[ صيف اليـاه - فرنسا 2007 ]

[الـيـاه]

سلاام !

كيفكون يا عسل .. ان شاء الله مسيطرين على الوضع تمام ؟
احم
الحمدالله نورت لبلاد بوجودي من عقب سفره جميله .. وبنزل صـور كل بلد في موضوع خاص
عسب مايفتر راسكم لول

[ صيف الـيـــاه 2007 ]

فرنسـا - باريس
بريطانيا - لندن
سويسرا - جنيف
ايطاليا - ميلانو

نبدا بـ فرنسا - باريس وان شاء الله تسانسون وأسفركم بالصـور !

.
.

هني أول يوم في فرنسا كان يطيح مطرررر والجو وايد حلو وبارد - وها حمود يستهبل مب طايع يخوز من تحت
المطر وعقبها مرض



دخيلكم جوفو هالبنايـه .. البنايه اللي تشلق العيون
ترا هاي روحها جي .. انا يلست 5 دقايق أحاول أعدل عيوني هههه عسب اجوفها عدل وراسي عورني
بس عجيبه صح !



وهاي البنايه صدق روعه ..
كلها بهالالوان وماشي فيها درايش .. بس بيبان ومن فوق كله جي ملون - شكلها Funky -



جوفو كيف شكلها روعه لول .. ها يدارها من قريب
يلسو يتصورون اونه باك جرواند لوووول



وهاي البنايه عدالها بس بالازرق - لول اونه مطقمين وياها



وهني يوم كنا سايرين كروز .. جوفو الجو كيف امبين انه روعه فالصـور



اكيد كلكم تعرفونه برج ايفل
ليش كل العالم يجوفونه عود .. بس لحد يغتر مب وااايد واايد عودههههه



لووووول هالصوره إهداء حق ( بنت الهوامير ) هي بتذكر هني شو ستوا فيها هي واخوها هههه
يالله مب مشكله تكبرين وتنسين ديروتي



أخس مكان تغديت فيه تدرون ليـش ؟
لاني اتخرطفت واتفشلت بس الحمدالله محد جاف .. لكن اللي ويايه ألعن ( قطعوووني لين ما قالو بس )



هااااااااااااااك الصرصور اللي يركض بعـيييييييد تبعنا لول



اتقول عيال شوارع



- برج ايفل فليل - يستوي وايد احلى شكله



يااااع هني كانو وصخيييين ولوعة جبد
رادين من الحديقه لااعبين كورة وشكلهم أرففففف - عيال شوارع -
حمود ع اليمين + المرّ ع اليسار




يتبـع
دقيقه ما خلصت

.
.
.

[الـيـاه]

هنـي في ديزنـي .. كان وايد زحمه لازم اوقف في طابور حق اللعبة
ناخذ لفة ونرجع وبعده الطابور نفسه حشى !
فـ قررنا نكمل لفتنا عليها في الايام اليايـه ..



وبعــد





هههه هني قوم بنت الهوامـير واخوها شادين حيلهم يلعبون هاللعبة السخيفه ..
اترشكم مااااااي .. اتسبحو وكل ساعه يردون يلعبون





جوفو حمود شو يسويبه .. هاك مشغول في موبايله
وحمود يضربه وهو يمشي ..



احلى آيس كريم كلته .. صدق يييييييمييييييي وايد وايد لذيـذ وكل حد قام يعزم عمره





لول هاي البيزا سالفتها سالفه .. طلبها هذا الاخ الثاني وقالنا انها بيزا فيها جرجير ودوم يطلبها
لكنا تمينا نجوفه بنص عين انه مايركب بيزا بالجرجير .. بس طلعت احلى بيزا موجوده



هههه هني فالقطار كان وايد - ملللل - وانا متفيجه





حمـود طفران شراتـي



رفلكشن



لول هالصوره غبيه .. منخش بين كرسيين



وبس خلاص
ها اللي اخترته لكم من صـور فرنسـا
ان شاء الله يعيبونكم .. والسموحــه

.
.
.

