سؤال دوم يدور في بالي
من أكون ؟!
لاني انا نفسي ما اعرف من أكون ؟!
شي غريب صح
الكل يعرف اغنية محمد عبده يوم يقول
انا مجموعة انسان .. من كل ضد و ضد تلقين فيني
انا فيني اضداد كثيرة
انا في داخلي هاذي :
انا انسانه مغرورة بجمالي
انا انسانه احب المديح و الدلال زياده عن اللزوم
و مرات اتعمد اسوي اي حركه عشان الفت نظر اللي حذايه
او اذم نفسي عشان القى مديح اكثر يمكن يرضى غروري
انا احب اغيض بنات عمي لا كتب حد من عمومي فيني قصيد
خاصه لو كانت بنته بس بطريقه غير مباشرة يعني من تحت لتحت ( يالله انا شريرة ) !!
انا مثل القطوة ما حد يعرفلي و لو حد اذاني اشمخه
انا فيني عصبيه قبلية شدييييييده
انا فيني تكبر
انا انانيه بعض الشيء
انا انسانه تحب تكون في الأضواء
انا عصبيه و انانيه مرات
انا غيوووورة و غيرتي شديده حتى على ابوويه اغار من امي
انا مهما كبرت بظل طفله تعشق لعبتها و دلال ابوها و اللي حواليها
!!
من يصدق انا كل هذا
بس محد يشوف هالشي
و هذا اللي مضايقني
لاني احس اني منافقة
انا ما عرفت لنفسي
لان اللي يشوفنه الناس عكس كل هذا
اللي يشوفونه :
انسانه مثقفه واعيه
كريمه محبه للحواليها
خدووومه جداً لابعد الحدود
و مستمعه جيده للغير و احب احل مشاكلهم لو لجؤوا لي انا
طيبه وايد و على نياتها و ينقص عليه ؟!
لا ما ينقص عليه بس انا اللي امشيها لهم
بكييفي ؟!
انسانه تتحمل المسؤولية
( ما يدرون اني اسوي كل اشغال العالم عشان انا احب كل شي يكون بيرفكت خاصه لو كنت مشاركه فيه )
انسانه جاده .. صريحة .. ما تهاب احد
ما اهاب احد لكني و الله جبانه .. لكنه قناع انخش وراه وقت الازمات !!
!!
انا في حياتي ما ذميت نفسي مثل ما ذميتها الحين
( فيني ثقه بنفسي عمياء)
!!!
!!
!
.
انا كومـــــــــــــــــة تناقض و اضداد
لدرجة اني احترت في نفسي
هل انا اللي في داخلي او اللي يشوفونه الناس
بموت لو كنت اللي في داخلي
لانه اللي في داخلي شيطانه متمرده انا ما احبها
::
:::
::::
:::::
جواهـــــــــــــــــــــ ر
رد مع اقتباس
مواقع النشر (المفضلة)