سلام عليكم

بالنسبة للموضوع .. هالمواقف وايد تسير! و مثل ما قلتوا بشكل سخيف و بالنسبة لنا مب مقنع!

انا ما اقول انه كلام هالزوج اللي طلب من زوجته عدم حضور عرس فقط بسبب الطبقية ما يعتبر امر سخيف! بالعكس .. سخيف جدا ..

لكن شخصيا ! و الله اعلم كيف بيصير الموقف عقب .. ما ظنتي بعاند! صحيح بتناقش وياه مرة او مرتين و ان شفت انه هو اعتبر المسألة مسألة كرامة و عزة نفس و ما يباني احضر العرس عشان لا ينزل مستواه - الله يحفظنا من الرياييل اللي من هالصنف - ف بعتذر لأختي و ان شاء الله بتقبل الإعتذار لأني مجبرة !

الزواج الصراحة مسؤولية كبيرة وايد! صحيح اني ما بكون عبدة عنده! بس شي رياييل فاهمين كلمة " القوامة " يعني السيطرة و الإستعباد! بس بعد نتأمل خيرا ... لكن دائما ما احط ف راسي قاعدة : كوني له امة يكن لكي عبدا شكورا!

اما ان منعني لأنه شي منكر في العرس و حرصا منه .. اتوقع اهني بحاول اقنعه! لأنه الدين ألزمنا قبول الدعوة.. و ان اصر بأنه ابدا ما احضر .. اسمع كلامه و اقعد في البيت


و السموحة