لوحه تكعيبيـه جديده (^_^)

[عمة العيم]

بسم الله الرحمن الرحيم


هذه لوحه تكعيبيه بالالوان الزيتيه
تخيلت انا شكل العيوز بهالشكل

هذه هي الصوره اللي شفتها



و تخيلتها بهالشكل و رسمتها






استخدمت في البرقع الاوراق الذهبيه
Golden paper

شـــو الـــراي؟؟


(^_^)
...

[عذبة الروح]

السلام عليكم والرحمه

ما شا الله عليج
راينا ثره شويه على هـ الفن

تخيلج فن اختي .. وتوفقتي بـ الطريقه
عن نفسي اول مره اشوف هـ الأسلوب بـ الرسم
واكثر شي عيبني فيه انسيابيه الريشه وحركتها السريعه
خاصه عند نهايات لــ ][ الوقايه ][ & الخلفية

تسلم يمناج اختي
وربي يعطيج العافيه
ولا يحرمنا من هـ الإبداع
يسلمووونيشن عمتنا

[مايهزك ريح]

ما شاء الله عليج عموه .. مبدعة كما عهدناك
تسلم ايديج على هالرسمة الحلوه ..

[عمة العيم]

الله يسلمكم

(^_^)
...

[ايه احبك]

عموووووه هاي اليده صارت بنيه غاويه XP
ما شالله عليج وايد حلوه الفكره الرسمة اروع ما شالله عليج

[قرموشة]

^
هههه صدقـهـا ايـه أحـبــك
ماشاء الله عليـج عمــوووه بصـراحـه رووعـه !
تسـلم يمنـاااج على هـذا الفـن الراقـي ..

[مجموعة إنسان]

ماقدر اقول غير
ما شاء الله عليج عمووووو

[أمطار]

يـــاللــــه!
عجييييييييييييييييييبــــ ـة!!


أبااااا أتعلّم هالفن،،
ما شاااء الله عليــــــــج عمووووتناا . . .!


خاطري أشوف الفرش اللي تستخدمينهنـ ..
أكيـــد فيهن شي سحري ..


تسلم الأنامل اللي اتحفتناا بهاللوحـة. .


كل الــــودّ . . .
أمطار

[عمة العيم]

تسلمـــون

هههههه امطار...الفراشي مافيها سحر لكن الطريقه اللي ترسمين فيها يبالها سحر فديتج

الله يسلمكم

(^_^)
...

[المحاق المشتعل]

السلام عليكم ورحمة الله وبركاته

يا سلام عليج عمو شو الابداع

شو هالفن الراقي

وايد عيبني اسلوبج في اختيار الفكرة والاداء

واحسبها فكرة من الافكار اليديده إلي اطيح في هاي الايام في بلادنا

احساسج في اللوحه جميل وايد

ومعبر وايد ماشالله تبارك الله

تعجز اناملي وكل الانامل كتابة كلمة شكر تستحقها هاي الفنانه

على هالابداع والفن البديع

عمو عندي ملاحظه وهي وجهة نظر ليست إلا

ماعرف ما جد جربت بس انا لي في اللون الذهبي والفضي

بالمادة السائله ( صبغ ) مب مثل الاوراق إلي استخدمتيها

لكن

احس لو انج ما ضغطتي على اللون الذهبي وايد في اللوحة

يمكن يكون البرقع أكثر واقعيه واكثر انسجاماً على اللوحة ( مجرد وجهة نظر )

واهم شي تستغلين التعرجات اللونيه على اللوحه لوضع اللون الذهبي

وبجد من الاعماق احيييج على هالفن



خالص التقدير

محاق

[عمة العيم]

تسلم محاقنا

هذه شهاده اعتز فيها

لكن مافهمت عليك عدل يوم رمست عن اللون الذهبي و الفضي

لو توضح لي اكثر

على فككره اللوحه ماخلصتها عدل يعني بعدها

بس حبيت احطها عسب اسعف الواحه عن الاختناق

كسرت لي خاطر يالواحه مول مافيها حيويه و نشاط

(^_^)
....

[جنون امرأة]

جد شي رهـيـيـيـب ..

ما شاء الله عليج فنانه ..

[عمة العيم]

تسلمين جنون

(^_^)
...

[المحاق المشتعل]

عمو

إلي قصدته

يوم اتراكمين الالوان في اللوحه

تستوي اللوحة بسطح متعرج مب املس

وهالشي تقدرين تستغلينه بطريقه حلوة

وهاي الطريقة تكون كالتالي :-

اتيبين الورقة الذهبية هاذي

وتفركينها بدون ضغط على المكان إلي تبينه

وبما ان اللوحة بتكون الطبقات اللونيه فيها على بعض ( فيها تعرج )

بتصبغ في اماكن عالخفيف واماكن لا ( لأنج ما ضغطتي على اللورقة اللذهبية في اللوحة )

وهالشي بيعطيج احساس آخر ( يبالج اتجربينه )

اذا مافهمتيه قوليلي عشان ازقرلج انامل قلب اتكفخج اشويه

[عمة العيم]

كله ولا انامل

يقولون اناملها كبااااااار ...عز الله بتهنا في جمالي

مابغي اشوه جمالي لأ انا آسفه وراي عيال وراي ريل خخخخخخ

انزين فهمت عليك

بيني و بينك انا رتبت الرسمه اكثر و بغير الصوره بحط لكم الصوره اليديده

و اشكرك محاقنا على الاهتمام

عاد طوف صوبنا اكثر من متى عاد انا راده و اتريا ردك

(^_^)
...