الصبر لـ الأجر والنوح لـ الأجل
مره كنت مداوم ف المستشفى وكان ف شهر رمضان
جريب الظهر وصل لنا هندي وفي ايده كلينكس عليه دم !
دخلوه الغرفه ومن بعدها عرفنا بأن الريال صبعه مبتور
وكان شكله جدآ عادي ولا إنه حاس بالألم
المهم قاله الدكتور نحن بنومك عشان بنسويلك عمليه
تم يصيح صياح الطفل لما يفقد امه !
قلت له ليش تصيح ايام وبتطلع إن شاء الله
قالي نحن ف العشر الأواخر وانا ابي اصلي قيام الليل !
سبحان الله تم يصيح عشان انه ما بيروم يصلي قيام الليل
ونحن حدث ولا حرج الا من رحم ربي
المهم هنه برد لكم لـ الشخص الثاني واللي شفته بمناوبه عاديه
يعني وانا كنت مداوم ف الإسعاف مش ف المستشفى
ف شتان بين الشخصين
كنا موصلين شخص المستشفى فقالي رفيجي معاذ
نعم سلطان في شيء ؟
قالي شيء شخص ف هالغرفه وصبعه مجروح
دخلنا والا الريال يتعصر ويتألم !
طبعآ الجرح عميق ويباله 7 لـ 9 غرزات تقريبآ
نحن رحنا عنه ولكن تذكرت الهندي اللي ف بداية قصتي معاه
يعني شخص يصيح لجل محروم من قيام الليل
والشخص الثاني ما اتوكل ع الله
ف الأنسان ف كل الأحول لازم يتوكل ع الله سبحان وتعالى
سواء طالع من البيت او داخل او اركب السياره وحتى وهو نايم
ومن يتوكل على الله فهو حسبه !
قال رسول الله صلى الله عليه وسلم :
ما يصيب المؤمن من وصب ولا نصب ولا سقم ولا حزن
حتى الهم يهمه إلا كفر به من سيئاته
رواه البخاري
وقال ايضآ عليه الصلاة والسلام :
ما من مصيبة تصيب المسلم
إلا كفر الله بها عنه حتى الشوكة يشاكها
رواه البخاري
لي عوده إن شاء الله
لـ طرح صور دمويه و حادث مأساوي
رد مع اقتباس
مواقع النشر (المفضلة)