الشـــبكه !

[ألم ترى]

بسم الله الرحمن الرحيم

.
.

الشبــكه سوتلنــا دربــكه !
اخواني شو صاير ف الشبــكه ؟
كل ما اتصل لـ حد يقطع الأتصال او انه يدق عنده رنه ويسكر
واللوم كلها ع راسنا هههه
اللي يقولي مامن شر شو ماعندك رصيد ؟

وكم مره نويت ابيع تلفوني ع بالي انه مشفر
ومن هاك اليوم لـ اليوم وهو زعلان عليه يوم عرف اني ببيعه !
فديت روحه
الصراحه ملل والله

قبل كنا طايحين ف دو و اللحين الأتصالات !
حشى ما تسوى علينا والله
بس فالحين ف هالأعلانات اللي ما تخلص وطاف عليها الدهر
ابي حد يخبرني شو سالفة السمكه اقصد الشبكه هاليومين !

.
.

المعذره

[عهد الوداع]

الارسال عندي اوكي

حرام غمضني تلفونك

يمكن تعديلات في الاتصالات (شي ما شيات لوووول ) ,,,

عاد دو خلها على الله( لاحده ولاحرج )

شده وتزوووووووووووول

[عذبة الروح]

السلام عليكم والرحمه

نفس الحاله بـ تلفون بابا
لكن تلفوني ما يشكي باس (الحمد الله)

الله يعينكم & ان شا الله يحلون هـ المشكله
ولا حد يقولك خلص رصيدك :)
والسموحه

[قرموشة]

أنـــا عندي نفـس المـشكــله مـن يومين .. !
كـل ما يتـصـل فيني حـد أرد وويقطع ..
أو اني اتصـل بس ما يرررن ولازم أحـاول كـذا مـره لين ما أقبض الارساال !

عقـدني تيلفونـي قلت يمكـن منـه !

[الهيثــم]

مرة اتصــل فيني وااحد من الشبااب .. وانا قلت ألوو .. رمسني واحد هندي واتحرطم علي وسكررت ف ويهه ...

وعقب رديت اتصله .. قالي هيثم منو رد علي !! .. قتله انت الي منو رد علي من تيلفونك

يقولي وحده رمستني من تلفونك .. وانا قتله هندي رمسني من تلفونك

استوووووووووووت خربطييشن ف الشبكة .. لول

[عاشقة عبودي]

me 2 alersal ok i duno :D

[مزايا]

خلاص دام متأذين من الموبايلات
رجعوا لـ البليب ، وايد احسن

[ألم ترى]

شو ها ؟
جي رد مزايا راح لـ فوق ؟
اوووف منكم

شكرآ ع اضافاتكم
وسلام شرف لـ الشبكه لووول

[مــهــابه]

أنـا قبل يومين جيه اسـتوابي

بـليل !

أول شي تحريت انه الأرسال يوم أكون راقده ع السرير ضعيف ، وأروح يمين يســار

مافي فـايده

كل حيــن وقــطع ! . .

بس تـلفوني أنـا وتـلفون أختيه شـغـاال

بس الحين الحمـدللـه


كل شي تـماااام

[عهد الوداع]

وجاااااان اصك تلفووووووووني بعين لوووووووووووووول قام يشفر ,,,

[وحي القلم]

ألم ترى

الله يعينكم

الحمدلله ما جد استوا لي جيه

.
.

بس هذا موضوع منوه بالضبط ..!

مزايا شو وداج فوق ؟!

[عهد الوداع]

مزايا احتلت المركز الاول هههههههههههه

[دمعة شوق]

هههه مزايا عيني عليج بارده
/

عادي ياخوي كلنا وياك نـآزرك في المشكله لوول

[الشيـــن]

هييييييه الشبكه مستـويه شـ سمه .. هيه أععع . . !

اتصل فـ حد ويرد علي لكن لا انا اسمعه ولا هو يسمعنــي ..
ومرات مايرن عندي ويكون حد متصل بي وعقب يخبروني ..
ومراات مايلقط يوم اتصل فـ حد ..
ومرااات مايرن وعقب يكتبي no answer ! تخبل التيلفون !
ومراااات يطلع لي ع الخط واحد يهزب ربيعه . . لوووول
اكمل . ولا مايحتاي ؟ لووول

قلت يمكن من عندي بس عقب شفت كل حـد يتشكى . . !
لا دو ولا اتصالات . .

تيلفون البيت والعـاااالم في خطر P=

[عهد الوداع]

الشين تلفونج يباله بندوووووول هههه