفه]

شششششششوووووووكككراااااان

حصلت خريطته للي يبي ..




اسم المحل graphitech ورقمهم +971(4)- 28 22 559



ماعرف ليش مايطلع عدل بس هالوبسايت مالهم http://www.graphitech.co.ae/Contact.htm

[تحفه]

مانقصولي السعر وايد :S بس خمسمية درهم :S يمكن محل ثاني

[ذنـيـنـي]

انزين خمسمية بتاخذين فيها عطرين
او 5 او ست روجات
أو 500 بيبسي
أو 100 همبرغر من كفتريا عنتر


الفرق في المواصفات بعد

نحن حصلنا الماك بوك 17 انش مع بروسسر 2.4 و هارك ديسك 350 جيجا بـ 12500
و حصلنا في هالمحل ماك بوك مع بروسسر 2.66 و هارد ديسك 500 جيجا بـ 11000

يعني مواصفات اقوى و سعر اقل ;)

[تحفه]

بس هالديسكاونت يعطونه عادي حق اي طالب يدرس من اي محل ( اي ستايل - اي ستور - فيرجن - etc ) مب بس هاذاكي المحل يعني