السلام عليكم والرحمه ..
عدنا والعود أحمد .. !!

انزين .. ما شاء الله الشباب تفاعلوا أشوف .. ^_^ ..
أحس رايهم مكفي وموفي ..
بس كنت حابه اتكلم من منطلق كوني بنت ..

بشكل عام كلنا يدري ان البنت انخلقت بطبيعة مختلفه عن الرجل ..
ابها نوع من الصفة الشبيهه بالغرور المحبب المطلوب لبني جنسها + خجل + حساسية ..
بخصوص كونها تبادر بإبداء اعجابها فهذا أمر يحدث قليلا جدا بالمجتمعات عامه ومجتمعنا الاسلامي العربي خاصه ..
لكن هل بفعلها سوء شرعا فهو ولله أعلم كما سبق وسمعت لا حرمة به ..
دامها ما تجاوزت حدود شرع الرحمن .. جل شانه ..

صح إني ماتخيل بإني أسويها .. نو واي طبعا لأن ويهي اوريدي متقطع
بعد أصير بهالجرأة ويتقطع ويهي زياده لول ..

بالحقيقه أفضل إني أكتم بنفسي على إني أفضي بمشاعري بجعبه يمكن ماتقدر الهاجس اللي ملكته بيوم ..
ممكن ما ألاقي من بعد افصاحي النصيب ووقتها بكون بموقف نفسي جدا سيء ..
ليش لأن من طبيعة البنت انها ما التحمل مثل هالمواقف ..
الرفض وعدم تقدير مشاعرها .. خاصه لو كانت من الصنف العاطفي وماتعتبر الاعجاب والحب شرات أغلب الناس لعبه .. !!

مهمن كانت البنت عاطفية باعجابها .. تظل بالكفه الثانية حساسة وخجوله ..
وحفظها مشاعرها الطيبه بخدرها أكرم لها وأطيب لها وأزكى لها لكونها بنت ..
وربنا يعلم ما تخفي الصدور وما بيقدر لج إلا اللي فيه الخير باذنه ..
والمطلوب ان الوحده تحاول كثر ما تقدر تملك مشاعرها وتحفظه للي كتبه الرحمن من نصيبـ ج ..
وانها تتعب لها مده نفسيا أحسن لها من انها تنجرح ويبقى الجرح معاها لآخر عمرها .. !!

ادري اني عشت الجو زياده فاسمحولي يعني ..
وبالنهاية ترى جدا شي طبيعي ان البنت تعجب بشخص أحدهم وممكن يبين عليها لا إراديا
سواء بنظره ولا بزلة ولا حتى بحركه ما تقصدها ظهرت منها عفويا وطبيعيا نتيحه مشاعر ما ملكتها ..
لكن تظل بالنهاية بنت أخير لها إنها تتبع درب معين عن درب آخر ممكن يسبب لها جرح هي في غنى عنه ..

وهذا طبع البنت ..
لمشاعرها بالنسبة لها حرمه .. !!
ومثل ماوصاكم حبيبنا المصطفى عليه الصلاة والسلام .. (( رفقا بالقوارير )) .. >> ترى في رابط ^_^ ..

:

ادري وايد طولت بس الموضوع سبق وناقشناه بقعده طويله عريضه خارج نطاق خدمه الواحات ..
ومن جي بخاطري حجي وايد ما بتستوعبه الصفحه ..

وبس .. ربي يحفظك أخوي عطرحك لشغله مايكترث لها كثر من الناس ..
فيزاك الرحمن خيرا على خير ما طرحت ..

احترامي ..
إختكم أنامل قلب .. ^_^ ..