دين دنيا قناة رأس الخيمة كلتنا !

[ألم ترى]

بسم الله الرحمن الرحيم

قناة رأس الخيمة

اتمنى واقول اتمنى بأن المسؤلين ينتبهون لـ هالقناة !
الصراحه اللي تسويه هالقناة شيء متناقض جدآ بمعنى التناقض
دين دنيا .. دين دنيا .. دين دنيا


كنت يالس اتابع هالقناة لئنهم يحطون برامج عن عوافي وعن معالم رأس الخيمة
المهم حطيت القناة ولا اشوفهم محطين الشيخ عبدالحكيم الشاعر
وكان الشيخ يتكلم عن القرأن وفضائله العظيمه
المهم خلصت الندوه وجان يحطون اغنية عراقية ورقص فاضح !


قبل كم يوم كنت محطنها جريب الفير وكانوا محطين برنامج عن تل عوافي
وبعد 25 تقريبآ حطوا اغاني وبعدين حطوا شيخ يتكلم وحذاله كتب ع الطاوله
شوي أذن الفير وبعدها حطوا اغاني لـ فيروز و ام كلثوم !
عجيب سالفه


الصراحه يعني هالقناة ما تعرف شو اتسوي بعمرها !
فديت قناة الشارجه انا برامجها جدآ جدآ قيمه
وهاي القناة هي الأفضل و الأحلى من بين قنوات الدولة ف نظر ألم ترى


انا لما اتكلم عن قناة رأس الخيمة يعني وايد احتار من هالقناة
يعني تتكلم عن الدين وشوي تجلب ع الأغاني
وترد مره ثانيه تحطي ندوه او انشاد وترد ع الأغاني والرقص


ههههه والله توني توني قلت خلني ارد ع القناة ولا اشوفهم محطين واحد يحفظ القرآن !
قبلها كانت كلمة لـ الشيخ عبدالحكيم الشاعر وبعدين اغنية عراقية ورقص فاضح
واللحين كلمة لـ الشيخ بخصوص تحفيظ القرآن !


شو السالفه انزييييييييين ؟
المهم لا تعطوني رايكم هنه !
مروا ع القناة وبعدين احكموا عليها

[قرموشة]

هههههههههههه
وحليلهــا القنــاه ~ بس هـم يبون أونـه يرضـون كل الاطـراف لول
XD

[نشمي]

عادي مثل كل القنوات، أغلب القنوات برامجها و نظامها يكون مشابه لهالنظام

[جواهر]

هههههههههههههههه

تراهم قايلين

دين و دنيا

يعني كذا و كذا

و بالعربي

بتاع كولووو

او يمكن لانه يديده

مش منظمين القناة بعدهم ؟!

حرام عشان ما نظن فهم ظن السوء

[ايه احبك]

لووول لا هي جامعة بين فسق قناة دبي و رياضة قناة ابوظبي وتدين قناة الشارجه
عشان ايسمونا دولة الأمارات العربية المتحده
XP

[مزايا]

غريبه انا كل ماحط على هالقناة
أشوفهم حاطين أناشيد
ولا مره شفت حاطين إغنيه ، يمكن لاني مش مداومه على متابعتها

انا اشوف لو يبندون هالقناة وايد احسن
مالها لزمه من الاساس

[الهيثــم]

خربطيــشن فـ الشبــكة لــول
أو يمكــن إلي يشتغلــون في تلفـزيون راس الخيمــة يتغــير الشفت مالهم كل نص سااعه

فـ الملتزم يحط قرآن
وإلي فـ خاطره أغااني يحط أغاني
والمختررش يحط عن عوافي

وهااي حالتهم لين ما يخلص يومهم لول

ع العمــوم نحن نتمنــى إن قنــواتنـا يتخذون قنـاة الشارقة قــدوة لهم بما فيها من الأشياء المفيـدة فـ نظر خــّطاب

وباارك الله فيك شيخي الكريم على ملاحظتــك الطيبـة

[خطايــا]

انا بعد أعتقد شرات ما قلتوا بعدهاالقناه يديده ومب منظمين برامجهم ...

