الحيـاه مثل الكتـاب الكبير، فيه فصول وصفحات
و طبعا بختلاف عمر كل انسان تختلف عدد صفحات كتابه

بعد ما ينولد اي طفل تبدأ وياه الحياه ، يحاول يجاريها و هي تجاريه
مرحلة ور مرحلة يبدأ الطفل يتجلب في فراشه و عقب يحبوا و بعدها يمشي و يدخل المدرسه
و يتم فيها سنيـن يتعلم اشيـاء كثيره سواء كانت صالحه ولا طالحه، تجارب
محادثات، افكار، مشاريع، صداقات.

تبدأ شخصية كل انسان تنبني بالمواقف و الاحداث
اللي مرت عليه و عايشها، ممكن تكون شخصية انطوائيه
ولا شخصية اجتماعية، او شخصية تجمع بين الصفتين

عجلة الحيـاة مستمره بالدوران
كبرنا و تخرجنا من المدرسة
بعضنا بتفوق و باجتهاد و بعضنا الأخر بلا مبالاه
و بأقل جهد ممكن و النوع الاخير اللي يكون "ع البركه"

نطلع من عالم المدرسة اللي يكون في نظرنا عالم كبير جدا
و ندخل الى عالم الجامعه و نكتشف كيف انه عالم المدرسة صغير
اذا قارناه ويا العالم اليديد اللي دخلناه.

تفكيرنا يبدأ يتغير، اسلوبنا فالتعامل يختلف، مشاعرنا تنضج
كل شخص يفتح صفحة من كتاب حياته و يبدأ برسم حلمه المستقبلي
و فجأه بعد ما نتخرج من الجامعة نوقف و ناخذ نظره للماضي،
نراجع الكتاب من اوله لين لحظه التخرج و من بعدها نسـأل هذا السؤال

بعد كل هالسنيــن شو الهدف اللي لازم احققه فالمستقبل ؟؟!


هل اسعاد الاهل و شووفه الفرحه في عيونهم هو السبب ؟
هل الشغل و الحصـول على منصب هو الهدف اللي خلاني اتخرج ؟
هل رضى النفس او الذات هو السبب ؟




و للحديـث بقيـة ..


7 - 8 - 2007