" مجموعة متطوعي الواحات "

[تحفه]

ياحظ الاولاد >,>

[مــهــابه]

أنـا بـودي . .
بس ~ الـهو ى ~ ضـدي . .

الله يـساعدكم ع فـعل الخير . .

واعـضاء الواحات ، اللي يـقدر لايـتردد ، تـراها فرصه :)

[كـلـكـلـووش]

خطــاب

بينا كوول ..

مجموعة انسـان

وصلت الرساله .. و تم تسجيلك معانا

حنين دبي

اكيد ممكن تكونين معانا .. بخبرج ع الخاص بشكل اكبر عن برامجنا التطوعيه

الاسطوري

فـعلا انت واحد من اميز المتطوعين اللي كانو معانا .. نشيط ما شاء الله عليك و سباق لفعل الخير
و اكيد انت واحد من الاساسيين ويانا

تحفه

ليش الاولاد .. حتى البنات يقدرون ينضمون لنا .. الباب مفتوح للكل

مهـــابه

ما تقصرين اختي .. و ان شاء الله في الايام اليايه تساعدج ظروفج بالالتحاق بالمجموعه

ســلام

[كـلـكـلـووش]

ما شاء الله الاقبال اكبر بوااايد من اللي توقعته .. الله يزيدهم

[نجمة دبي]

وعليكم السلام والرحمه

ما شاء الله عليك اخوي كلكلووش ..

الصراحه انا متوقعه هالاشياء الحلوه منك دوووم ..

ويزاك الله خير عالبادره الطيبه والعمل الرائع

وان شاء الله بطرش لك رساله :)

شكرا لك

[الملهم]

مثل ما عرفناك سباق للخير ..
عمل هادف جميل .. وان شاء الله تستفيدون مني .. ^__^

تسلم

[كـلـكـلـووش]

رائع هذا الحماس و هذا العدد .. ربي يوفقكم و يوفقنا ..

اول فعاليه راح تكون بتاريخ 25 / 10 ..

ان شاء الله في اجتماع بيكون بينا قبل ما نبدأ و المكان راح يكون في جمعية الامارات لمتلازمة الداون اللي في جميرا ..

رمستهم في جمعية الامارات لمتلازمة الداون و قالو بيعطونا غرفة الاجتماعات في اليووم اللي نحن نحدده ..

بشوف يوم يناسب الجميع سواء اللي داخل الواحات او اللي برع و بنجتمع

يزاكم الله كل خير ..

[حبوبه دبي]

حلــو والله !



مــاشالله عليــك يـا كلكلــوش .. دووومــك رااعـي وااجب

الله يعطيــكم الف عــافيه ..



.
.

[بنت الدلع]

يزاك الله الف خير يا كلكلوش

بشوف الربع وبرد عليك خبر ان شاء الله =)

[قلوب دبي]

ماشاء الله عليك يا بوشهاب ..

الله يوفقك يا خويه دائما وعلى جهودك المبذوله ..
كم تسوى هالابتسامه اللي راح تلمسها على شفاه الناس ..
ربي يعطيك العافيه ..

[كـلـكـلـووش]

اشكركم كلكم على ردودكم المشجعه ..

غير اللي كانو متطوعين ويانا من قبل واللي اسميهم متطوعين دائمين .. في حوالي 12 شخص جديد .. حاب ان يتطوع لأول مره و يدخل هالمجال .. و تم اعتمادهم .. و غير الاشخاص اللي انضمو للمجموعه من برع الواحات ..

فـ الاجمالي تقريبا 26 شخص و بيزيد مع الايام اليايه ..

طبعا مثل ما قلت قبل بنحدد يوم و وقت للإجتماع مع كل المتطوعين في جمعية الامارات لمتلازمة الداوم .. و بنستضيف في اجتماعنا الاخت ام سيف اللي نائبة رئيس جمعية الامارات لمتلازمة الداون عسب تعطيكم نبذه عن العمل مع العاقين و الفعاليات اللي بتسويها الجمعيه .. و طبعا الاجتماع بيكون تعريفي و بنفس الوقت بنسمع اقتراحات للمجموعه اذا وجدت ..

و بنتكلم معاكم عن الترتيبات اللي بنسويها عسب ننجح هالفعاليات اللي هي لصالح اخوانا المعاقين .. لإن مثل ما قلت المجموعه تخدم بشكل اساسي هالشريحه و بشكل عام المجتمع ..

للمتطوعين اللي سجلو في المجموعه .. انا بقترح وقت و تاريخ و بطرشه لكم على الرسايل الخاصه عسب نعقد الاجتماع .. و انتو شوفو اذا يناسبكم ولا لأ ..

ســلام

[دمعة شوق]

يعطيـك العافية ياخويه ويزاك الله خيـر
بوديه أشـارك ويـاكم بس لظروف أحـكام
بس تبون شـي غير أنيه اتواجـد عندكم ترانيه حاضـره :)
ويزاكم الله خيـر
وشكرا ً يـ أحمـد وفي ميزان حسناتـك

[الحاضر الغايب]

السلام عليكم ...

الله يعطيك الصحة والعافية على المجهود الجميل

وانا احيي كل اللي شاركوا معاك قبل وكل اللي شاركوا الحين ... لان هذا عمل انساني جداً راقي ويعود بالنفع على الكل ...

واللي متردد اقوله توكل على الله وشارك ولا تتردد ...

اتمنى صدى صوتك يا اخوي احمد يوصل حتى خارج الواحات ولكل الناس ...

موفق ان شاء الله وشد حيلك ...


تم تمييز الموضوع ليأخذ كفايته من النشر ...

والسموحه ...

[نجمة دبي]

يزاك الله خير اخويه احمد
ونحن في الانتظار بإذن الله :)

[طير الحب]

السلام عليكم...

هذا حلم كنت اود ان احققه وفعلا من اكثر من اربع سنوات انضممت لجمعيه متطوعي الامارات...بس ما لقيت الشيء الي كنت اتخيله يعني المشاوير الي كانوا يطرشونا لهم عادية محاضرات وبعدين الفكرة ما لقت استحسان الاهل هاذيج الفترة ... بس ابا اخذ فكرة كاملة عن الموضوع واذا ممكن اساعد بشيء من خلال تواجدي بالمنزل .