تجمع أعضاء الواحات قبل رمضان

[الماتادور]

الحين كملنا 3 ايام و ماشفنا شي

...الردود اغلبيتها من البنات و الشباب الي ردوا قالوا تلتقون على خير

نبا حماس

وينكم ياشباب الواحات

[مايهزك ريح]

مرحبا الماتادور .. الشباب مسافرين .. والباقين دوام .. وشغل وكراف ..
ما شي وقت الواحد يحج راسه ..
والويكند محجوز للطلعات ويا الأهل ..
الأسبوع اللي طاف سرنا الجبل الأخضر ..
وهالأسبوع يبون يسيرون الفجيره ..

نحنا ما نتيمع إلا في الويكند .. عشان جيه احسبه صعب ..
واذا ما كنا مخططين لطلعه ..
اخويه كل خميس تقريبا يتيمع ويا ربعه في البر وانا اسير وياهم وازقر ربعي بعد ..
وكل مره انسير مكان ..
فما اقدر اوعدك اني ايي .. لأنه في دقيقه كل شي يتغير ..

والسموحة منك

[الماتادور]

افا

الغالي ....انت اقترح علينا و حاول

احنا بعدنا ماقررنا

بس نبي اقتراحات الاعضاء لليوم و التاريخ و الساعه و المكان

بس جنه السالفه يت في وقت غلط

او الي كتب الموضوع انسان غير مرحب فيه

على العموم باجي 3او 4 ايام و نكمل اسبوع

وبنشوف عقبها

[ذنـيـنـي]

انزين اخوي الماتادور مجرد اقتراح
شو رايك لو نخلي التجمع في رمضان
و يكون في نص الاسبوع و خاصة انه في رمضان الواحد تقل ارتباطاته
بيكونون الربع ردوا من اسفارهم
و اغلبنا نقدر نسهر الى وقت متاخر حتى في ايام الدوام
طبعا مجرد اقتراح

[مايهزك ريح]

اقتراح حلو ذنيني ..

افا الماتادور منو قال انك شخص غير مرحب فيه .. ما اطيع يا الغالي ..

ان شاء الله بيي وبسحب اخويه ويايه بعد ..

[إسهر معي ليله]

والله مادري ياخوي.. انا انسان ما اقدر اوعدكم بشي

انتوا اذا قررتوا خبرونا وبنشوف اذا قدرنا اني او لاء

والسموحه منكم

[بحر الموده]

السلام عليكم ورحمة الله وبركاته

اخوى الماتدور شكراً جزيلاً اخوى على الدعوه

طال عمرك موضوعك فى محله وانا خارج المعموره واتمنى من الكل يوم يرجع بالسلامه ان شاء الله

تلتقون على خير وانا مااقدر اخاابرك انه موجود وبيي ... لانه كل ايامى شغل فى شغل صبح عصر كراف ...والسموحه

[الاسطوري]

السلام عليكم ..

من ناحيتي مابى أقولكم بحضر وعقب أنشغل فـ عشان جيه مارديت وقلت بعدما تتفقون
على العدد والمكان والزمان بشوف وبرد عليكم وشكرا
على الدعوة اخوي


الاســـطـــوري
أخوكم

[ألم ترى]

بسم الله الرحمن الرحيم ..

هلا اخواني ..

دام إن الروؤس النوويه مش موجوده ضاع مستقبلك يالماتادور ! ..

انزييييين ليش ما تحددون زمن ومكان ووقت ثاني تلتقون فيه ..

يعني ع سبيل المثال إن اكثر الأعضاء مشغولين صح ؟ ..

دامكم مشغولين حددوا وقت ثاني لجل صاحب الموضوع يرد يطرح موضوع ثاني عن اللقاء ..

واحد مني ما بتواصل معاكم ف اللقاء ومن الله اطلب بأن تلتقون ع خير ..

[المقاتل]

مرحبا بالشباب . .سلام عليكم ورحمة الله وبركاته .

ما عليك يالماتدور إن شاء الله ليش لا ؟ بس حاليــا أنا فالخــــارج . . لو تخلي اليمعه في رمضان إن شاء الله بكون إحسن . . أعتقــــد الأغلبيه بتكون متواجده مثل ما تفضل أخوي نصوركــاااا ( راعي السوشي ) . . وبنسير إنفطركم سوشي .. !! هيهيهي .. لا سوالف عمي . . بس أنا أقترح إتخلي الموعــد في رمضان لأن العرب مسافريــن . . هذا الاقتراح بالنسبه للوقت والمكان إن شاء الله يكون في دبي !! ولا على كيفكم مجرد إقتراح لول .

وأشكركـ على الدعوه وأقــول أنا بيي إذا كان الموعــد في رمضان وماصار لي ظرف . . هذا وتقبّل مروري . . يالله يا شباب شورايكم ؟؟

[المقاتل]

نصيحتي لكـ يالماتدور حدد الوقـت والمكــان . . حزتها بتشوف النتيجه !!

وع فكره منو قال إنك شخص مش مرحب بتنضرب ترا . . خخخ ( سوالف ) !!

[الهيثــم]

للأمـــام ســـر ، ونحـــن خلــفك يا الماتــادور

حــدد الموعد والمكـــان .. وإذا قـدرت تأكد اني اول الحـاضرين

[خيال الحب]

تلتــقون علــى خيير ان شاء الله :)


وهالله هالله بالحش

[مسافرللجفا]

السلام عليكم و الرحمة ،،

الماتدور ،
يا هلا بها الطله ،

فديت خشمك احيد كم مره جفتك من بعيد بس انت ما جفتني ، ولا يمكن ما عرفتني ،،


انتوا اتفقوا وانا اذا كنت موجود ان شاء الله بكون متواجد وياكم ( بحاااول بس مب اكيد )

لانه طول الاسبوع اكون ف الكليه واطلع في الويك اند ،


لو اتخلونه في اي اجازه طويله اتي ايكون احسن
اجازة العيد او ف رمضان ،،


السموحة ،،

[سفير الخيال]

السلام عليكم

مرحبا الغااالي

والله ودي تاريخ 30 بس المشكله إن عندي موعد أسنان في بوظبي العصر فما أعتقد إني أقدر..

بس أنا ويا الشباب لو في رمضان أحسن وأنا ما أقدر أوعدكم لأني يمكن أسافر بس الين الحين ما أعرف بس بإذن الله بحاول,, ما بوعدكم نفس قبل وعقب انشغل وما أيي


وإن شاء الله نلتقي لأن في خاطري أشوفكم واحد واحد