[ ذنيني vs عذبة الروح ] في { الجوله الاخيره }

[مسافرللجفا]

بسـم الله الرحمــن الرحـيــم

تنطلق اليوم



وهـي الجوله الاخيره من مسابقة ميدان الواحات
وسوف يتوج بعدها الفائز و بطل ميدان الواحات لسنة 2007 ..

الجوله الاخيره عباره عن انشاء مجله خاصه عن الشيخ محمد بن راشد و عن مدينه دبي ..



ذنيـني vs عذبة الروح

شـروط المـسابقــة :-

- انشاء مجله عن الشيخ محمد و دبي فقط ،،

- الحريه في تحديد الفقرات ،،

- استخدام الصورة الفائزة في مسابقة كيمرة الميدان (هنا) و التصميم الفائز في مسابقة تصميم الميدان (هنا)

- ارسال المجله لمقدمي البرنامج قبل تاريخ 6 / 8
.
.



للعــلم

- أيــام التصـويـت كـ التـالي : 7 ، 8 -2007
- اعلان الفائـز وبطل الميدان تاريـخ : 9-8-2007



جمـيع الحـقوق محـفوظــه لـ مـسافـر للجـفا , قرمـوشـة

برعايـة

مقدم البرنامج : مسافـرللجفا

مقدمه البرنامج : قرمـوشة

[عذبة الروح]

السلام عليكم والرحمه

اول مره أعرف انه في جوله ثالثه !
ويييليييي .... الحينه انا ويا ذنيني !!!!
ما حصلتواغيره اتنافس وياه ... <---- والله اني مب قدك

المهم بغيت أسأل سؤال لو ممكن
شو المقصود بـ (مجلة)
فهمت انه تكون خاصه بـ دبي & بو راشد
لكن شو تحتوي .. ما فهمت ؟!
صور مقالات تصاميم <---- بليز أبى توضيح

[ذنـيـنـي]

هااااااااااااااا

ياهي وهققققه لول
بينغسل شراعي اليوم،،، عذبة الروح مبروك عليج الفوز لول

الحين هالمجلة كييييف بسويها و انا ما اعرف حق الفوتوشوب !!
اوكي بحاول اسوي شي بس احس اني بخسر جدامها لأنها ما شاء الله عليها خبيره بهالسوالف...

مسافر الفكره تراها مش واضحة
اتمنى لو توضحونها اكثر من جي

[قرموشة]

مـســافـر للجـفا محد وأنـا بنـوب عنــه

المجـلـه ممكـن انهـا تحتـوي عــلى
- مقــالات عـن الشيـخ محمـد بـن راشــد
- مقــالات عـن دبي والتطـور الحـاصـل فيـهـا
- تتكـلمـون عـن كتاب رؤيتـي للشيــخ محمـد بـن راشـد اذا رمتـوا
- صـور عـن دبي ~ أو تصامـيم مختلـفه
-صـور للشيـخ محمـد بـن راشــد
- أي شي مـن تنظيـمكـم ( احـصـائيـات ~ مقابـلات .. الخ في الواحــات بخـصوص دبي أو الشيـخ محمـد بـن راشـد )

المجـالات كثـيره بالنسبـه لكـم وانتـو اختــاروا اللي تـرومـون عليــه

والمجـلـه لازم تكـون جـذابـه وتلفــت أكـبر عدد مـن الاعـضاء ومـواضيعهـا تنطـرح بشكـل مـشوق
وملفــت عـشان تحـصـلون أكـثـر عـدد مـن الردود والاصـوات ..
وبالنـسبــه لـك يــا ذنـيني بسهـل الامـر عليــك .. فـ مـن الـممكــن انك تستعـين بحـد مـن الاعـضاء يساعـدك في اعداد التـصامـيم فقــط لو حـبيت كــون معرفتـك بالفوتوشـوب على حـسب قـولك مـب ذاك الــزود ..

