كــورفــت SS

**ذنـيـنـي** · 20-09-07 ||, 07:38 PM

السلام عليكم ورحمة الله

شوفو كيف ضخامة البريكات (سيراميك كربوني)

ابرز الفروقات تكمن في الجناح الخلفي و سقف الكاربون فايبر

**ألم ترى** · 20-09-07 ||, 09:23 PM

بسم الله الرحمن الرحيم ..

هلا بوذنذن ..

ياخي انت عجيييييييب ! ..

الصور صح ماشاء الله ..

الله ما جعلني مليان فلوس لجل اكثر من هالمواتر لووول ..

شكرآ لك ع الطرح ..

**مايهزك ريح** · 20-09-07 ||, 09:39 PM

اللـاااااااااااااااه

... انا ابا هالموتر..

خواتي كلهم اشتروا مواتر يديده .. وانا بعدني على موتري الحتر .. متى ببدل موتري اففففففف ملييييييييت

تسلم ذنيني على الصور ..

**المزوحي** · 21-09-07 ||, 12:52 AM

ذنيني شفت شو سويت بــ مايهزك ريح

الحينه يبغي موتر

تدري مايهزك ريح لو انا كنت قايل هالكلام إني ابغي موتر

موتري يزعل .. تستغرب جماد له احساس ويزعل

أقصد من الرمسة .. قبل كنت يوم أقول مابغي موتري وباخذ غيره

في نفس اليوم يستوي إنه حد يلف عليّه بطريقة جنونية وكأنه يبغي ينفد

موتري .. الله يعطيك موتر فنان ويحفظك

**مايهزك ريح** · 21-09-07 ||, 03:15 PM

انا حاط في بالي يكمل اللي عندي 60ألف ..
وابيعه ..موتري توه امكمل 45 ألف ..
فبدور من الحينه ..
يارب اينزلون موتر عدل .. عشان اغير عن اللومينا ..
اخوي دايما يطنز بي .. انته ما صدقت خذت هالموتر .. تبيع اترد تاخذ مثله .. فأحين لازم اغير ولا بيقطعوني ..خخخخخخخ

**المزوحي** · 21-09-07 ||, 04:50 PM

بتشوف المواتر اللي بتنزل، وتقدر تنشد من الحينه، وتحط في بالك

كذا موتـر وفي الاخير تقرر شو بتاخذ لك .. الله يوفقك .

شكلك تبغي صالون مب فورييل

**ذنـيـنـي** · 21-09-07 ||, 05:39 PM

معرض السيارات بيكون من تاريخ 11-18 نوفمبر

يعني تقريبا شهر و نص باقي عليه
الين هاك الوقت بتكون كملت الـ 60 الف

**مايهزك ريح** · 22-09-07 ||, 08:20 PM

ان شاء الله ..
انا في خاطري فوريل .. بس كل ما اشوف واحد ما يعيبني شكله .. واذا الشكل حلو .. المكينه كجره ... ما اعرف شو اسوي ..

**المزوحي** · 22-09-07 ||, 08:32 PM

يمكن الشباب الحين بيقولون لك تاهو، وانت بتقول إنه موتر كبير وعائلي، وايدين يشترون هالمواتر لو روحهم يركبون الموتر، يعني مب شرط سالفة الأهل وغيره ....

**مايهزك ريح** · 23-09-07 ||, 09:22 AM

هيه صح .. لأنه اخويه شاري الدينالي .. مب شرط يطلع به وكل الصغاريه وياه ..
انا بعد عايبني هالموتر .. ويالس اتشاور ..
حتى تقدر اتدق سلف من على بعد قبل لا توصل الموتر .. مواصفاته توب ..
بس انا مشكلتي من النوع المتردد .. وايد اخذ وقت لين اقتنع ..
يالله ادعولي .. في رمضان ..

**المزوحي** · 23-09-07 ||, 03:16 PM

أول بادي حدد الميزانية وحط في بالك 3 مواتر مثلا

وعلى الثلاث اللي بتختارهن .. أسأل الغير .. بس اسمع وجهات النظر

يعني لو سألت 5 أشخاص عن الموتر الأولي .. شوف شو الرد ..

وكذلك بالنسبة للموتر الثاني والثالث ..

وأكيد في النهاية االقرار لك ..

إذا تحس بعمرك ماتحب الفورييل وماتيوز لك .. لا تشتريها .. لانك

مابتبعيها نهار ثاني .. البعض مايحب موتر عليو ... يعني عباله مثل

ما يقولون ..