الزوج/الزوجة

[نور الإيمان]

ناطرة التعقيب

[الملهم]

السلام عليكم ..

اساس الزواج التفاهم ..
اولا انا كيف ارضى اني بتزوج وحدة لا مبالية ..
اطلع قصة وفريي زايد عن اللزوم .. من اولها يعني ..

ومثل ما قالت " تحفة " .. انطول فترة الخطوبة عشان يتعرفون على بعض اكثر .. واذا صار التفاهم نكمل مسيرة الزواج ..

واذا صار في المستقبل شفت شيء غلط لازم اتحملها ..
والتعامل يكون شدة ولين .. مرة اكون شديد ومرة اكون لين ..

تسلم على الموضوع ..
يعيبني مثل ها المواضيع .. ^__^
ومحد من الشباب رد غيري ..

[المزوحي]

قبل الزواج وايد أشيلء تكون حلوة، لأنه مرحلة يديدة .. أحس بإنه الواحد مايتسرع ..

مع هذا تسمع من هذا وهذاك وترد انت تعيش نفس التجربة ..

شكلكم مافهمتوا اللي أقوله !!

يعني انته يوم توك تكون مالج، اتدور أي شي بس عسب تزور حرمتك وهي حلالك، لكن على حسب

المتعارف عليه، تكون نص حلال، لأنه بعدكم ماسويتوا حفلة زفاف، عشان تكون لكم الحقوق في كل

شي ... واللي أقصده الريال وهو راد من الدوام أونه بيشتري وجبة ماكدونالدز حق حرمته

علثه عسب يمر بيتهم، لكن عقب حفلة الزفاف ... يوم تتصل به ينقع الموبايل مابيرد عليه

أو يتجاهل الرقم بحجة إنه مشغول أو نسى الموبايل في الموتر وغيره من هالكلاااااااااام ..

أما هي ... لو تحرق إيدها في المبخ بتسوي أي شي بس لانه بيمرهم عقب المغرب .. المهم

انته تعال وبسوي اي وصفه على السريع ( حتى لو ما بيامل .. المهم إيي )

وعقب يقولها ابغي كلااص ماي .. وهي ماتروم تنش .. المهم من هذا كله إنه تزوجها واستوت

حلاله ..

[ايه احبك]

ايه أحبك .. صح مايستوي الواحد يمشي بعناد لأي من الطرفين !

يعني تبين سبب مقنع لرفضه بحضورج لزواج اختج ... وهالشي شفته من واقع جريب ..

بوضح لج زيادة ...

لنفرض إنج متزوجة .. تمام ؟؟؟ واختج بياخذها واحد غير عن طبقتكم ...

بس لأنه ريلج مب عايبنه اللي يصير فيرفض حضورج ...

وطبعا أبو الحرمه تم متنرفز على اللي صار .. بس لو هي عاندت زيادة هددها بالطلاااق

اطلق منه لوول اذا كان عقله صغير فافضل اني ما اعيش وياه لنه ما بيدمرني انا بس بيدمر جنيريشن بهل عقليه

[مزايا]

المعروف إنه الزوجه اذا تطلع من دون أذن زوجها تلعنها الملائكه لين ترد بيتها

أذكر في قصه صارت على أيـام الرسول عليه الصلاه والسلام
إنه في حرمه زوجها مانعنها من زيارة أبوها التعبـان وعلى ما اعتقد كان يحتضر ، فراحت عن الرسول (ص) وقالت لها سالفتها رد عليها وقال لها إنه لازم تسمع كلام زوجها حتى لو كان الطرف الثاني أبوها ، المهم الريــال راح الجهاد ومرته طبعا مانعنها من زياره أبــوها ، لما رجع من الجهاد ، قد أبو الزوجه اتوفى ولا راحت له بعد ، فراحت للرسـول (ص) وقالت له إنه بعد وفاة أبوها ماحضرت ، فرد عليها الرســول (ص) إنه بسماعج لكلام زوجج وإنج ماعارضتيه ولا اصريتي تروحين عند أبــوج ، دخلتي أبوج الجنه

أتمنى إضافتي تكون ذو فايده

[ايه احبك]

مززززوي انتي تتكلمين عن رجل عاقل فاهم
مب رياييل هاليوم علشان امور دنياويه بيقطع العلاقات كلها هاي صلت الرحم اهلي ربوني كبروني وانا انساهم موليه عسب ريلي ما يبي هالشي انساه فضلهم وكرمهم كله بدون توضيح شي منطقي الله ما يرضى
الزوج اذا ما احترم الزوجه واهلها وشافها بس وسيله لتنفيذ كلامه جنها عبده هني الوحده تعاف حياتها

[مزايا]

لج وحشه يا أيه احبك ، ع فكره استويت ماحب اناقش حد لانه صعب اقتنع ،
وانا حطيت إضافتي مب عشان اقنعكم بإنه كل شي يسويه الريال صح ، بس سبحان الله ساعات لما ننفذ اشياء تكون غصبن عنا بعد فتره تصير خيره لنا

[ايه احبك]

انتي اكثر حبيبتي ^_^
كلامج صح × صح حياتو

[جنون امرأة]

متابعة ..


لـــي عودة !