مسااااعده

[شمعة أمل]

السلام عليكم


سـيارة اختي Audi Q7 S-Line



وبمناسبة دخولها ال16 قلت بعدل سيارتها

لانه اغلى شي عندها في حياتها سياارتهاااااا

المهم

انا فكرت بغير هالسوالف الى عـ التواير الى ماعرف شو تسمونهم *لعلمكم بس انا مافهم في السياير * ف ماعرف شو اسمه

المهم هالـthing المدور على التاير


انزييين

تشوفون في الأفلام كيف يعدلون هالأشياء الى على التواير وجي يركبوون شي يدووور ولا شي من كرووم .. يعني يخلي التواير و السياره حلوه < افهمووو والله ماعرف كيف اشرح

المهم

أبا اشتيرلها هالسوالف حق تواير السياره .. بس ابا شي أنيق وراااقي ومب شي دفش نفس الى مسوينه في البك اب اليديده >_<
ابا شي حلوو ورااقيي ويخلي السياره جميله

او صح ترا السياره ذهبيه


تقدرون تساعدوني؟؟

يعني

شو المكان الى اطرش الدريول عشان يشتري هالشي
واي نوع
ووين يركبونه
وراووني صوور
و....الخ



والسسسسسسسعر.. لاتقوليلي 100 ألف سيارتها ماتستاهل ..


واذا هالشي طلع صدق غالي عطوني افكار ثانيه .. شو اقدر اسوي في سيارتهااا .. بس رجائا مب شي شبابيييييي .. ابا شي انيق

[ألم ترى]

بسم الله الرحمن الرحيم ..

الله يغرب الأبليس يوم دخلني هالموضوع ! ..

ما اقدر اساعدج والأمل كبير بالله ثم ف شرجاوي و ذنيني ..

ماشاء الله عليهم ملمين ف هالسوالف ويمكن اعضاء غيرهم انا ما اعرفهم ..

المعذره ياختي ..

[شمعة أمل]

its ok
شكراا لدخولك الموضوع

[بايعنها بشرف]

يركبوون شي يدووور ولا شي من كرووم

تقصدين ( رنجات ) .. شرات هالصوره





اذا تبين تغييرين الرنجات اللي على التاير في محلات وايد للتغيير وعندهم اشكال حلوه وبعد في الوكاله شي عندهم .. في قسم الاكسسوارات الخاصه بالسيارات في الوكاله نفسها بأمكانج تسيرين او تطرشين الدريول يختار لج على ذوقه

وبخصوص الأسعار بصراحه مااقدر احدد لج بالضبط بس يعتمد على حسب نوع الشي اللي بتاخذينه يعني الصوره لي حطيتها لج طبعا العدد بيكون 4 الوحده عادي سعرها 3 آلف او اكثر لأانه الاودي معروف قطع غياره غاليه


شوفي هالصوره الشبك اللي فيها ( يختلف عن الاودي الموجود عندنا لأنه مركب من محلات تعديل السيارات بأمكانج تشترين لها شبك


شوفي هالرنجات كروم عادي يسوونها لج بالوكاله

شكلي وايد طولت وادري اني مافدتج بشي بس انا فضولي واحب اتفلسف تحياتي لج

[شمعة أمل]

يووم تقوول شبك تقصد هالشي الى جداام؟

[بايعنها بشرف]

هيه اللي جدام اللي عليه اربع دوائر

[شمعة أمل]

انته متأكد انه السياير الى عندنا مب جي .. لاني أحيد سيارتها جيي من جدام.. بس المشكله ماروم اسير القراج واجييك الحيين >_<

انزين انا ابا اشتريلها رنجات .. بس ابا شي يلفت ..شو اشتري؟ *بس مايكون دفش*

[شرجاوي]

احسن مكان .. kit car corner ... ها رقم فرع دبي 2682208


اخوي بايعنها بشرف .. الرنجات وصلت 200 و 300 الف و انت تقول 3000 غاليه
تحياتو

[بايعنها بشرف]

اخوي بايعنها بشرف .. الرنجات وصلت 200 و 300 الف و انت تقول 3000 غاليه
تحياتو

شرجاوي .. انا مااتكلم لك عن الرنجات الألماس ولا الذهب عشان تقول لي 200 ولا 300 ألف
انا اتكلم عن الرنجات العاديه .. انا اعرف انه في رنجات يوصل سعرها 200 ألف لاتسوي عمرك انت اللي تعرف كل شي وغيرك لا

[شمعة أمل]

احسن مكان .. kit car corner ... ها رقم فرع دبي 2682208


اخوي بايعنها بشرف .. الرنجات وصلت 200 و 300 الف و انت تقول 3000 غاليه
تحياتو

اذا اتصل فيهم شو اقوللهم بالضبط؟ =s

[ذنـيـنـي]

هالسوالف ما تطلع حلوة على السيارات الالمانية

احلى لو كانت على الامريكي،، شرات الكاديلاك و جي ام سي
و حتى لو تركب احس انه شي وايد pointless
السيارة حلوة من الاصل و مب حلوة انه تكون سيارة البنت او العايلة معدله

يعني احس حرام تعقين على الرينقات 20-30 الف و غير سعر التواير الي ممكن يوصل الى 15 الف لأنه الحجم كبير

انا اقول شلي هالفكره من بالج و شوفي شي احسن و شي تستفيد منه

هذا رايي

[راعي الزعـامه]

الـــ S line روحه مميز برنجاته والكت اللي عليه

يعني ماعتقد يحتاي تغيير خارجي

[إسهر معي ليله]

لازم تخرخشين مخباج.. سياره المانيه ومب اي شي حلو عليها

عندج تعديل اسمه BB .. اشوفه احلى شي عالاودي



عاد وين اتيبينه الله اعلم

::
::

او.. تروحين الوكاله وتشوفين شو الإكسسوارات اللي عندهم حق هالسياره
يمكن لقيتي شي حلو

[شمعة أمل]

ذنيني
بالعكس
شي سياره أودي حلوه بيضه معدلينهاااا
وانا ماحس انه هالشي بوينتلس ليش يعني عشان نحن بنات مب عادي نعدل سيايرنا؟ انا مابصبغ سيارتها اخضر او شي .. بس بركب شي على التواير!
شكرااً على رايـك

[شمعة أمل]

راعي زعامه
ماادريي

اسهر معي ليله
المشكله انا مافهم في السياير .. ف عشان جييي اباكم تخبروني شو حلو وشو بيناسب .. والسعر مب مشكله لاني بقنع ابويه يدفع نص