بحر الموده .. الانفنتي اوكي ؟ ...

[الجنيه]

السلام عليكم ورحمة الله وبركاته

احم طبعا الكلام موجه لكل الشباب بس لان بحر الموده يحب النيسان بغيت اشاروك بشغله ... انا عندي التيما 6 سلندر موديل 2004 اذا بغيتها كم بتييب او بالاحى كم اطلب عليها ؟؟؟؟

السين الثاني شو رايك بـ الانفنتي هل هو موتر ارعي خرابات يعني تنصح به والا لا ؟؟؟ الصراحه خبرتي معدومه وكل حد يقول شي انا خاطري فيه بس ما ادري متردده مشكلتي ابي موتر فوريل حلو ويكون في حدود ال 200 الف شو رايكم ؟؟؟ شباب انتوا تعرفون في هاي السوالف خبروني بلييييييييييييييييييييييي ييييييييييييييييييييز

[الاسطوري]

وعليكم السلام ..

"الجنية"

بخصوص السيارة من خذتيها وانتي تبين تغيرينها هو صح الواحد يمل بس حرام تبيعينها قبل ماتمشين
فيها على الأقل 150 الف ، المهم مب هذا موضوعنا سعرها في السوق
بيخبرج عنه بحر الموده بس أتوقع سعر
المعارض بيكون
نازل وايد يعني لو دايركت احسن وعن الانفنتي فورويل FX حرام تاخذينها لأن شكلها حسب الرمسه
اللي سمعتها انه بيتغير 2009 فـ ليش ماتاخذين G35 الصالون وايد
حلوه وبتعيبج أقوى من الالتيما واذا
ماتبينها بصراحه
ماقدر أفيدج لأني أعاني من نفس الموضوع بس نصيحة لاتاخذين الحين انتظري موديلات 2008
بتنزل عقب العيد ووايد سيارات بتتغير هالسنة يعني في أمل يعيبج موتر
يكون توه نازل مب صار له 5 سنوات
في السوق


الاســـطـــوري
أخوكم

[الجنيه]

يا ربي اسميكم اتوهون الواحد هو تبا الصراحه انا من الاول فادي بالفورويل ويوم خذت الالتيما مال بسرعه بسرعه ما كان عندي وقت اتنقى ع كيفي ,,,, المشكله الملكيه تنتهي نص شهر 10 وانا ما ابي اجدد الملكيه ابي ابيع الموتر واخلص الموضوع في هالفتره وما عندي اوبشن غير الانفنتي *_* وبعدين حبيته ودخل صماصيم قلبي خصوصا الاسود غرااااااااااااااااااااااا اااااااااااام وانا بصراحه طمعانه بشوركم عنه ك موتر من ناحيه الخرابات وهالاشياء يعني ما بندم عقب سنه ؟؟؟ لا سمح الله

[بحر الموده]

وعليكم السلام ورحمة الله وبركاته

كل عام وانتم بخير ...

الجنيه الالتيما اليما وسياره ماعليها كلام بس ان يتى تسفرينها ترى اقولج مابتيب لج قيمه موليه
لانه فى المعارض مكودات ألتيمات وشارينهم برخص تحصلين موديل 2006 فى حدود 50 الف وساير مستعمل واانا انصحج اذا تبين تبيعينها لاتودينها المعارض اعرضيها فى المواقع لى تخص سوق السيارات او الصحف المحليه .. وحطى السعر لى يناسبج بس مب تحطين 100 الف لوووووول

... أنفنيتى FX مثل ماتفضل الاسطورى مشكور على كلامه بانه السياره بتتغير وقريباً بتظهر لها صور

عن الجيل اليديد يعنى زين تاخذينها لانه سياره حلوه وقويييه وشخصيه ويكفى انفنيتى انا مااتمدح من عندى انا كلمنى موظف امسات كنت رايح الوكاله اتابع اليديد لى عندهم خبرنى بأنه هاى السياره اكثر سياره من الانفنيتى انباعت وهيا FX والسعر 183 الف واللون الاسود موجود وركبته وطالع حلو وايد

اذا خاطرج فيها خذيها ولاتترددين لانه وحش على الطريق وخاصه موسم شهر رمضان والعروض
وصيانه 35 ألف مجانى وعليهم بعد شىء احسن من هاى الشركه بعدد لووووول

ونيسان صارت من عجائب الدنيا السبع وتملك 7 سيارات دفع رباعى على مستوى المنطقه

وان شاء الله فى نهاية شهر سبتمبر الحالي

بنشوف الموديلات اليديده من اكستيرا وقشقاى ونيسان نفارا ..

وكل هاى العلومات لى حصلتيها عن النيسان كتبتها هنه واى خدمه ثانيه انا حاظر والسموحه يالجنيه

ونشكرج على المتابعه الطيبج منج وكونج من عشاق نيسان وانفنيتى ^_^

[المزوحي]

انا ييت وإن تكلمت يمكن يزعل مني الأخ بحر المودة ... دايما أفضل سيارات تويوتا على نيسان

بشكل عام، ولو إنه نيسان مكينتها أوكي، لكن كديكور داخلي ومواد السيارة مب شي ..

