°o.O صور ف حياتي O.o°¨

[ألم ترى]

بسم الله الرحمن الرحيم

,

شمعة أمل
اسعدني تواجد جدآ !
ف انتظار تواصلك إن شاء الله

شكرآ لك

مايهزك ريح
بخصوص الدم تراااه عادي
لكن لما يختلط بالماي تستوي مشكله ف الريحه !

شكرآ ع اضافتك ولا تحرمني تواصلك

,

لي عوده إن شاء الله

[ألم ترى]

حادث دهس
وصل لنا بلاغ من عمليات الشرطة يفيد بوجود شخص مصاب ع شارع الجولان
تم تحريك إسعاف وجمس المعدات الثقيله !
ونحن ف الطريق اتصلنا لـ العمليات لجل ناخذ عنهم معلومات كافيه عن الحادث و المصاب
قالوا لنا بأن المصاب ريله مبتوره بشكل عام !
يعني فيه نزيف يعني بيدخل ف صدمه يعني لازم نتلاحق الريال قبل ما يودع
وصلنا لـ مكان الحادث ولا الريل متوفى !
نعود لـ سبب الحادث لـ سمحتوا يعني
الريال المصري اللي توفى كان قاطع الشارع بدراجه ناريه من الفئه الصغيره
تفادى الموتر الأولى وماشاف الثاني اللي كان ع السيد السريع جان يدعمه
وكان المدعون مصري الجنسية ياي زياره الله يرحمه
وتخطيط الحادث يقول بأن اليمني كان مسرع ودعم المصري ونطره 300 متر جدام !
اسباب الوفاه الله اعلم بها ولكن الريال فيه نزيف مع قطع ف الرجل اليسرى
وقطع ف المثانه مع خدوش ع اجساء متفرقه ف الجسم













اللهم ارحمه وتجاوز عنه
لي عوده إن شاء الرحمن

[خيال الحب]

بسم الله الرحمن الرحيم ..

هلا خوي ..

اووو جي الكلام يتغير عيل ! ..

انزين سعود ماقلت لي اي مستشفى ؟ ..

والحمدلله ع سلامتك فديتك ..

صقر هوسبيتال

بس مالومهم مثل ما انت قلت ضعف المعاشات.. الله يعينهم ويعطيهم الصحه والعافيه

[ألم ترى]

تعال بسآلك انت
بلاك كل دخلاتك الفير ؟
شكلك سهير غبر

صدق صدق الله يعينهم الدكاتره والممرضين اللي هناك !
شكرآ لك ع التواصل

[عيماني وكلي فخر]

لا حول ولا قوة إلا بالله
الله يرحمه برحمــه
تشكرر أخوي ألـم ترى على المجهــوود
:)

[الهيثــم]

لا حول ولا قوة الا بالله .. الله يرحمه ...

يعطيك العافية يا معاذ على كل الي تقومون به ..

[الوحيدة]

لا إله إلا الله ..

موووضوع جديد وفريد ومميز ..

موضوعك جداً رائع ويعور القلب في نفس الوقت ..

فـ خاطري أشتغل شغلتكم بس تعرف بحكم أني بنية فـ هـ الشغلة بتكون واايد صعبة ..

الصراحة مهنة الطب بشكل عام إنسانية وإنسانية من الخاطر .. وشغلتكم ما في مثلها واايد أحبــها ..

بالتوفيق لكم والله يعطيكم العافية ..

والله يرحم موتنا وموتى كل المسلمين يا رب !

[خطايــا]

الله يرحمه برحمته .. حليله مكتووب ومقدر ...

يعطيك العافيه اخوي معاذ انته والكل اللي كانوا وياك ...

[شمعة أمل]

ألم ترى
ماعندك صور ناس عاشو من حوادث =s

[بنت الدلع]

يالله !