انا البارحه حطيت عليها فليل ع الساعه 11 وشي لقيتهم محطين مسلسل مصري من اممم سنه الف وتسعميه وحطبه

[زمان أول]

السلام عليكم

أولا يزاك الله خيرا اخوي ع الملاحظه .....


ولكن لا حياه لمن تنادي ...

توجد قنوات محليه عديده تخطوا خطى هذه القناه ..

لو لا حظت قناه دنيا الفجيره في أحد الايام كانت تبث صلاه الجمعه وبعد الصلاه على طول
أغاني للعصر ,,, انتوا ادرى منو ورى الكواليس في هذه القنوات ....



قناه الشارقه شعارهم (((( نحن الأمناء ندخل بيوتكم )))) فهم الامناء على أولادنا وأهلنا

ومشكور ع الموضوع القيم

[خيال الحب]

زين جيي حطو على قناتنا خخخخخخخ


بس مب قناة راس الخيمه جي بس

كــل القنوات انا اشوفها تسوي نفس هالحركــه..

بس ان شاء الله مع الايــام.. نشوف في تنــظيم في اوقات البرامج..


وتسلم ع الملاحظه

وقناة الشارجه من القنوات الي احب اتابع برامجهــا :) ماشاء الله عليهم

ياليــت انه في حد يوصلهم هالكلام ^_^

[ولد الشحوح]

إعلامنا فاشل وإنا بيغى يسوي شي يديد قلد برنامج إنجليزي

[ألم ترى]

بسم الله الرحمن الرحيم ..

اخواني ف الله ..

يزاكم الله خير ع التواصل ..

المعذره ! ..

[بحر الموده]

السلام عليكم ورحمة الله وبركاته

لاحول ولاقوه قناه جذيه تسوى .. صراحه انا ماجد شفت ولا سمعت عن هاى القناه

احسن شىء الشارجه ....ويعطيك العاافيه اخوى ألم ترى

[دانة حتا]

امممم
بلاها قناتنا بلااااهاااا
كانه حد غلط علييييينااااااا




تراها القناااه بس كل مشكلتها انها فاااااااااااشله
وما فيها حد ينظمها وما عندهم برامج يحطوووهاااا

بس وجذاا
واتمنى انها تعتدل لاني انا ما احب اشوووووووووفهااااا

[أنامل قلب]

بالنسبة للقناه فللأمانه لا شفتها ولا سمعت عنها من الأساس .. !!

بس لو تبي الصراحه أخوي .. أنا مستغربه لكونك مستغرب من هالشغله .. !!
حاليا كل القنوات تقريبا بهذا الشكل .. ماعدى من رحم ربي ..
اذا وصل الحال ابـ بعض قنوات الأغاني انهم يحطون الأذان ..
طبعا يسبقونه ويلحقونه باغنية .. واهني حتى الأجنبي يسأل ويحتار بأمر القناه وفعلها .. !!
يعني لا احترام ولا تكريم .. أستغفر الله ..
بالاضافه إلى قنوات عربية اسلامية ماتحط الأذان ..

والا تعالو الحين وشوفو استعداد القنوات الغير شكل لشهرنا الكريم رمضان ..
والا أكثر شغله استغربت منها .. بشي من الدعايات اللي يعرضونها بدبي مادري لو انتبهتو له ..
لمن يعرضون دعايتهم للمسلسلات والبرامج واييك صوت الريال يقول بكل بساطه :
(( ولا يكتمل الشهر الكريم إلا بــ )) وما أذكر اسم البرنامج او المسلسل ..

أستغفر الله ..
اللهم اهدنا وإياهم برحمتك ..

وجل الشكر لطيب طرحك ..
إختك أنامل قلب ..
والسموحه ..