السلام عليكم والرحمه
اشحالكم إخواني & خواتي ؟
صارت معي سالفة من يومين
ولين الحينه تمر في بالي ..
ويوم أذكرها أحس بـ قهر & بنفس الوقت أضحك ( لـ وقاحة التصرف )
على غرار ( شر البلية ما يضحك )
المهم ندخل بـ الموضوع
أنا (واعوذ بـ الله من كلمة أنا) أتدرب الحينه بـ مستشفى
عند دكتوره هنديه .. ويانا ممرضتين وحده هنديه & الثانيه فلبينيه
يعني
ولا وحده فيهم ترمس عربي ... إلا الدكتور شوي مكسره عربيتها !!
ويوم ايي حق العياده أي اتصال & المتصل ما يعرف يرمس انجليزي
تطلب مني الممرضه الهنديه إني أرد عـ التلفون ( لأني أرمس عربي ) <----
والدكتور تكون مشغول مع الـ patients
من يومين .. صارت سالفتي
قلت ( ألو ) سمعت صوت يقول ( مررررررحبااااااااا ) اقروها على نفس الحروف اللي زودتها
هني ارتعبت .. سكت شويه ورديت قلت ( أهلين )
قال ( منو ......... ) ذكر اسم الدكتور اللي اتدرب عندها
قلت ( لا )
قال ( انت منو )
اقول في بالي ( هذا شـ يخصه -- رديت عليه أنا متدربه هني )
قال ( اشو اسمج ؟ )
طنشت سؤاله وقلت ( تامرنا بـ شي )
قال ( عندي موعد و ابى حد يشد لي التقويم )
قلت (الحينه دكتوره ...... مشغوله وعندها patient انت تعال بـ موعدك وما يصير إلا الخير)
قال ( إنزين انت شدي تقويمي )
قلت ( ما اقدر لانه بعدني ما تخصصت تقويم وما اشتغلت فيه)
قال ( انزين .. انتِ مركبه تقويم)
بطلت عيوني وحمقت -- وبعدين ويا يعني
قلت ( لا ) ..
قال ( انزين كيف مب مركبه تقويم وتتدربين عند ....... // ما يصير )
الحينه ها شيخصه في التدريب .. هل هو أهبل أو انه يستهبل !!!!
بعدني تحت تأثير صدمه السؤال .... !!
قلت ( ما يخصه .. والسموحه منك نحن مشغولين الحينه وان شا الله المستشفى بيتصلون عليك عقب مع السلامه )
قال ( لحظة لحظة ... )
قلت ( نعم .... !! )
قال ( انزين .. عطيني رقمج ابى أرمس وياج )
جانه حد صاب علي ماي مثلج ....
شكيت بـ عمري .. قلت إني سمعت غلط .. صار شي .... !!! ما ادري شوووو ..... ؟!!!
قلت ( نعم .... !!!)
قال ( هيه .. أبى اتكلم وياج .. عطيني ......!!! )
تميت بـ دون أي كلمه ....
لين قلت ( بيتصلون عليك خلاف - مع السلامه )
هني صديت حق الممرضه .. قلت لها اللي صار & سمعتني الدكتور & وقفت شغلها & صدت صوبي
& قالت لي صدق إنه قال هـ الرمسه ... وهي منصدمه !!
المهم ... يانا عـ المستشفى تقريبا عقب 30 دقيقه أو بـ الكثير عقب 45 دقيقه
& طلعت له الممرضه .. & ردت سكرت الباب & خبرت الدكتوره
قالت لي الدكتور لو رمس وياي بـ اي شي او طلب رقمي او قالج انه رمس وياج عـ التلفون
قولي ( لا .. انا ما رمست مع حد اليوم من تلفون المستشفى ) <--- تباني اجذب
وافقت ...
شرف (معاكس زمانه) & دخل العياده
وقالت له الدكتور نحن من زمان مب شايفينك ... ليش ما تيينا
قال كله مشغول & دوام & ..... الخ
قال .. إنه عنده موعد
قالت له الدكتور نحن مب مسجل عندنا في السيستم إنه عندك موعد
قال وكله ثقه ... ( عندي موعد وياكم من خمس أيام )
الدكتور انصدمت ... تضحك .. تصارخ عليه .. تطرده بره على استهباله ( الصراحه ما ادري ) !!
أنا لو مكانها .. جان فريته من الدريشه
خبرت السالفه حق ماما ..
تمت صاخه ... !! وانا من قهر الموقف يالسه أبتسم
قالت لي انت ليش من اول ما شفتي هزبتيه ..... !!
قلت لها ..
الله يخسه هو أصلا من يانا ودخل العياده عطيته ظهري ما اباه يشوفني مسود الويه
كيف تبيني اجابله وهزبه .. وانزل قيمتي جدام هـ الأشكال ..
قالت هيه صح .. بس لازم يوقفون عند حدهم ... !!
.: استنتاج نفسي واحد من اللي صار :.
لي متى بتم على هـ الحال ... !!
كل ما يصير موقف انقهر منه ما اعرف اتصرف فيه
عقب اقول ليتني سويت جي .. &ليتني قلت جي .. & ليتني .... & ليتني ... & ليتني !!
صدق قهر ... استغفر الله
آخر سمعه واحد يرقم دكتوره !!!
سمعنا عن الترقيم بـ كل مكان ,,,
في المولات في الجمعيات في الشوارع .. وفي النت
لكن في عيادة ومستشفى له اسمه & سمعته ... هذي أول مره اسمعها
رد مع اقتباس
مواقع النشر (المفضلة)