الله يرضى عليكم

[المزوحي]

الانسان يمر بفترة من حياته بضيجه

تكدر



أيام حياته وانا أكييييييييد مابغي

هالشي يستمر .. صدق تعبت ..

من الوسواس كيف أبعده وأعيش شرات أول

من احط راسي على الموسده وأنا افكر

يمكن حد يستوي به شي ...

أكيد حلو تفكر بحيث تكون جريب من هلك

لكن مب بالطريقة هذي ..

إذا الانسان عنده هم ...يدعي ربه

وااايد أتوتر هالأيام ..

مابغي أفكر .. خله كل شي يكون بوقته

لأني بــ " هالطريقة " احاتي واااايد

وأتم مبوز ومب عارف شو أبغي واحاتي

كيف أبعد هالشعور ...

ساعدوني الله يرضى عليكم ...

حتى يوم حد في شي أوسوس شو اللي

بيستوي ..

كيف أكون قوي وأصبر نفسي ؟؟!!

[العجيبة]

كثر من الاستغفار

وحط في بالك ان الحياة حلوة لونها بمبة ..

والله يعينك

[مــهــابه]

أخويه المزوحي :


[ لاتـفكر ] بشي ! بـعده ماصـار



صح الانسـان يفكر ، ويوسوس

لكـن !

بقدر ماتقدر ، حاول انك تلتهي ب شي ،


حاول ترقد القرآن دووم قبل لاترقد


لو كنت ضايج

فـكر بالهم بطريقة ايجابيه

مثلا تكون ضايج وزعلان وجيه

قـول :


ليش أتـضايج انا ؟

شو بستفيد يوم بوسوس ؟!

ليش اتوقع شي بعده ماصار ؟!


أطرح هالأسئلة بينك وبين ذاتك


وبتحس بعمرك انك مابتفكر بشي يضيج بك او يـزعلك



والله يبعد الضيج عنك وعن الجميع يــارب

[المزوحي]

العجيبة ... إن شاء الله ألزم الاستغفار

الحياة حلوة نعم .. لكن اللي كتبته فوق يخرب حلاوتها ..

[المزوحي]

مهابه ..

يوم كنت أقول لعمري " ليش اتضايج أنا وش بستفيد من الوسواس

أكيد ماله فايده .. مهابه .. في المرحلة القبيلة كنت أقول لعمري

نفس اللي قلتيه .. لكن الحين أخاااف أين ...

تصدقين توني سمعت صرخة يوم سرت الصالة .. يلنه صوت التلفزيون

كل شويه تلقيني أدور الأصوات

[الزرعوني]

<-- صارله على هالموقف سنين و ليومك مب عارف افجه عني


ع العموم الله يكون بعونك و يبعدها عنك باقرب وقت :)

[الجنيه]

السلام عليكم ورحمة الله وبركاته ,,,

مثل ما قالو لك قبل كثر من الاستغفار انا عن نفسي من انسدح ع الشبريه اتم استغفر لين ما احس بشي يعني انام ...

وبعدين دايما خلك متفاءل بالخير وتذكر ان رب العالمين ما ينسى عبده ودايما قول ان شاءالله خير وما بيصير غير اللي الله يكتبه ...

[محد يستاهل]

خلـلك قريب من رب العالميـن كلمـا اتحس الوسواس جرب منك

قوم صل لك ركعتين واقرأ القرآن

واتوكـل على الله ومـا بيستوي الا المكتوب لك

أتمنى من الله
أن يزول عنـك اللي تحس بـه وترتــاح !

[المزوحي]

الزرعوني إن شاء الله خير

الجنيه انا متعود أقرأ يوم اسير ارقد واستغفر، لكن إن شاء الله

بستغفر على طووول وإن شاء الله ما أنسى ..

محد يستاهل .. الله يبعد الوسواس يارب .. وبإذن الله ارتاح ..


ما تقصرون على الرد ..

الله يريح بالكم يارب

[أنامل قلب]

أخوي الكريم المزوحي ..

أتعلم ..
احدى صديقاتي مرت بنفس الحالة التي تحتويك الآن ..
سرحان ملازم .. وسواس دائم .. تمرد الفكر لتصبح قليل التركيز كثير التوتر ..
كثير القلق حول اللاشيء بكل بساطة .. !!

أخي الطيب ..
اسأل نفسك .. بماذا سيفيدك الوسواس هنا ..
وإن كان أمرا يسوءك وقوعه سيقع .. فهل بمقدورك أن ترد الأمر بهذا الوسواس ..
أم أنك بوسواسك ستتمكن من تجنب ما تكره .. !!

أخي ..
ان من نعم الرحمن سبحانه أن جعل من الغيب غيبا ..
هو الأعلم منا بالخير والشر بما سخره لنا بقضاءه وأمره ..
فما يبدو لك خيره قد لا يكون كذلك .. وما يبدو لك شره قد لا يكون كذلك ..
أترك أمرك للرحمن وتوكل عليه مادام لن يصيبك إلا الخير دوما ..
فكما قال حبيبنا المصطفى عليه الصلاة والسلام بشريف حديثه
(( عجبا لأمر المؤمن ، إن أمره كله خير وليس ذلك لأحد إلا للمؤمن ،
إن أصابته سراء شكر فكان خيرا له ، وإن أصابته ضراء صبر فكن خيرا له )) ..
يعني ربك كريم والخير ياينك ياينك باذن الرحمن ..
فليييـــــش معور راسك .. ^_^ ..

