[ *-- رابرسويل -- سويسرا--*]

**مايهزك ريح** · 17-09-07 ||, 12:09 PM

مدينة رابرسويل تبعد عن زيورخ 40 كيلو تقريبا ..
توجد بها حديقة للورود وخصوصا ورد الروز ..

وصلنا لرابرسويل .. كانت درجة الحراره 12 تقريبا .. والمطر كان خفيف .. دخلنا للمطعم .. وعقب سرنا حديقة الورود انصور ..
وآخر شي ... رجعنا بالباخر لزيورخ .. طبعا بالباخره خذنا ساعتين لين وصلنا ..

اتركم مع الصور .. واتمنى انها تنال اعجابكم ..

وصلنا المدينه ..

المطعم .. طبعا ماشي غير بيتزا .. او ماكدونالد ..

بجع..
" واثق الخطى يمشي ملكا "

إلى الحديقة ..

وصلنا الحديقة ..

منظر عام للحديقة ..

الورود..

قبل لا اركب الباخرة ..

الباخرة ..

في الرده على الباخرة .. كنت احاول اصور النورس ..

**ذنـيـنـي** · 17-09-07 ||, 04:01 PM

ما شاء الله حلوة رحلتكم اخويه مايد
سويسرا من البلدان الي اتمنى اروحلها
من البارحه يالس اقردن الوالده خخخخ اقولها شو تبغين بلندن و النمسا،، كل سنه تنقزين و تسيرين هناك ويا عيالج
فـ شكلنا بنغير الوجهة هالسنه الى سويسرا

**العجيبة** · 17-09-07 ||, 11:01 PM

حلوو المكان والله ..

عيبتني الصور اللي فوق المطعم ..

تسلم يدينك ..،

**مايهزك ريح** · 18-09-07 ||, 08:50 AM

حيالله ذنيني..
تبا اتشجعها .. اذا الوالده اتحب الأسواق ..
ترى زيورخ فيهاشارع اسمه بانهوف ستراس .. كله shopping
وبعد مكان ثاني اسمه Old town تكملة للأسواق .. وطبعا تتحرك كله بالترام ..
واي معلومات تباها عن زيورخ انا حاظر .. لأنه نحنا قازينها كامله

بصراحة في اماكن كنت اتمناك تكون ويايه .. تعلمني على التصوير ..
والمناظر وايد حلوه الواحد ما ايعرف شو يصور ..
انا مانزلت الكيمره عن ايدي .. من كثر الأماكن الحلوه ..

شكلي بنزل الصور على اجزاء ..

عشان اتشوف الرحلة كاملة ..

**مايهزك ريح** · 18-09-07 ||, 08:53 AM

تسلمين على الرد اختي العجيبة ..

ان شاء الله بتفيج .. وبرتب باقي صور الرحله .. وبنزل جزء ثاني ..

**جنون امرأة** · 18-09-07 ||, 10:18 AM

واااايد حلو المكان ..

والصور بعد وايد حلوة ..

**مايهزك ريح** · 18-09-07 ||, 10:29 AM

مشكورة اختي اهلاوية على الرد ..
احلى شي في هالمكان .. انه كله ورود .. والمكان وايد هادي

**مايهزك ريح** · 20-09-07 ||, 10:24 AM

حركة ..

**مجموعة إنسان** · 20-09-07 ||, 02:54 PM

ما شاء الله عليييك مااايد.. شكلها واايد حلوة سويسراا

شوالجو هناااك ؟؟؟

**خيال الحب** · 20-09-07 ||, 03:37 PM

السلام عليــــــكم

ياحيالله اخوي مايهزك ريح

صووور تفتــــــح النفــــــــس ^____^

ولو فــي زياده لاتبخـــل عليــنا فديت خشــمك :)

**دمعة شوق** · 20-09-07 ||, 08:45 PM

ماشاءالله عليك تصويرك غرااام
والمكان روعه ، الله يقدرنا ونزورها
؛
وبنتـظار الباقي طويل العمـر
:)

**مايهزك ريح** · 20-09-07 ||, 09:27 PM

مجموعة انسان .. الجو رهييييييييب .. يبالك اتسير .. واتشوف ابنفسك .. وتسلم على الرد

**مايهزك ريح** · 20-09-07 ||, 09:28 PM

وعليكم السلام والرحمة .. حيالله سعووود ..
ان شاء الله بحاول انزل الجزء الثاني ..

**مايهزك ريح** · 20-09-07 ||, 09:29 PM

حيالله دمعة شوق .. نورت البقعة اختي ..
واتريي .. اليديد .. ياي في الدرب ان شاء الله

**الـيـاه** · 26-09-07 ||, 08:02 PM

سلاااااام !

وااااايد حلوه الصور يا مايهزك ريح ..

سويسرا : من اكثر البدان اللي احبهااااااااا واسييييرها كل سنه .. من كثر ما احبها من كم يوم اقول
خاطري اعيش في جنيف والا مونتريكس مال خمس سنين وعقب برجع ..

بلاد هاااديـه وراااقيـه ومافيها زحمة عرب وايد وايد .. والـ shopping مالها وايد حلو

آخـــر الــمــواضــيــع

الموضوع: [ -- رابرسويل -- سويسرا--]

أدوات الموضوع

عرض