الجنيه العام بغيت اشتري انفنيتي FX وهي فعلا انتشرت بشكل كبير وهذا مب معناه إنه السيارة

100% اوكي بسبب الانتشار .. الحين الكل يسوووق والكل يبغي يجرب مواتر والأغلبية

يقولون إنه الفورييل وجاهه .. المهم

حدمت ربي إني ماخذت انفنيتي ... صح ماعرف عيوبها .. لكن ولد عمي خذها .. 4 شهور وباعها

مع إنه هو مب من الشباب اللي يبدلون مواترهم إلا من 5 سنوات

على حسب كلامه واااااااااااايد تصرف بترول وقولي عااد أي موتر مايصرف هالزمن

فتره وبتملين منها مب مريحه من الداخل

بتقولين ليش دخلت ورديت على الموضوع لأنج احترت ...

وبشكل عام بتنزل مواتر يديده في السوق ..

[بحر الموده]

لا بالعكس اخوى المزوحى الاخوان مايزعلون على حديد
ومهما شوه تويوتا ونيسان كلهم يابانى ... وربى يرزق الاخت الجنيه بسياره حليوه

[المزوحي]

صدق إنه عقلك كبير ماشاء الله عليك ...

الجنيه استخيري ربج ... انا ربيعي حجز مورانو وفي نفس الوقت هو مب قادر على سعرها

قلت له ليش يعني تاخذها .. قال موتر يديد وانتشر بشكل كبير، وتراني انا بدفع اقساط بدفع ..

نصحته بهوندا أكورد .. بنص سعرها ... من فترة قال لي : زين إني سمعت شورك

تراني ما امدح عمري هههههه .. بس يعني الواحد يقترح وتشوف اللي عايبنك تسويه واللي

مب عايبنك تفره ..

الله يوفقج بالاختيار ..

[الجنيه]

بحر الموده ... وانت بصحه وسلامه وتقبل ربي صبامك وطاعتك ان شاء الله ... يزاك الله الف خير ع المعلومات والشور السنع *_* ومثل ما قلت اعرضها برع اخير وان شاء الله نتوفق بالبيعه بس اول بشوف اذا الوكاله بياخذونها بسعر اوكي زين واذا لا بعرضها برع ...

وبالنسبه للمدحه حتى لو تتمدح انا ما طلبتك الا وانا عارفه خبرتك وذوقك *_* في هالمجال ..يزاك الله الف خير

[الجنيه]

المزوحي ... ما عليك محد يزعل واختلاف الرأي لا يفسد للود قضيه *_*

انت والي عندي في البيت نفس التفكير سبحان الله اسميه انه معقدني بالقو .. انا ما فكرت بالموتر عسبة انه انتشر وايد بالعكس قلبي يعورني يوم اشوفه في الشوارع بالهبل لاني حبيته من كل قلبي وما ابي كل حد يكون عنده نفس موتري احم انانيه ع قولة نسيبي انتي يبالج يصممون سياره خاصه فيج وبعدين اذبح الي صممها عشان ما يسوي غيرها *_* جنيه لا اتلوموني .. مثل ما قلت التويوتا ما عليه كلام وكان خاطري اخذ الاستشين 2007 بس عندنا سياره البيت فقلت بغير ...


ميرسي ع النصيحه

[الاسطوري]

البارحة نزلت الالتيما اليديدة في الوكالة ويودت راسي الـ 4 سلندر
تشتغل بدون سويج بزر والبريك وشكلها من جدام
وايد حلو تشبه الانفنتي الكوبي
ومعدله نوعا ما
وزحمه في الوكاله عليها وفي فورويل يديد بعد نزل اكس تريا كوبي
بيست من الباثفايندر من داخل بس ستاندر يعني
سلق بدون مواصفات والشكل
الخارجي دفش
شويه بس الآسيويين متخبلين عليه يمكن سعره منافس للسوق
شدي حيلج ترا نيسان مسوين عروض هالفترة
على سياراتهم إلحق ماتلحق
وانتهزي الفرصه

[بحر الموده]

الجنيه ربى يخليج ونيسان فى القلب دايمه والشركه تشتغل صح
وان شاء الله الالتيما اليديده والباثفندر والارمادا والاكستيرا والقشقاى
بتسوى ثوره فى السوق وكل الاخبار واليديد الحصرى عن نيسان بنشوفه فى الواحات ^___^

[المزوحي]

دام إنه مسوين عرض .. استخيري ربج وإذا في خير ترى الامور بتيسر

وبتاخذين من عايلة النيسان

[الجنيه]

مشكورين ويزاكم الله الف خير والله انه ينشد بكم الظهر ما قصرتوا وان شاء الله بوافيكم بالي يجد اول بأول لا تنسونا من الدعاء الله يبارج فيكم