ادخـــلــــوا غـــصــبــا عــنــــكــــم

[ذنـيـنـي]

السلام عليكم و رحمة الله و بركاته

مثل ما نعرف كلنا
الواحات من يوم استوت و هي في حالة خلافات دائمة بين الاعضاء
و وايدين يكرهون بعض و مسوين عداوات ويا بعض لأسباب تافهة جدا

المهم بغيت اذكركم بقول خير المرسلين سيدنا محمد - صلى الله عليه و سلم - (صلوا على رسول الله)

حدثنا ‏ ‏أبو اليمان ‏ ‏أخبرنا ‏ ‏شعيب ‏ ‏عن ‏ ‏الزهري ‏ ‏قال حدثني ‏ ‏أنس بن مالك ‏ ‏رضي الله عنه ‏
‏أن رسول الله ‏ ‏صلى الله عليه وسلم ‏ ‏قال:-
‏ ‏لا تباغضوا ولا تحاسدوا ولا تدابروا وكونوا عباد الله إخوانا ولا يحل لمسلم أن يهجر أخاه فوق ثلاثة أيام


أتمنى من اي حد زعلان من اخوه، او عنده خلاف مع اخوه او اخته بان ينسى هذا الخلاف و يبدأ صفحة يديدة

كلنا اخوان في الواحات
و صدقوني ما في شي يستاهل انه نزعل من بعض عشانه

اخوكم نــاصــــر

[وحي القلم]

ذنيني

مشكور اخويه ^_^

و يزاك الله خير

نحنى محتاجين لمثل هالموضوع في هالفتره

و ان شا الله الأعضاء كلهم يكونون متصافين

.
.

[محد يستاهل]

جزاك الله خيــرا

بس أتــمنــى توصــل هالمعلــومــة لكــل شخــص موجود اهنيــه

[ألم ترى]

[ذنـيـنـي]

وحي القلم

أتمنى انه جميع الاعضاء يتصافحون و ينسون خلافاتهم "الي مالها نهاية"

==========

ألم ترى

أدري انه قلبك طيب و ما تشل في خاطرك على حد
و هالحديث خذناه في المدرسة و نحن "يهال" و حفظناه
لكن للأسف يوم صرنا "كبار" نسيناه مع انه بسيط و واضح وضوح الشمس

[قرموشة]

في كـل مكــان تصير هـ الاشيييياااء ..
وفي كل مكـان وزمـان تحـصـل ناس ما تتفـق مع نااس في الاسلـوب والآراء ~ يعنـي اللي يصيـر ترى وايـد عادي
وبعدين ماعليــك اخويـه ناصـر~ بعـد يومـين بتـبرد السالفــه وبيرد كل شي طبيعـي
كـ العــاده .. !

شكـرآ ع الطـرح

[حبوبه دبي]

يـــزاك الله خيـــــر

.
.

ان شالله بـــس انكــون عـايلــه وحــده !

ومــا نبا نخســر اي عضـو أو عضــوه امبيــنا بسبب خلاف تــافه ..



.
.

[عذبة الروح]

وعليكم السلام والرحمه

دخلنا بـ الغصب ... !!
يا بـ وقته موضوعك يا خوي
وانا كان خاطري اقول هـ الكلمتين اللي اوزنهن بـ الذهب :(

ربي لا اييب عداوه وتبقى الاخوه من بينا
ويصلح بالنا وبالكم .. ويبعد عنا وعنكم كل عداوه ومضره

وربي ..
][ الدنيـــــــا مــــا تســـــــــــوى ][
فيها هموم ومشاكل أكثر عن اللي يصير هني
ونقول طنشوا ولا تشلون بـ خاطركم على حد
ما نعرف متى الواحد يقابل وجه ربه ..
كل اللي نرجيه القلب الابيض والسموحه بين اخوانا وخواتنا

.. ذنيني ..
بارك الله فيك على الكلمات الطيبه
ويرزقك اللي في بالك
قول آمين
والسموحه :(

[مــهــابه]

عـليكم الســلام والرحمة اخويه . . .!

فـعلاً

النوايـا لازم تـتصـافى . . !

وكل واحد لازم يكون اللي فـ قـلبه ع لـسـانه ، ويودر النـفاق . .

مشكور يـا ذنيني ع هالـمبادرة

والحمدلله النـوايــا صــافيـه .. ..

واللي مب مصفي ، غصبن عليه يصفي

[ذنـيـنـي]

محد يستاهل
و اياج ان شاء الله
===========

قرموشة

لا بس الي قاعد يصير ما ينسكت عنه
يعني الين متى بنتم على هالحالة
و مثل ما قلتي في موضوع الاعترافات و قال اخونا خطـّاب
-------------
أعترف انه في مصخرة ومهزلة يالسة تستوي والكل ساكت ..

