فيروس

[المزوحي]

السلام عليكم

المشكلة اللي عندي .. إنه فيروس ضرب الجهاز وإذا في حل بدل الفورمات ..

المشكلة الأولى من افتح صفحة النت يطلع لي البكس مال McAfee

المشكلة الثانية في ال setting الــ control panel مختفي عندي

يعني امسات تعبثت ورد والحين رد اختفى وماعرف شو اسوي ..

المشكلة الثالثة ... إنه يوم ادخل صفحة google واسوي بحث عقب الكلمة اللي احطها

ما ألقى نتيجة يعني مره ثانية تطلع لي صفحة google

أظن يبغي فورمات المهم لو عندكم حل

[حصان طروادة]

بالنسبة لي ما عندي حل لين اتعبث بجهازك بنفسي وأشوف المشكلة بالضبط

آسف يا أخوي

بالنسبة للAnti Virus أنصحك تاخذ NOD Anti Virus يعمل بشكل ممتاز وخفيف جدا على الكمبيوتر

راح أطرح موضوع بخصوص مضادات الفيروسات قريبا إن شاء الله .

[المزوحي]

شكرا على الرد ...

[نجمة دبي]

لو اتسوي له فورمات احسن ..
^_~

[المزوحي]

وين اوديه الحين مالي بارض

[نجمة دبي]

اذا مالك بارض تسير شارع الكمبيوترات ..
وده اي محل جريب البيت ..

بس يسوي لك فورمات ... والبرامج اللي انته محتاجها تراك بروحك بتنزلها من النت
بس قول للريال بعد ما يسوي الفورمات يحط لك برنامج مال الفايروس

عن الهيازه ^_^ سوالف

[حصان طروادة]

هاته عندي أنا بسويلك فورمات

وببلاش بعد

[المزوحي]

مشكور حصان اخويه يعرف يسوي لكن هو مسافر وبيطول ...

بشوووف بوديه يسون له فورمات .. لكن كل اللي مخزن بيسير

[نجمة دبي]

ماعليه :)
كل شي بيتعوض

[المزوحي]

بعد 60 محاولة للدخول عالم النت اقدر ادخل مره وحده بسبب الفيروس

والحل عمل فورمات للجهاز

اقدر اسوي فورمات روحي من البيت .. لانه في شرح للفورمات هل بيكون سهل

[حصان طروادة]

ما فهمت عليك أخوي

يعني تبا تسوي فورمات بروحك ومب عارف شقايل ؟

[المزوحي]

هيه .. اسوي روحي .. يستوي وإلا في صعوبه

[حصان طروادة]

يستوي ،

عندك سيديات الكمبيوتر ؟

واحد منهم مكتوب عليه ريستور ، حطه وشغله وبيبدأ يعيد تنصيب كل شي .

وإذا بتستخدم سيدي الويندوز XP bootable ادخل ها اللنك :

http://www.whitecanyon.com/how-to-fo....php#format-xp

بتحصل مكتوب :

How to Format a Computer with Windows XP

وإذا في شي ما فهمته خبرني

[خيال الحب]

اول مره اسمع عن هالمشكله @__@

اسمحلي اخوي .. كان ودي اساعدك بس .. ماعرفت شي :( للاسف

[المزوحي]

خيال الحب

الكمبيوتر يعلق ومخرف بعد ..