فـ ـحـ ـم

[أنا فقط]

السلام عليكم

و صباح الخير للجميع



هذي أولى محاولاتي ف استخدام الفحم .. أدري إنها مب ذاك الزود .. لكن .. نتعلم !










بانتظار اتقاداتكم و آراءكم

[المحاق المشتعل]

السلام عليكم ورحمة الله وبركاته

زين اني ييت قبل الناس هيهيهي

هلا والله بالفنانه الموهوبه

اتعرفين انتي موهوبه وكل شي فيج مضبوط من فن ورسمات

لكن ليش ترسمين على ورقه مخططه



هممممم

ادائج جميل وفنج لا غبار عليه

بس إلي امخرب على هاي اللوحات الجميله وضوح تصويرها

اتمنى منج ومن هاي الانامل المبدعه انها تستمر

وانشوف كل جديد بإذن الله تعالى

كل التقدير لج

محاق

[ميامي 44]

رسومات بسيطة وحلوة ،،

واصلي حبوبة !!

[أمطار]

واااايد كيـــــوت رسومااتج ..
بس مثــل ما قــال محاق ،، الورق المخطط "يزعج استمتاعنا" برسوماتج . . .!

وصرااحــة كـ محاولة أولى لأستخدام الفحم ..
أشوفهاا وااايد أوكـــي ،، استمري يا قلبــي ونباا نشوف إبداعات أكثر بالفحــم . . .!

كل الـــــــودّ. . .

[أنامل قلب]

وعليكم السلام والرحمه ..
هلا باختنا المتميزه قطرة ندى .. ^_^ ..

اممم .. ما شاء الله ..
تدرين شو الحلو فيج ..
إنج حابه ومستمره بتطوير مهاراتج بالرسم .. وتجربه كل يديد وطيب ..
وعن الفحم .. فهو فعلا له ميزه وأثر جدا مميز باللوحه خاصه لمن يتقنه الواحد .. ويبرز تعبيره الخاص ..
فأتمنى أن تستمري بتلك المحاولات الطيبه ..
ولن تري إلا ابداع تلو الإبداع : )

...
اننننزين .. أقول حبابه ..
مادري عن نوع الفحم اللي معاج .. بس أحسه ظاهر قريب للرصاص عكس اللي معاي ..
إلا في حال إنج مستخدمه فحم بلون الرصاص لول .. !!

رسمتج الأولى ذكرتني بلوحه رسمتها لمن كنت بالاعدادي ..
وأذكر مع ان الرسمه اعجبتهم كلهم .. حتى أبلة الرسم ..
إلا إنها أول شغله قالتلي اياها لمن شافتها (( انامل قلب ركزي عـ نقطه التظليل والاضاءة ..
فحاولي قد ماتقدرين تخلين حدود العناصر اللي بلوحتج منسابه بشكل أكبر مع فحوى الرسم ككل )) ..
مادري اذا فاهمه علي .. بس عني آنا ليما الحين عندي هذي النقطه جدا سيئه وماعرف أطبقها عدل >_< ..

بس يعني حاولي بكل محاوله يديده تركزين على هذي الأمور بعد ..
وكنت اتمنى لو عاطيه الرسمه الأولى اهتام أكبر برسمج لها بورق الرسم (( الساده ))
وكملتي عليه بورود ثانيه حتى لو بشكل اطار ..
لأن أدائج حلو وأفكار أحلى ..
وجدا اعمالج هاديه .. وابها نوع من النعومه ..^_^ ..

ربي يوفقج ..
وجعل كل نثور أناملك نبعا طيبا ..

:

كل الود والاحترام لشخصج ..
إختج أنامل قلب ..
والسموحه عالاطالة .. !

[عمة العيم]

يالبييي

شو هازا فن كلوووو

انا ويا المحاق يبالج تهتمين في الرسم اكثر

و تستخدمين الادوات صح

الى الامام دائماً

(^_^)
....

[الا انا]

الله عليج الله ...

"
"
"
فنانه وربي ..

يبالج ممارسه اكثر بس ... موفقه الغلا ...
احترامي لفنج الغاوي

[يغار مني القمر]

روعه الرسمه :)

بس احسج مو مستخدمه ميزة الفحم الي هي "التدرج بلون الفحم من الغامج للافتح بحيث تعطين حجم للصوره( مثل المجسم يعني ) "،، الالوان الي طالعه عندج هي الغااااامج و الفااااااتح من غير التدرج الي بينهم !!!

يعني :
ف الرسمه الاولى حلو ان اللون يكون غامج تحت اوراق الزهره بس لو تلاحظين انتي طالعه من اللون الغامج ع الفاتح ع طول وها الشي يضيع جمال الرسمه ..

ومثل ما قالت اختي انامل قلب ،، ركزي ع الاضاءه و اتجاها بعد عسب ما يطلع عندج تضارب باتجاه الاضاءه و تطلع الرسمه مو واقعيه باكثر من اتجاه للتدرج ،، يعني ف الرسمه الاولى انتي مغمجه اللون ف نصف الزهره و تحت الاوراق الباجيه ف الزهره !! لو تبين تحددين اتجاه الاضاءه ع الزهره ما بتقدرين لان التظليلين متضاربين .. لو ظللتي الجهه اليمنى لوسط الزهره من غير تكبير مساحة التظليل للجهه اليسرى بيكون عندج التظليل والاضاءه بنفس الاتجاه :)

وحلو لو تعطين لمسة لمعان للرسمه ف بعض الاماكن ،، يعني ف الاماكن الغامجه احيانا تمسحين جزء بسيط بالمساحه .. وهالشي ممكن يكون ما بين ثنيات ورقة الزهرة الواحده .. يعني مثل امواج العلم يوم يرفرف

انا ما اعرف اذا انتي من النوع الي يستخدم اصابعه ف الرسم بالفحم او تكتفين بالقلم !!
اذا ما تستخدمين اصابعج انصحج انج تجربين لان الاصابع تساعد وايد ف تدريج الوان الفحم ..


هاي نصايح من اختج و اسمحليلي طولت عليج