معرض جيتكس 2007 ، زياراتكم ، مشترياتكم ، طلباتكم

[حصان طروادة]

من دون مقدمات ، ومن دون لف ودوران ، كلكم تعرفون إن معرض جيتكس 2007 تم افتتاحه رسميا أمس الأحد وبيستمر حتى نهاية الأسبوع هذا .

ما بطول عليكم ،

في هذا الموضوع نحب نعرف منكم منو زار المعرض ، وشو شفتوا ، وشو اشتريتوا وشو تبون تشترون وإذا تبون نصايح .

ببدأ بنفسي :

بالنسبة لي كنت أدور مشغلات mp3 ، وبعد دواره وتفكير استمر لشهرين استقريت على
iriver x20 ، سعة 8GB .

وهذي صورة الجهاز :





مميزات الجهاز :

1- يعتبر الجهاز من مشغلات الفيديو ، والتي تشمل المسارات التالية : AVi and WMV .
2- يدعم مشغلات الموسيقى والتي تشمل المسارات التالية : MP3, WMA, ASF and OGG .
3- عرض الشاشة 2.2 اينج .
4- عمر البطارية 22 ساعة للموسيقى و6 ساعات للفيديو .
5- يُوفر فتحة للإس دي كارد .
6- يحتوي على مشغل الراديو FM ، وكذلك تستطيع تخزين ما تسمع .
7- يحتوي على voice recording .
8- يستطيع عرض الصور .
9- وطبعا يحتوي على وصلة الUSB .
10- وكذلك يحتوي على built in speaker

طبعا حصلت مع الجهاز ، ذاكرتين سعة كل وحدة 1GB ، مع غطاء جلدي .

السعر : 749 درهم . (عرض خاص لي أنا بس )

اشتريت الجهاز من محل بلج إنس .

بتحصلونه عند شرف دي جي بسعر 745 مع ذاكرة وحدة وغطاء جلدي ، وبتحصلونه كذلك عند جاكيس بسعر 799 مع ذاكرة وحدة وغطاء جلدي .

[الحاضر الغايب]

السلام عليكم ...

موضوع جميل

وانا بعدني ما رحت ... واذا حصلت فرصة بروح ان شاء الله


ما تشوف انه كبير شوي ... وفي انواع صغيرة وتقريبا نفس المواصفات بس بدون عرض الصور احسن ؟؟؟

يثبت الموضوع لإنتهاء المعرض ..

والسموحه ...

[حصان طروادة]

أخوي الحاضر الغايب :

عدلت على الموضوع وحطيت السعر ، الظاهر كتبت ردك قبل التعديل .

المهم ،

بالنسبة لي حجمه يعتبر مقبول بالخواص اللي يحتوي عليها ، هناك مشغلات أصغر حجما من اللي عرضته عليكم ، مثلا عندك مشغلات ال creative ، و الipod ، حجمها صغير ، لكن إمكاناتها مقارنة بهذا جدا ضئيلة .

حاليا ما أذكر مميزاتهم ، باجر إن شاء الله بكون هناك من الساعة وحدة الظهر ، باخذ الكاتالوجات وبعرض عليك المميزات في أقرب فرصة .

[حصان طروادة]

ايه أحبك

الجهاز ايي بلون واحد بس ، وإذا الله وفقني ورحت باجر بعرض لكم مقارنة بينه وبين الipod و الcreative .

وبخصوص الحجم تقريبا :

الطول : 9.5 سنتيمتر
العرض : 4.5 سنتيمتر
سمكه : 1.5 سنتيمتر

يعني طوله ما ايي نص شبر .