وووشغلة مهمه أخي ..
أبدا لا تحط ابـ بالك إنك شخص وسواسي وما إلى ذلك ..
لأن تفكيرك هذا يخليك تغرز أكثر بما تكره ..
خلك متفائل مدرك إن الوسواس ما بيسكن ذاتك إلا لمن تسخر ذاتك له ..
إذا النفس ماتبي تكون موسوسة فهي لن تكون والعكس صحيح ..
ولا تستبق أحداث وأمور ما صارت إلا بنسج خيالك .. !!

مابعيد حجي اللي سبقني فهي أمور تعلم بها جيدا ..
أن تكثر الاستغفار وقراءة القرآن ..

تستشعر قرب الرحمن منك وبحفظه لك مادمت لنفسك حافظا ..
مدركا بأنك لن تلقى إلا خيرا مادمت للخير مصاحبا ..

أدي الحقوق اللي عليك .. ومثل ما قال ربنا سبحانه ..
(( وإذا سألك عبادي عني فإني قريب أجيب دعوة الداع إذا دعان
فاليستجيبوا لي واليؤمنوا بي لعلهم يرشدون )) ..

فكثر دعاء وابتسم .. ^_^ ..

:

أتمنى انك ترد تطمنا عنفسك ..
وان شاء الله نكون فدناك ولو بوخزه تفوقك من بليتك ..

كما أعتذر على الاطالة واسلوبي المستعجل وذلك لكون ردي مسح خطأ فاضطررت لنثر رد آخر على عجل .. !!:


رزق الرحمن قلبك أنسا طيبا ..
وقربك إليه أشد قربه .. بفضله ..

احترامي ..
إختك أنامل قلب ..

[المزوحي]

وعقب ما صديقتج صار بها نفس الشي، هل نصحتيها وهل هي تغيرت للأحسن ؟

أنا اللي ادعو الناس إنها تبتسم .. وطنش كل شي وماتحط بخاطرها

تتوكل على الله .. شو اللي ياني انا ؟؟

أتمنى كل خير يحصل يارب وشكرا على الرد اللي أثلج صدري

[أنامل قلب]

أخوي اسمحلي بس ..

سؤال مباشر ..
انت شو مستفيد من الوسواس .. !!

:

اوك بقولك كلمة قالي اياها مجهول >_< ..

تخيل المشكلة اللي حايشتك بغيرك ..
صديق مثلا عرض عليك نفس الحجي اللي ذكرته بأول الطرح ..
ويبي منك نصيحة من أخ لأخو تفيده ..

بشو كنت بتنصحه .. !!

صدق تخيل الموضوع بهذي الطريقة ولمن بتوجه لهذا الصديق الخفي النصيحه ..
تذكر ذاتك وحاول توجها مثل مابغيت توجه فيها صديقك لدرب الخير ..
وتريحه ..

بالمثل لا تنسى تلوم نفسك (( بذات الطريقة )) اللي كنت بتلوم ابها صديقك ..

:

حاول لأني أدري ان الشغله هذي وايد متعبه ..
وعن صديقتي فهي بحالات متقلبه كالموج تماما ..
مره تزيد ومره تخف ومره تنسى ومره ترد .. ؟!؟!

لمن الواحد يبي يداوي نفسه ..
المفروض يقتنع ويحلل وتكون عنده الاراده عساس يطيب ..

أدري إن الشغله بالنسبة لك معقده لكونك المصاب بهذي البلية ..

كلنا بالنهاية نمر بشغلات وشغلات تتعبنا باختلافها ..
لكن يظل ومثل ماسبق وقلت ذات المرء نفسه اهو اللي يقرر اذا يبي يتم على هذا الوضع ولا العكس .. !!

ودعواتنا لك ان شاء الله ..

كما أعتذر على مروري هنا ثانيه .. !!

احترامي ..

[المزوحي]

حياج بأي وقت وتسلمين على الرد ..

[سيوفي]

بسم الله الرحمن الرحيم
انا صابني هالوسواس والي يسمونه الوسواس القهري ولاكن الحمد لله ,,
حمدت الله وشكرته هذا اول شي سويته
وعقبها استعنت بالله سبحانه وتعالى وحاولت ابتعد عن المعاصي
واكثر من العباده والصلاه والحينه الحمد لله حالتي النفسيه افضل بوايد ,,
اهم شي انه الانسان يعرف انه هذا ابتلاء من الله والي يشوف مصايب الناس تهوون عليه مصيبته ..
واسأل الله العلي القدير في هذا الشهر الفضيل ان يشفيني ويشفيك وجميع مرضى المسلمين .. آمين يارب العالمين

[المزوحي]

سيوفي .. آمين يارب ...