[ واحتـي الخـاصـة ]

[صريح]

احاسيس و مشاعر


الحزن
شي من الصعب الواحد فينا يستحملها، حتى اللي قلبه قاسي
ممكن يوصل لمرحله انه يضعف جدام الحزن و ينكسر
بالفعل الحزن اصعب شي ممكن يمر على الانسان بشكل عام
يوم الواحد يحس انه قلبه يتقطع و تسّود من حوالينه الدنيا
ما يعرف وين يحط راسه.

ما يعرف لمن يشكي حزنه،
يدور شخص يفضفضه و يطلع اللي بصدره عسب يرتاح

ولكن !
حتى لو لقى شخص يفضفض له ما بيقدر
يطلع كل اللي يدور بخاطره
و السبب ممكن يكون الكبرياء


صعب علينا بسبب كبريائنا انه نخلي الناس
يشوفون دموعنا مهما كانو قراب منا
و لهذا السبب تتراكم الاحزان فوق بعضها البعض
و التأثير يكون على المدى البعيد صعب


اذا اسأل اي شخص شو اسعد لحظات حياتك ؟
بيذكر لك موقف ولا ثنيين و لا بيكتفي بـ "وااايد بس ما اذكرهن"
و اذا اسألته عن لحظات الحزن ؟
و بيعطيك لسته طوويله عن اغلب لحظات الحزن
ويا الاحداث و الاسباب و النتايج كأنها صايره البارحه

ليـش ما ننسى لحظات الحزن مع انه ندري
يوم بنذكرها بعدين ممكن نتضايج منها ؟!


كلنا نمر بمواقف حزينه، متعبه، صعبه
ولكن نعيش ببتسامه على وجوهنا
فقد يكون الغد اكثر اشراقا و فرح

و الله يبعد الحزن و الهم عنكم

[قصايد غلا]

متابعة لكل كلمة

=)

[ا ل غ ل ا]

ههههههههههههههه ،، مب محمد يزقرونه بوجاسم ؟

=====================================

عيبني هالبارت وايد من الفضفضة الصريحة ..
همممممممم ،، عندي وحدة من ربعي مستحيل كبريائها يسمحلها تقول شو اللي مضايقنها أو شو في خاطرها ..
وبصراحة أحس هالشي ممكن يكون من تربية الأنسان نفسه ،، يمكن في بيتهم من الضعف أنه الواحد يصيح أويأثر عليه الزعل ..
أنا بالنسبة لي وقت ما يكون في شي مضايجني واااااااايد يبين عليه وفي ثواني القراب مني يكتشفون هالشي

بس إذا قدرت ما أبين الحزن ،، يتراكم هالشي ،، وممكن أحس بحزن بدون أي سبب ،، وهالشي يعود للأيام اللي تضايجت فيها ولا قلت لحد..

===========================

على النقطة الثانية ,, اللي هي نذكر مواقف الحزن ..
أقدر أخالفك شوي في هالنقطة أخوي صريح ..
أنا بالنسبة لي شخصيا ،، لو تشوفني مثلا مضايقة من شخص أو موقف حصل معاه ،، ممكن أكون صدق متضايجة بس يوم إي يسألني عطيني مثال أو قوليلي متى صار هالشي ،، أستوي completely blank ,, لكن لو شي مسعدني أو موقف حلو أذكره بأدق تفاصيله..
الحمدلله على هالنعمة ..
تسلم ونرقب زود من جداك ،، متااااااااااابعيييييييين

[خنفروش]

الحزن من المشاعر العميقة في النفس .. يعني منبع الحزن و حتى " مخزن " الحزن يكون في منطقه عميقه في القلب أو في النفس .. و الحزن من المشاعر رغم عمقه إلا إن فيه خاصية الخفة " يعني بكلمه ممكن يظهر الحزن الدفين و بموقف يتفجر ..

أحيانا ً الحزن من قوته .. يضرب العقل .. و أحيانا تكون و طأته أخف فيتسبب بالهستريا .. و أحيانا يكون حزن طبيعي و أحيانا حزن مرتبك .. و حزن يقوده العقل .. حزن يضرب العين و حزن يلجم الفم ..

و الحزن لونه واحد لايمكن يتغير الحزن أسود (( بدون درجات )) أسود عند الأعمى و المبصر و عند حاد البصر أو عديم النظر


و الحزن درجات في كل قلب .. بس مب كل حزن مر على كل قلب ..
و كل قلب يظن أن حزنه أعمق و مؤلم أكثر من أي حزن ثاني ..

حزن عن حزن يفرق ..

الحزن له يد .. تعصر القلب .. وكف تلطم الخد .. و له رداء يغطي الوقت .. الحزن ممكن يكون له طغيان .. و فوران .. و عنفوان .. و له إنسحاب و هروب .. مثل ماله شروق له غروب


إلا أننا في الأخير .. نسمع من يهمس .. لنا مذكرا ً .. ما أصابك لم يكن ليخطئك .. و ما أخطأك لم يكن ليصيبك .....

و أعلم أن الأمة لو أجتمعت على أن ينفعوك بشيء لن ينفعوك إلا بشيء قد كتبه الله لك ....


إن العين لتدمع و إن القلب ليحزن .. ولا نقول إلا ما يرضي الرب ..


إنا على فراقك ِ يا أماه لمحزونون


الله يسامحك يا صريح
الله يسامحج يا مهـــابه

[شوق القلوب]

.
.

اللي ما يعرفك يا صريح.... ما يثمنك..!

.
.

:)