زجــاج // شفافيّة

**أنا فقط** · 03-09-07 ||, 11:41 AM

السلام عليكم و رحمة الله و بركاته

اليوم يبتلكم رسمة بالخطوات اللي مرت فيها

فكرت شوو أرسم .. قلت بحاول أجرب نفسي ف رسم الزجاج و شفافية الماي .. و هذا اللي طلع

وياي ..

(1)

(2)

(3)

(4)

(5)

(6)

::

::

على طاري الزجاج .. تذكرت قول أحد الشعراء:

من سكن البيت الزجاجي و اعتدى ** تصـدّع بعـد الإعــتـداء زجــاجــه

و المعنى في بطن الشاعر مثل ما يقولون

تقديري/ أنا فقط

**الا انا** · 03-09-07 ||, 12:06 PM

يوم تبغي تبدع البنت بتبدع ..

> مع انه الرسمات ما فتحت عندي ,,, بس العنوان يجذب وشكله غريب ..
حركات والله مب هينه طلعتي ...

"
"
بالتوفيج ومن حلو لأحلى ....
احترامي لج ,,

**أنا فقط** · 03-09-07 ||, 12:12 PM

الدافية !!

تأكدي الحين .. ظهرت لج الرسمات؟

**عمة العيم** · 03-09-07 ||, 12:38 PM

روووووووعه

ماشاء الله تبارك الرحمن

قطوره استمري استمري

ولا تقطعي

(^_^)
...

**أنا فقط** · 03-09-07 ||, 09:43 PM

عمة الفن خلف الكواليس

إن شاااء الله بستمر .. و يسعدني فعلا وجودج الدائم .. و ردودج التشجيعية

(ربنا ما يحرمنيش منك يا ...... عمووتنا )

**مزن هتان** · 03-09-07 ||, 09:46 PM

ما شاء الله
عن جد أعجبتني الرسمه
وااااايد حلوه

استمري، سـ انتظر جديدك بفارغ الصبر

**أنامل قلب** · 04-09-07 ||, 12:02 AM

عندج دقه جدا جدا جدا جدا جدا جدا جدا جدا لفتتني بهالرسمه ..
وجدا جدا جدا جدا جدا جدا جدا اعجبتني بدقتها وخفتها ..
والأحلا من كل هذا اقبالج عتعلم كل يديد ومحاولاتج المستمره اللي فعلا يابت نتايج جد طيبه ..

في شغلات بالكاس محتاجه دقه ولبيتيها : )
مثل حدود الكاس من فوق (( الرأس الحلقي )) ونفسه بالأسفل والاستداره المطلوبه ..

ماني خبيره بالرسم ..
لكن بنظري الشغلات اللي لاحظتها بالكاس جدا اعجبتني ..
وفعلا قاعده تنتقلين من رقي لرقي ملحوظ ..

عقبال ما نتفرغ لأن شوفة هالرسمات الجميلة فعلا تزيد شوقنا لقعدات الرسم ..
بس يالله قعدتي بالجامعه أكثر عن البيت يدوب الحق أرسم بدفتري الزغنطوط ..

شكلي بشل كل قشي وبسولي مرسم خاص فيني بالجامعه آخذ راحتي بين الكلاس والكلاس ..
وأسويلي قعده للرسم من الخاطر لول .. >> عشان أتكفخ من الصوب الثاني ..

بس بجد شكلي بسويها وبشل شوي من قش الرسم عندي بالجامعه ..
عالأقل أتسلى وأوسع سدري >_< ..

:

موفقه عزيزتي ..
دائما مميزه .. وبإخلاص ..

ودي العطر ..
إختج أنامل قلب ..
والسموحه .. !!

**الا انا** · 04-09-07 ||, 08:37 AM

هلا انا ..
السموحه عالتاخير الغلا ,,

بصراحه فنانه .. ويعجبني فيج ممارستج الدائمه للفن عندج لمسات حلوه "
موفقه الغاليه وللامام دايما ,,
إحترامي لفنج

**المحاق المشتعل** · 04-09-07 ||, 09:21 PM

السلام عليكم ورحمة الله وبركاته

اللــــه

وايد موضوع جذبني

وخلاني امر اتأمل كل الخطوات مرات عديده

ماشالله تبارك الله بجد ابدعتي فنانه وشطورة والحمدلله انج بديتي

بهاي الالوان ... وان شالله من بعد التجربه الحلوة هاي اعتقد انج

حبيتي التلوين وان شالله بنشوف وبنسمع مستقبلاً ميولج لألوان أخرى بإذن الله

لكن في الوقت الحلي طوري قدراتج في هاي الالوان لين ما تتقنينها احسن اتقان بعدين

انتقلي للخطوات التاليه والله ولي التوفيق

جداً فخور فيج فنانتنا

بكل التقدير

محاق

**ألم ترى** · 05-09-07 ||, 03:32 AM

روعه يا روعه
تسلم لنا هالأنامل

**أنا فقط** · 05-09-07 ||, 06:31 PM

مزن هتان

الجديد ف الطريق

شكرا لتواجدج

أنامل قلب

ما برد عليج بشي .. بالأول انشوف شي من أناملج ..

أترياج

الدافيه

تواصلج الدائم يعطيني التشجيع . و إن شاء الله أقدم الأفضل

بابا محاق

ليش التأخير !!

الألوان هذي غير عن المائية و الزيتية (معاناتي الأبدية ) بس إن شاء الله أجرب

كل شي يربطني ف الرسم

شرفتني بهالرد ..

ألم ترى

أول طلة لك ف مشلركاتي

سعيدة جدا بهالتواجد ..