جوهوره حبيبتي لا تكرهين عمرج حشه ما يسوى عليج
ههههه^^.
انا شراتج بضبط انسانه غيوره وانانيه وباقي الصفات الي ذكرتيها فيني بعد
بس في الخارج اساسا انا غير لني شراتج ابي التميز والمديح وحب البروز
عادي هالشي نحن ما نأذي احد بس نأذي عمرنا لنا اصلا ناكل عمرنا اذا ما ستوى الي بيغنا
حب لفت النظره ها طبيعي ما نبي حد يجاهلنا او يجاهل وجودنا عكس كثير من الناس الي يطوف من جدامج وما تحسين فيه
انا بقولج شقايل عالجة بعض من هي الصفات الي في دخلي
اجبرت نفسي اني ما افكر في الأنانيه بس افكر في طريقه اني اشارك الشي الي احب امتلكه مع غيري
اجبر نفسي اذا غرت من الشخص اقوله عن شي انا ابي امتلكه عشان هو يمتلكه يعني عشان احبه واتمنى له الخير
بس ما انكر اني مهما حاولت بعده فيني من هالجوانب
وطريقة لفت النظره تغيرت عندي 360 درجة
يعني قبل كنت اطلع قصه اتحرى يعني بتحليني وجيه تعرفين نحن البنات كيف نفكر
بعدين اكتشفت اني اغضب ربي رقم واحد وثنين اني انزل من مستوى نفسي دخلت القصه
اكتشفت اني الحين الفت نظر عن طريق ديني وبغيتي اني ارضي ربي
الحمدلله انا احب نفسي الحين اكثر عن قبل لني قدرت عليها وشوي شوي بشيل النفس الشريره الي فيني
وانتي بعد اذا اقنعتي نفسج انج مب شريره شرات ما تقولين وغلبتي النفس الظاهره على الباطنه بترتحين وبتتغير
اتمنى انج فهمتي علي لوول
واتمنى انج استفدتي من الي قلته ^_^