أعرف الموضوع ممنوع ولـــــكن , , ,

[تحفه]

ما اقدر اطلع من دون وداع ,, من زمان كنت اظهر وارد ارجع واقول اني ما بشارك .. بس طبعا مايستوي هالشي وكنت ارجع

الموهيم
اتمنى انكم تسامحوني يمكن في ناس شايلين في خواطرهم مني لان بطبعي ماحب اسكت
واعرف مب وايدين الي يستوعبوني so اسفه وايد لاني صعبت عليكم حياتكم لول


اتمنى لكم حياه سعيده,, وان شاء الله انشوف عيال عيالكم بعد اربعين سنه فاجين لهم منتدى اسمه احفاد اعضاء بن دبي ههه

و اي حد لاسمح الله يحتاج شي .. مني مناك . . عندكم كزنتي العسوله ايه احبك واذا ماحصلتوها الياه حبيبتي ما تقصر

والسموحه

بايبايييي

[ألم ترى]

بسم الله الرحمن الرحيم ..

هلا اختي ..

يعني بتودعينا وبتودعين الواحات ؟ ..

لا ياختي انا اتمنى بأنج تعدلين عن قرارج ومش مهم الكل ياخذ بـ ارائج ! ..

انا بخلي الموضوع لجل الأعضاء يقولون كلمتهم مثل ما قلت كلمتي ومن ثم بغلقه ..

خذي اجازه وردي لنا مره ثانيه ..

لكن وداع ف هاي فكري فيها ..

ربي يرضى عليك ..

[مجموعة إنسان]

لحظه لحظه ..
بنيييب البااارد\!!
عندكم حفلة ودااااع ولا شو !!

تحفه لو سمحتي يعني ,, لا تطلعين
لان انتي من الأعضااء القدامى أول شي
وثاني شي
من الأعضاء اللي صدق تواجدهم واايد حلو في المنتدى ,,
وبالعكس
انا تعجبني افكارج وطريقة تفكيرج !@

يعني حاولي انج ماتطلعين ,, او اذا تاخين فترة نقاهة من المنتدى هذا شي ثاني

[بايعنها بشرف]

شو السالفه الكل يبااا يودعنااا ،،،

تحفــه الناس يقولون إلى لقاء قريب ،، وانتي تقولين نشوفكم بعد 40 سنه

فكـري بالموضوع عدل

سلام

[تحفه]

والله انكم صعبانين عليّ Gــامد ,, ان شاء الله الله يكتب لنا لقاء في مكان / حياه غير

[ايه احبك]

باي باي =@

[مجموعة إنسان]

فكري أكثر بهذا القرار
..

يمكن ان الواحات مو على بعضها ..
بس يمكن بعد ان في جزء حلو من حياتج فيها ..

..



حاولي تفكرين أكثر وأكثر ..


مثل ما قلت ,, أنتي وجودج وايد مهم في الواحات ,,

[نجود]

ليش يا تحفه تودرينا

فكري في الموضوع مرة ثانية

بنفتقدج وايد *_*

[الا انا]

(( اذا انتي شايفه انه هذه الشي فيه راحة لج ...؟؟ ف بحظ الرحمن الغاليه )),,,
بس فكري وفكري وفكري ... وبعد فكري"
إحترامي لج

[كـلـكـلـووش]

شوفي ما يستوي تودرينا و رقم مشاركاتج مش مميز !

خلي مشاركاتج توصل لـ 6800 مشاركة بعدين اظهري .. باجيلج 97 مشاركه ..

فكري فيها بالعقل .. تطلعين و انتي مميزه و لا تطلعين و انتي ملخبطه .. الحين الرقم ملخبط .. خليه يكون مميز و بعدين اظهري .. و اذا تبين تكونين في قمة التميز .. خليه يوصل لـ 7000 مشاركة .. بعدين اطلعي .. > طاعو كيف يحاول يقنعها عسب اتم لوول ..

انا متأكد انج بتردين الواحات .. لإن الواحات اصلا مش منتدى .. الواحات مرض .. اذا مرضه الانسان صعب يفج عنه .. و اعتقد انج ما راجعتي الدكتور و اتخذتي هالقرار بشكل انفرادي .. فـ بأسرع لحظة وله و شوق بتردين ..

و ان ما رديتي بنطيح في ايه احبك او الـيـاه .. لين ما يردونج غصبن عنج > تتحرين السالفه على كيفج و لا على كيفج .. ( دخول الحمام مش زيي خروجوه ) لوول

[حلم الطفوله]

السلام عليكم

تحفه بعدني راده من الدوام وامسطله ..... شو على كيفج تطلعين ؟

الواحات جمعتنا بعايله طيبه ....وإنتي بنوتتنا الغاليه إلي ما تهونين علينا

خبريني جان حد زعلج !

إيه أحبك ....يالله نباج تقنعينها ! مب تقوليلها باي باي

[الـيـاه]

ممـنـوع ..
واصلن أنـا سميت هالشي Break والـ Break يخلـّص .. وبترديـن مـن عقبـه وها آخر كلام
لا تحاولين تجادلينـي لانـه بنقص الايام ..

[ألم ترى]

بسم الله الرحمن الرحيم ..

اشكر كل عضو ساهم لـ اقناع الأخت الغاليه تحفه ..

يغلق كونه مخالف لـ قوانين واحة الأصدقاء ! ..

دمتي بحفظ الرحمن ..