وعــــــــــــــد!!!!!!

[شمعة أمل]

السـلام علـيكم

هالـموضوع بيكون *أسخف* موضوع شفتوه في حياتكم .. لكنـه اهم موضوع أكتبه لـ*نفسي* في الواحات ورجاءاً يا مشرفين ويالإداره لاتمسحون موضوعي لـسخافته لأني أحتاج وجود هالموضوع في حياتي كـ وعد واعتراف .. وبيكون عندي شهود = الاعضاء.. عشان يصفعوني ويذبحوني وياكلوني حق غداهم لو انا كسـرت هالوعد!


أوعد نفسـي أني مستحيـل أتعرف على وحده من الانترنت مره ثانيـه.. وأقطع علاقتي ويا معظم البنات الى اعرفهم بواسطة الانترنت!

عبالي شفت كل شي قبل سنتـين .. لكن اليوم .. استغفرالله وين الحيا والمستحى >_< .. استغفرالله.. الحمدالله على وجود شي اسمه ناطور وجلب في حياتي >_< ..صح انه الشي ماستوالي انا بالذات .. لكن استغفرالللللللللللللللللل ه بنااات هالزمن ويهم لوووووووووووووووح

الله يحفظني ويحفظ خواتي وبنات اهلنا وامي وابويه ويدوه واعمامي وحريمهم وعماتي وعيالهم وربيعاتي من هالساااايككوووووووووووووو ووووووووززززززززززززززز!


يععععع استغفرالله!

ضغطي ارتفع >_<

[وحي القلم]

موضوعج غريب شويه يا شمعة أمل

بس بعد الانترنت بروحه عالم تصادفين فيه كل الأشكال

و يمكن تتعرفين فيه على ناس .. تنصدمين بهم عقب ما تعرفينهم شخصيا

عشان جيه لازم ننتبه لعلاقاتنا الانترنتيه اللى المفروض انها تكون بحدود عن نبتلش بعدين

.
.

[حبوبه دبي]

هممم !!

بــس مب اصـابع ايدج سـوا !

الــواحد بس يتحذر من هـالصداقات ،،

الله يعيــنج بــس يا شمعـة !

وربــي يبعـد عن هالأشكااااال ..

.
.

[خيال الحب]

والله احســـن لج ..

[قرموشة]

good 4 U sham3t amal
مـن البدايــه كنتـي المـفروض تختــارين صحبتــج وتتنقينـهـم بحـذر . . الحمدلله عرفتـي الصح مـن الغلط
وترا النــاس مـب سواسيه .. مـنهم الشين ومنـهـم الزين ..
=)

[شمعة أمل]

للعلم انا وقفت اتعرف على ناس من النت من العام لكن استغفرالله شي ناااااااااااااس سااااايكوووووووزززززززززز زززز

الله يعطي الاغبيا منهم العقل والسايكوووز منهم تذكره مجانيه لـ مستشفى الأمل!!!!!!!!

[مــهــابه]

شمـعة أمل :
الحيــاه تـعلم ! . .
يـامـا أنـصدمنـا ب نــاس . .
وصـادقـنا نـاس مافي أحســن مـنهم . . !

وهالـشي درس لـج ، وأكيد اتعـلمتي مـنه

الله يبـعد هالأشكــال عن الجميــع :)

[شمعة أمل]

وحي القلم
من بين 10 يمكن وحده زينه =) ولا بعد يمكن من بين 100 >_<
لكن مثل ماقلت انا ماباااااا اتعرف على حد .. عقب الى شفته اليوم .. ومثل ماقلتلكم هالشي مايخصني انا directly لكن يخصني .. استغفرالله.. ناس مب طبيعين

حبوبه دبي
مابتحذر لاني خلاص مسحت شي اسمه ربع نت من حياتي >_< للأبد!

خيال الحب
ليشش مب رد كلحد مثل ردك .. صح لسانك p=

قرمووشه
مب ربعي عشان اختارهم .. لكن المهم انه هالشي مستحيييييييل اسويييييييه من عقب الى شفته اليوم

مهابه
أصلـن .. في الاخيـر .. كل صداقه انترنتيه تبدا بـ جذب =)

[عذبة الروح]

وعليكم السلام والرحمه

الحمد الله على كل حال
المهم انه تعلمتي من اللي صار .. & علمتينا وياج :)
ربي يبعد عنا & عنكم كل شر & مضره

الأهم .. ما ننسى // ايي اليوم نأمن لـ ناس ما نعرف عنهم شي
ربي يحميج & يصونج اختي

[تحفه]

الباب الي تدخل منه الريح ... سده واستريح

[الهيثــم]

الله يعيـــنج عليــهم ...

وعليج بالأختيــار الصـح من البــدايـة

وزيــن انه ما استــوى شي ... والحمدلله انج عرفتي صديــقج من عدوج

[ايه احبك]

لوووول
أحلى وعد يا شمعة بس مب جنه متأخر
انا من عرفت النت وكانت ذيج الفتره عمري 13 سنه ولين يومج هذا ما تعمقت في اي علاقه مع بنت من النت لني بصراحة أخاف من هالنوع من العلاقات لوول
مب من شي واقدم اعتذراي و احترامي لكل عضوه في النت سواء في الواحات او من خارجها
لنه اصابعج مب شرات بعض وعالم النت عالم مجهول ويخوف اكثر من ما انه أمن
فا انا اسفه اذا ما عطيت وحده رقمي ولا حتى ايميلي مب اهينها لا والله الله العالم شكثر احب الكل
بس عالم النت عالم ثاني بعيد عن عالمي الشخصي

يا شمعه قرارج او وعدج هذا مهما كان متأخر المهم انج قطعتيه على نفسج
يا بنات انتبهوا على عمركم احموا عمركم حتى من نفسكم
لنه قبل اي شي نحن سمعه
وربي يحفظج

[الجنيه]

اخير لج حبوبه بس المفروض منج من الاول تتحذرين في الاختيار *_*

الله يبعد عنج السايكوز

[أتمنى]

ربي يوفقك

.
.

[مزايا]

بإختصــار عالم النت يخوّف أكثر من الواقع اللي برع النت
ونظرتنا للاشخاص اللي فالشبكه العنكبوتيه دوم تكون عليها غشــاوه
ومانشوف الزين من الشين او الصح من الغلط ،
وعشـان نتجنب اللي بيصير بعدين ، فالافضــل نبتعد عن اي علاقه ناتجه عن النت
لانها يوم من الايــام بتسوي مشكله ، حتى لو عقب 10 سنين
شمعة أمل كوني قد وعدج ولاتغيرين رايج فلحظه ضعف
و على فكره انا هالوعد ماخذتنه على نفسي من زمــان
عشـان جيه لين الحين ماضفت ولا وحده عندي من الواحات على المسن ، اللهم رسايل خاصه
ومابتطور أكثر عن جيه بعد