ايطـاليـا .. بشـكل ثـانـي!

**الـيـاه** · 03-09-07 ||, 11:52 PM

^
برج بيزا غش يوم جفته .. مايل حبتين حتى مايبين واااايد .. و سووه من العجاااااائب لول ( انتي ليش محرجه لول )

**شمعة أمل** · 04-09-07 ||, 01:23 AM

ألم ترى
كل يوم كلنا سيي فوود ويا شي ثاني تصدق

مره مسووين باستا ويا محاار

هالرحله كانت وايد حلوه .. تصلح للـ شباب لوووول

سفير الخيال
ترا فيراجيو (قرية اليخوت) خمس دقايق من بيزا .. في الشتا يوم سرنا بيزااا صدق انصدمناا .. انا عبالي بيزا برج معواااي من الخااطر .. مول مايخصه لول
هالصيف بس كلنا برع مرتين .. مره غدا ومره عشا لانه عندنا شيف ومانستغنى عن اكله.. بس يوم طلعنا نتعشا سرنا مطعم اسمه الـ طماط *بالايطالي* لول وكله يسوي بيتزا .. كلت بيتزا ويا فراايز فووقه

الياه
انا بععععععععد

**سفير الخيال** · 04-09-07 ||, 01:39 AM

خلاص الحين ما ينعد من عجائب الدنيا، وبعدين بيني وبينكم يلست بهذي المدينه يوم ونص عسب بس أجرب البيتزا مالهم

ظهرت اللي في خاطري كله آخر يوم.. طلبت سبيغاتي وبيتزا مرغاريتا على العشا وغسلت الصحنين

أنا أكثر منطقه حبيها في إيطاليا فلورنس

**شمعة أمل** · 04-09-07 ||, 02:04 AM

هييه فلوورنس وااايد يمدحوونهااااااااااااااااا ااا بس بعدني ماسرت
انشاءالله نسير في الشتااااا

وعن البيتزا
تدري انا معظم المطاعم في ايطاليا البيتزا مايكون فرششش خصوصا المارغريتا =s يعني يجهزون الخبز ويا سوس طماط وجبن جي من الصبح .. ويحطون الاشياء الثانيه فوق بعدين

**شمعة أمل** · 04-09-07 ||, 02:06 AM

بعدين انا ماعرف كيف تحملت يوم ونص في بيزا .. نحن ماكملنا 15 دقيقه لول
تخيل عقب ماصورنا جاان ينيي خااال لابس كووت وفجأه جي يفتح الكووت مااله جان يقووليي رولكس؟! *نفس الأفلام والله* .. من الزياغ شردت وانخشيت ورا ابويه >_<

**سفير الخيال** · 04-09-07 ||, 02:44 AM

بس أنا ليش اتعيبني المارغريتا عندهم، لأني أحطي فوقها زيت زيتون فرش

يتغير الطعم 180 درجه،، أذكر لما رديت الإمارات كانوا امعلمين على الشنطه في مطار بوظبي ولما فتحوها حصلوا فيها غرشة زيت زيتون عباالهم غرشة خمر

حسبي الله عليهم فضحونا بالمطار،،

اتحملنا يوم ونص علشان خاطر السباغاتي والبيتزا ^_^ مع إنهم نفس الطعم في فلورنس بس سبحان الله بمجرد الشعور إنج تاكلين بيتزا في المنطقه اللي اخترعوها اتحسين إن الطعم غيير

ومن هذيله الخوال واايد حصلنا منهم في فلورنس وكلهم ياايين من جنوب أفريقيا

**مجموعة إنسان** · 04-09-07 ||, 12:11 PM

وايد حلوة رحلتكم .. احلى شي ان استانستوا هناااااك

ماعرف أبوي متى بيروح بس اضن ثاني العيد او ثالث
زييييييين ذكرتوووني
بسير اتصل فيييه تصدقون ماعرف متى بيرجع من السفر !! خخخخخخخ
خوش ولد !!

**شمعة أمل** · 04-09-07 ||, 03:28 PM

سفير الخيال
يحليلك فضحوك في المطار p= انا أفضل أكل الباستا يوم اسير ايطاليا لانه يطبخونه غيير عن هني وتكون مالحه هناك .. لذيذه!
بس تدري هالخوال أرحم عن هالمغربيين الى في ميلان .. مره زخني واحد من ايدي جان يحط حب في ايدي ولا احس اب مليون حمامه على راسي =s ع كيفه ها يدق ايدي واخر شي يا وقال 50 يورو O_o وين يبااا

تدري انه أحلى زين زيتون من الأردن p:

مجموعة انسان
اويه =s كيف ماتعرف متى ابوك بيرد!