تمنــيـاتـي لكــم بالتوفيــج
واذا في أي شي ثانـي تـرانـي مـوجـوده

[مــهــابه]

^
لـيش ماتخلـونهم يـكتبون مقـالات ، من كـتابـتهم وجيــه

أحلى من الكوبي ولا؟
ومثلاً صور من تـصويرهم ، او تصاميم من تـصاميمهم

تـرى ناصر شـاطر فـ التصوير ، وعذبـة فـ الـتصاميم

بيـكون للمجلـة ذاتـيه أكثر

اقـتراح لا أكثر ولا أقل

[قرموشة]

^

بعـد حـلو كلامـج يا مهــابــه =) لكـم الحريــه

[ايه احبك]

يا سلام يا سلام المبدعين بيطلعون لنا بشي ^_^ يالله نتريا
الحمدلله ما فزت XP لوول

[بنوتة جميرا]

بالتوفيق...
بانتظار المجله الفايزة
واكيد كل مجله بيكون فيها ابداع مختلف
لان ذنيني وعذبه الروح مبدعين ما شاء الله عليهم

[عذبة الروح]

مهوبه فديت روحج ...
انا ما اعرف شي بـ دبي الا برج العرب !!! D:
هذي اللي اشوفها من العيد للعيد <--- مب لـ هـ الدرجه
لكن صدق انا ما اعرف عن دبي وايد عسب اكتب عنها مقالات من بنات أفكاري !!
أو إني أسير واصور .. زين مني لو صورت بوظبي :(

[ذنـيـنـي]

عذبة الروح

انا من البارحة عاصر مخي و مب قادر اطلع فكره للموضوع
الحين نبغي الكلام النهائي منكم

لازم هالتوبك ولا نسوي شي على راحتنا
تراني مضيـّع و مب عارف شو السالفة

و الموضوع الي حاطينه بصراحة مب داش مزاجي و مب قادر اطلعله افكار

[مسافرللجفا]

- الحريه في تحديد الفقرات ،،

ليش امعورين راسكم هالكثر ، الفكره جدا بسيطه ..

وايد مجلات انطرحت في الواحات ،، اظن الطريقة واضحه ،، كأي مجله انطرحت قبل فتره .. بتحصلونها ف الواحات ،،

اما عن المضمون ، فمن شروط المسابقة الحريه في اختيار الفقرات بشرط انها تكون عن الشيخ محمد و دبي ،، يعني عطيناكم الحريه ، ( ابا اجوف ذنيني شو الي يروم عليه وابا اجوف عذبه الروح شو الي تقدر عليه ) عسب اقدر اعلن ف الواحات و اقول واحد فيكم بطل الميدان .

ولا ما يستوي انا اقولكم سيروا اكتبوا جي و صممولي هاي البطاقة او صورولي المنظر الفلاني ..

ابا شي من تفكيركم و ابداعكم ..

كل واحد و الافكار الي عنده

يعني لكم الحريه في اختيار الفقرات ..


يمكن واحد فيكم يبتكر فكره احلى عن الثاني ، ويجذب الاعضاء و يحصل اكثر الاصوات ،،

ويكون بطل و مبدع ..،

لا ادوخون اعماركم وايد و خذوا راحتكم في الانشاء ، نبا شي مبتكر ، و عن طريقه المجله معروفه كغيرها من المجلات الي تنعرض حاليا ف الواحات ..


اي شي ثاني ..؟
انا حاظر
و اسمحولي ع التأخير..

[مسافرللجفا]

ذنيني ..

قرموشه ما قصرت ووضحت لكم بعض الافكار الي تقدرون تطرحونها في المجله ،،
ومب شرط كل الي قالته اتحطونه ، تقدرون اتضيفون اشيا من عندكم ،،

شو الي مب داش مراجك ، اظن ما في اسهل عن موضوع دبي و الشيخ محمد ..

[عذبة الروح]

خلاص انا من أمس بديت أجمع واشتغل
اخويه ذنيني .. عندك الجرايد والمجلات الالكترونيه والمواقع ما تقصر <--- يالسه اغشش
والحمد الله ... لقيت وايد
الحينه محتاره فـ سالفة الترتيب !!!

الله يوفقك اخويه .. وشد الهمه :)
ترى بدى العد التنازلي .. ما شي وقت

[مسافرللجفا]

نـايس ،

ما بغشش لكن اقولج بجانب كل شي اهتمي بالترتيب ايضا ، لانه يجذب اكثر ..

يمكن ما كنتي تعرفين وايد عن دبي قبل ، وان شاء الله بعد هاي المسابقة تتعرفين عليها اكثر ،،

وهذا هدفنا ،،

ذنيني

خبرتك ف دبي مب اشوي ،
لا تتحجج وايد


واذا تحتاج اي مساعدات خفيفة ( كـ التصاميم او ما شابه ) تقدر تستعين بأي حد ..
بس مب المجله بكبرها

ابا شغلك انت ..

[حبوبه دبي]

يالله نتـــرقب الابدااااع منــكم



شــد الهمــٌه يـا ذنيــــني
لا تنـــسى اتضيــف فـ المجلــه شــي من تصــويرك وعطها لمســة منك انتــه .. مــاله داعي تصميــم



.
.