[ايه احبك]

كووووووووييييي الجهاز ما يتوافر بالألوان ثانيه
الصراحه ما عليه كلام وخصايصه حلوه قريبه من الأكريتف
مبروك عليك الجهاز
وانا عن نفسي ما صار لي وقت اسير جيتكس بس ان شالله بسيره خلال هالأسبوع اذا الله كتب
يالله نتريا راي الباقين
شكرا يا حصان على الموضوع ^_^

[ايه احبك]

هو حجمه قد البي اس بي ؟؟؟ ولا اكبر ؟

[ايه احبك]

حلوو لني ادور على شي ما يكون وايد عوود
تسلم مره ثانيه وموفق

[حصان طروادة]

ايه أحبك ،

ووزنه بعد خفيف وايد ،

وهذي صورة من زاوية ثانية :



على طاري الiphone

موجود منه في المعرض ، لكن ما يشتغل على نظامنا ، وراح ينزل إن شاء الله على شهر 12 .

على فكرة نزلوا لاب توب sony يديد ، وحجمه من اللي تدورين عليه ، ومصنوع في اليابان ، أمس ما حصلته في المعرض ، كنت حاب أشوفه .

موجود عند jumbo ، بمر عليهم وبشوف مميزاته .

[ايه احبك]

هيه شفته جيمته 7 وشي استخسرته على الكليه
والاي فون في منهم ما مدحوه ويقولون سيستمه تعبان كونه بيكون اول فون اتنزله ابل
وبنسبه ايرفير اذا ما حصلت لون بناتي بحط بلنغ بلنغ عليه عسب يستوي غصب بناتي XP

[حصان طروادة]

الحاضر الغايب :

ipod NANO 8GB



المواصفات :

1- يمكن تحميل ما يقارب 2000 أغنية .
2- البطارية تعمل لما يقارب 24 ساعة .
3- الشاشة 1.5 إينج .
4- وصلة USB .

السعر : 899 درهم .


Creative Zen V Plus 8GB



المواصفات :

1- يمكن تحميل ما يقار 2000 أغنية .
2- يمكن مشاهدة مقاطع للفيديو والصور .
3- يحتوي على FM Radio .
4- one touch voice recording buttom
5- scratch free
6- الشاشة 1.5 إينج .

السعر : 799 درهم .

أظن الفرق واضح بينهم وبين الiriver ، وهذا سبب شرائي له .

[حصان طروادة]

ايه أحبك

اللي قال إن الiphone تعبان ، هو التعبان أصلا ، كيف يحكم على شي وهو ما جربه !!!

وشي ثاني ، أظن الكل يعرف كبيوترات الMAC ومقدرتها العالية جدا واللي فاقت مثيلاتها . فهل تتوقعين إن شركة مثل apple تفشل في صناعة تليفون !!!

وغير عن جذه ، لا نستبق الأحداث وبننتظر لين توصل دفعة الشرق الأوسط .

[حصان طروادة]

اليوم زرت معرض جيتكس وكانت عندي طلبات للمدراء في الدوام .

ومن الطلبات اللي كانت موجودة شراء هارد درايف بأحجام مختلفة ، منها 500GB ، ومنها 320GB ، ومنها 160GB .

الظاهر مدراءنا يشوفون أفلام وما يشتغلون خخخخخخخخ

المهم هذا الهارد درايف سعة 500GB :



اللي يبغي يشوف المواصفات يتفضل هنه :

http://www.maxtorsolutions.com/en/catalog/OTIII_Triple/


أظني هذا الهارد درايف ينفع لأصحاب المسلسلات اليابانية

[مايهزك ريح]

اخويه حصان طرواده ..
بغيت استفسر عن اللاب توب سوني .. شو مواصفاته .. والأسعار ..
لأني ابا آخذ واحد ومب لاقي 2 جيج للرام .. وسرعه عاليه .. وجامبو يرفعون الضغط كل اللي عندهم 1 جيج للرام ..

والسموحة

[مايهزك ريح]

مشكور على المعلومات اخويه حصان طرواده ..

[ايه احبك]

تعيس حظي والله
ما رحته =( يالله خيرها في غيرها
بنسبه للهارد درايف مب جنه عووود جنه بتري السياره