وااايد اشيااا فظييعه شفتها اليوووم من موضوعك
انا قايله مابحدر لان قلبي ضعييييييييييييف مادري شو الي دخلني !
صدق الله يعييينك عاللي تشوفه كل يوم
هالسبب الرئيسي الي شردني من مهنة الطب

يزااك الله الف خير عاللي تسويه
انزين ما اتييكم حالات يعني الميت مبتسم
ولا ويهه منور
وريحته حلوه
باختصار صور اشخاص مايروعون ؟

[ألم ترى]

بسم الله الرحمن الرحيم

,

عيماني
وينك افتقدناك من كم اضافه ؟
العفو شيخي ويزاك الله خير ع الدعاء

رحم الله والديك ع التواصل

هيثم
الله يعافيك وماتشوف شيء يكدرك ف هالدنيا !
غناتي انا ممتن لـ تواصلك واضافاتك ف كل موضوع اطرحه

بارك الله فيك ويزاك كل خير
شكرآ لك ياخوي

,

لي عوده إن شاء الرحمن

[ألم ترى]

بسم الله الرحمن الرحيم

,

الوحيده
الله ع هالشغله هاي !
والله رووووعه وصدق احبها من الخاطر ولله الحمد
وعادي اختي انتي بعد تشتغلين هالشغله !
لئن دبي وغيرها يعينون البنات لـ الحوادث وبتكون مهمتكم لـ النساء
يعني تتعلمين ف الإسعافات الأولية ثم تلتحقين بالمعهد الطبي لـ فتره ثم تردين لـ شغلج الأساسي
واللي ما احبه ف هالشغله لما اصادف واحد اعرفه وهو ميت !
الله كم هالموقف يقطع مصراني من الخاطر والحمدلله ماقد مر عليه الا مره وحده

اسآل الله بأن جعلك سعيد ف الدارين ومايحرمك من اعز ما تملك

خطايا
بارك الرحمن ف حياتج
شكرآ شكرآ ع التواصل اللا محدود من شخصك الكريم
ف انتظار تواصلك دائمآ اختي الكريمة

شكرآ لك

,

لي عوده إن شاء الله

[ألم ترى]

بسم الله الرحمن الرحيم

,

شمعة أمل
ادري ادري معصبه عليه !
اختي في اضافتين لـ ناس مش متوفيين
وحده لـ شخص راسه مطرور والثانيه لـ واحد صبعه مجروح !
واما الصور اكثرهم لـ الوفيات فهنه اقدر اخذ راحتي ف التصوير
ولكن إن كان مصاب فوقتي يكون ف اسعافه بأذن الله مش تصويره
إن شاء الله ف المرات اليايه بحاول اني اصور الأحياء واصاباتهم
واعذريني ياختي إذا الموضوع كدركم

شكرآ لك

بنت الدلع
هلا اختي
ف البدايه اعتذر ع المشاهد اللي ف الموضوع
وسامحيني ياختي

اما بخصوص الوفيات اللي نقدر نسميهم حسن او سوء الخاتمه !
في مره وصل لنا بلاغ بأن هندي مدعوم ع دراجه
وصلنا لـ مكان الحادث وشلينا الريال وتأكدنا بأنه متوفي
عاد انا تميت اجيك ع جسمه واطلع اغراضه اللي ف مخابيه
وانا ارفع ايده اليمين شفت صبح السبابه واقف !
جيكت عليه وعرفت بأنه متشهد والله اعلم
ومره وصل لنا بلاغ بوجود شخص يحتاج لـ نقل لـ المستشفى
وصلنا لـ المكان وكان الريال متوفي وهو هندي مسيحي او هندوسي
ع العموم كانت ريحته خايسه عاد انا ما ادري هل هو رجع او هاي من الله فالعلم عن الله !
عذرآ ع الأطاله وشكرآ ع الأضافه

,

لي عوده إن شاء المولى

[خطايــا]

الله يعينكم والله على هالمناظر اللي تشوفونها ... يعطيكم العافيه ..~

نتريا باقي المواقف ..

[عفاريتووو]

يالله !!
اشياااء فضييعة
صدق شي يقطع القلب .. لا حول و لا قوة الا بالله
الله يرحمهم برحمته

متابعين للموضوع ان شالله
حتى اخواني متابعين بعد ..