السلام عليكم

من شهر تقريبا و انا امر في حاله ضيق و كئابه شدييييييده
و احس اني شال هم كبير و حتى الي يشوفوني يقولون شكلك كبرت 10 سنوات في هالشهر
كنت احس خلال هالفتره بانه يوجد حاجز بيني و بين الناس،
لكن هل هالشي من الناس ولا مني انا "الله اعلم"

الي اعرفه شي واحد،، و هو اني يوم افضفض لحد احس انه همومي تزول و ارتاح نفسيا و خصوصا لو كانوا هالناس عزيزين و غاليين علي وايد وايد وايد.

امس كنت اكلم هالشخص العزيز علي و ما قدرت ايود عمري و صارحته بالشي الي عايش فيه
و فضفضتله بكل الي في خاطري و حسيت اني ارتحت نفسيا من هالشي


اليوم لأول مره من شهر كامل حسيت اني ناش و انا فرحان و مستانس
نشيت و انا احمد ربي بأنه عطاني شخص يسمعني و انا اشكيله
و يحاول يعرف شو الي مضيقني

و صح انه ما عرف شو الي مضايقني بس محاولته والله كم تسوى في نظري


همسة خاصة جدا

الله لا يحرمني منك
و من حلاك و من دلالك
ما اتمنى غير شوفك
مبتسم مرتاح بالك



شكرا لكم،، احبكم

========

همسة لباقي الاعضاء

هاللا هاللا بالصلاة
صلوا فروضكم في وقتها
و اقروا قرآن كل يوم
و لا تنسون ادعية الصباح و المساء

و ان شاء الله الهم ما بييكم

شكرا لأستماعكم
أحبكم




أخوكم الصغير
نــاصــــر