[ذنـيـنـي]

يا سلااااااااااام على رحلتكم يا الياه
ما شاء الله الصور روعة
و ذكرتيني بأيام حلوة


و اكثر شي عيبني في الموضوع هو الاسكريم
و بيتزا الجرجيير

سانكّ يو Yahoo على الموضوع الظريف و الحلو

[الدلووووعة]

كشخه رحلتكم يالياه ^_^

وحليلهم الصغاريه اسميج ماتصورينهم إلا يوم يكونون مسوين شي خخخخخخخ

عاد احلى صوره مال البنايه والله عيبتني ^_^ وايد

والثانيه اللي تعور العين ^_^

واخر صوره طر خخخخخخ
حليله الياهل ^_^

تسلمين عالموضوع ^_^

ونرقب الاماكن الثانيه ^_^

[قصايد غلا]

الحمدلله على السلالالالامـــــــة اليــ ـاهـ

أهم شي إنج استانستي

الصور واااااااااااايد روعة ، و أحلى شي الآيس كريـــم

لوووول هالبناية الملونة عجيييييبه ، صارقين فكرتي اللي استوحيتها من نعالي "عزكم الله " والله كنت ناويه أصبغ يدار واحد في حجرتي جذه

[خيال الحب]

ياسلاااااااااااااااام على هالصووور الغاويه
عيبتني صورة البناية .. صدق وااااااااو

والحمدلله ع السلامه

ونحن بانتظــار الصووور الباقيـــه ^__^

[ا ل غ ل ا]

كشخة ،، أنا ما صورت وايد السنة ..

حمدلله على السلامة حبوبه

[ايه احبك]

وااااايد حلوه الصور الياه والحمدلله استانستواا في الرحله
عيبتني البنايه الملونه والثانيه اتحريتج لعبه في الصوره لوول
بس بصراحه حبيته بيبي حمودي ييبه صوب قوم ميرا خله يلعوزها شرات ما تلعوزنه النوتيه
سي ياه

[مزايا]

أنورت البلاد بوجودج
وأظلمت لي عدتي مب فيها

ترحيب حــار


أوووه والله اياام فرنســا


هالمبنى واااااااااايد عيبني
صدق الاجــانب عليهم مخ ، ويقدرون يبدعون حتى في مجــال العمــاره
والعرب طل يسون جي




amazin walla



ههههه والله اليلسه على الكراسي
اهون بوايد من اليلسه على الرصيف (كأنه طلاليب خخخ)




ياحليله

[خطايــا]

7emdallah 3al el Salamah sis

wOw niCe pic's maShallah kel el 9war 7elwa

[عذبة الروح]

وعليكم السلام والرحمه

حمد الله على سلامتكم اختي

صور فنانه .. عيشتينا بـ الجو
عيبتني وايد صور بناية الألوان ( أحسها الوان خشبيه موقفه)

حتى الصورة الثانيه من ديزني
شكلها شرى بيت باربي <---- كيوت
وانا سمعت انه حق اللعبه يتريون وايد لين ايي الدور
الله يعينكم :)

مشكوره عـ الصور الغلا
وتسلم يمناج ..
نتريا البقيه اللي في الـ Memory :)
ويا حييج
يسلمووونيشن ياهتنا

[مــهــابه]

يـاســلام . .
شكـلهـا الرحلـه وايد حلـوه ، وحلاتـها الرحلات الجماعيه لـها طعـم ثـــاني . .

اهـم شي أسـتانسـتي يـ اليــاه ، وغيرتي جــو !. . .

وفي أنـتظار بـاجي الصور

دخل خاطريه الأيس كريم:P

[دمعة عين]

الله حيهــــــــم ^.^

باين من الصــور أنه رحلتكم كانت حلوه ..
وأهم شي أنج استانستي فيها ^^

[الـيـاه]

سلاام !

[ ذنـيـنـي ]

هيـه والله وايـد روعه هالسفره وصدق استانسـنـا
لـول والله انـا كنت منصدمـه يوم سمعت انـها بالجرجـير بس كانت حلواه
ووايد رفيعه لذيـذه .. والايس كريـم يمممييييي من الخاطـــر

ويلكم نسسسووور
وثانكس ع الـــــرد


[ الدلوووعــه ]

وايــد كان كاشخااااه - سوينا اللي مايستوي - هههه اتمصخر بس وايـد ضحكـنا
واليهـال دوم مصايـب هنـاك
هيه وايـد فنكيه هالبنايــه .. والا هاي المعـوقه اللي تعـور الـراس لول
الله يسلمج حياتـي ومشكووووره ع الـرد الحلوو


.
.
.

[المزوحي]

الياه .. شكرا لج على نقل الاحداث .. خخخ

أقول لو مابغيتي توقفين في الطابور صوب الالعاب .. جان خذتي تذاكر VIP يخلونج قبل الناس

بس هاااا سعر التذكرة 3 أضعاااف ... وزحمة لأنه عندهم احتفالات ...

بس تم في خاطري الآيس كريم ..