اعـترف أن : البعض يتغافل عن كلمة ~ الساكت عن الحق شيطان اخرس .. !

--------------------
و انا اقولج
اعترف بأنه يوجد بعض الاعضاء ما تحصلينهم يردون الا اذا في مشاكل و يزيدون الطين بله.
و يتبعون ردود بعض الاعضاء الي ما يعيبونهم عسب يسوون مشكله من (( لا شيء )) معاهم

و هذه مهزلة كلنا ساكتين عنها

لهذا السبب طرحت الموضوع و ان شاء الله يفهمون هالناس معنى الحديث الشريف
و يحاولون انه يتبعون سنة رسول الله في كل شي،، مب بس في الاشياء الي تعيبهم و يتركون الي ما يعيبهم

تحياتي لج اختي قرموشة

[محد يستاهل]

عـليكم الســلام والرحمة اخويه . . .!

فـعلاً

النوايـا لازم تـتصـافى . . !

وكل واحد لازم يكون اللي فـ قـلبه ع لـسـانه ، ويودر النـفاق . .

مشكور يـا ذنيني ع هالـمبادرة

والحمدلله النـوايــا صــافيـه .. ..

واللي مب مصفي ، غصبن عليه يصفي

مــافي شــي غــصــب في هالدنيــا كل واحد يسـوي إلي بإرادتــه

[قرموشة]

هلا اخويـه نــاااصـر

و انا اقولج
اعترف بأنه يوجد بعض الاعضاء ما تحصلينهم يردون الا اذا في مشاكل و يزيدون الطين بله.
و يتبعون ردود بعض الاعضاء الي ما يعيبونهم عسب يسوون مشكله من (( لا شيء )) معاهم
و هذه مهزلة كلنا ساكتين عنها

كـل كـلامـك صحـيح وأنـا ويــاك وهـ الفئـه يطـلق عليهـم ضعـفاء النفـوس ..
لكـن في المــقابـل شي نــاس يـوقـفون مـع الحـق .. وما يسكـتون عن الغــلط وهـذا الصـح بعينـه
===
جميعنـا أعـضاء في منــتـدى واحــد وكـل واحـيد فينــا بغـض النظـر عن البعـض يحطي الأولويه للمصلحـه العامـه .. اذا أنـا شفت الغــلط وسكـت غيري ممكـن ما يسكـت عنـه .. لكـن في المقابـل أتفق وياك في الطـريقـه والاسـلوب .. ونحـاول قدر الامكـان انـه نطـفي النــاار مـب نزيد الحطب ..

لهذا السبب طرحت الموضوع و ان شاء الله يفهمون هالناس معنى الحديث الشريف
و يحاولون انه يتبعون سنة رسول الله في كل شي،، مب بس في الاشياء الي تعيبهم و يتركون الي ما يعيبهم
تحياتي لج اختي قرموشة

والنعــم فيـك يا ناصـر .. وهـذا اللي المـفروض يصيـر وأنـا أدري انـه كـلامـك مـوجـه للكـل مـب لـ شخـص معيـن =)

لك كـل الود والتقـدير

[الماتادور]

الهم صلي وسلم عليه و على اله و صحبه

ذكرتني بأول ايامي في الواحات

ههههههههههههه

موضوع هادف

وتسلم على هالفكره

اخوي هاي سوالف يهال

ومحد يسوي جذه الى الصغاريه

ويوم يكبرون يضحكون على عمارهم

اتمنى من الاخوان انهم يكونو ايد وحده و ماياخذون الامور من النواحدي الجديه

[ايه احبك]

ربي لا اييب عداوه وتبقى الاخوه من بينا
ويصلح بالنا وبالكم .. ويبعد عنا وعنكم كل عداوه ومضره

وربي ..
][ الدنيـــــــا مــــا تســـــــــــوى ][

يسلموووونيششششششش كلامج كله صح الغلا
اللهم امين
اللهم امين
اللهم امين
يوم اقولها 3 مرات يعني قصدتنها

في نقطة قلها ذنيني وصدق وصدق شفتها واستغربت
وصدق حزت في خاطري وايد وايد
اعضاء ما شفتهم بحياتي الواحاتيه اعرف انها مب طويله بس ادخلوا وزده الفتنه ليش انزين
حراام والله حرام
الفتنه اشد من القتل
المفروض نحن البشر نصلح بين بعضنا مب انزيد الطين بله
شو بنجني في النهايه غير الزعل وفرح الشيطان
--
لازم انكبر عقولنا ونخلي الأعتذار على يبهتنا
مب لرخص اعتذرانا لا
لكن لغلا الرضى هالأيام
ادري اني افكر بالسوق لوول
يخربيت الأسهم

ربي يهدينا ويجمعنا على خير ويخلي الأبتسامة دووم على محيانا
نحن مب دايمن لي

[خنفروش]

تسلم الايادي