الي يبا يضعــف يدخل هنــــي الحيين

[عيون الليل]

الـلــــه امسـويـــن رجيـــم
ويـني عنكم كـل هالفتـــره

انزيـــن انا بشتــرك ويــاكم . .
وبديــت اخفف من أكلــي . .من شهر تقريباً بس آكــل وجبتيـن ف اليــوم
الصبــح اتريـق . . كورن فلكس + توست اسمر+جبـن+روب+ جريب فروت

والوجبـه الثانيـة . . ستيك و أشيــاء مشـوايـه وساعات اخورهـا وآكـل عيـــش

طبــعاً كــنت اسيـر الصبح الساعه 7:00 اركض وامشـي لكـن عقب اتكاسـلت وقمت اسكـــر الـ Alarm. . وبمـــا انه فيـــه تشجيــع فأنا من باجـر إن شالله بنزل اركض وأمشي

طبعاً الجريــن تـي عنصـــر مهم . .

وكل هذا ونزلت 2 كيلو بس

هـيه نسيـت أقولكم . . وزنـي 59 وأبا ارد شرات قبـل 53 . . .

شجعونــــــــــــي بليــــــــــزززز

هيه صح. . قد ما تقدرون حاولوا تبتعدون عن الخبـز والعيـش . . وعليـكم بالجريب فروت والجرين تــي

بالتوفيــــج إن شالله لـي ولكم ^_^

شكراً اخونـــا ذنيني ع الموضــوع والبروجرام الجميــــــــــــل وإن شالله نستفيد جميعاً منه

[مــهــابه]

^
ذنيني :
أنـت لازم حـد يجابـلك فـ البيـت
اهنيه فالواحات مايـسد

لاتـخبرها ، خل عندك اصــرااار

[شمعة أمل]

البارحه الفليل كنت يالسه افكر
اني بنظم وياكم
بسوي رجيم لين ما ابدا جامعه يعني لين اخر 9
بس صدق كنت قاصه على عمري
كلت كيك اليوم وشربت لاتيه وعشايه باستا بعدين كلت جبس ويا غرين تي والحين اكل حلاوه p=

[ذنـيـنـي]

عيون الليل ولكم اختيه

و شدي حيلج
=======

مهابة

تصدقين كنت مرتاح يوم الوالده كانت مسافرة
محد يجبرني اكل شي

بس الحين من ردت الوالده تحلف علي ستين مره اني اكل وياهم
بس انا احلف قبلها اني ما بجيس العيش لول

الله المستعان

[حبوبه دبي]

احــم احــم



طــول اليــوم : عصيــر منجـا + توست جبـن + كـاكاو + جبـس

ومشيــت اشــويه ،،



هـالريجيم ولا بلاااش لـول !

.
.

[طير الحب]

ايه أحبك...

جهاز المشيء امسات ماخذين واحد من انصار مول وايد حلو وعملي تقدرين تسوين عليه تقريبا خمس تمارين منها المشي لانه بالأساس جهاز مشيء وبعد ضغط البطن...وتمارين الخصر وفيه اثقال معاه بس ما اعرف كم وزنها وفيه هذا حزام التدليك بس ابا أسال الي اعرف هذا حزام المساج ما يسبب ترهلات في الجسم ولا صدق يحرك الدورة الدموية


حاولوا تقرون عن البابونج وبذور الكتان...انا كملت الحين اكثر منه سنه اشرب قرين تي وفعلا ضعفت وايد قبل لا احمل ما اني آكل كل الي بخاطري ويمكن عشان وايد اتحرك وما اعتمد على الخدوم يعني ما ايلس...ترى الحركة بركة

على فكرة عمري ما سويت رجيم وضد فكرة الريجيم بس ما فكرة اني اكل كل الي بخاطري بس بكميات وعموما كل ما خففتوا الاكل يصغر حجم المعدة وهذا المطلوب

[مــهــابه]

صح كلامج أم عـبادي . . .
كـل ماقـللـتوا الأكـل ، خلاص معـدتكم تـتعود ع هالشي ، ومابتحسون انكم تيوعون وايد او انكم تاكلون ب كميات كبيره

انا تقريباً فـ أكثر من أسبوعين تميـت وياكم ليما وصلت 47 لكن مب قادر أكل وايد ، اكلي مثل ماهو ، قبل وبعد الرجيم ، لاني خلاص تـعودت ، ولو بغيت أتغدا أو شي ، احس اني برجع الأكل ، لأن المعده تـعودت خلااااص


نـاصـر:
حـاول ..
مـنيه منـاك ، ولـو ان الواحد مايقدر يرد الوالده
بس بـعد . .
خلـها تـساعدك :P

[دمعة شوق]

الـيـوم بـديـت ويـاكـم :

أول مانشـيت كلت أليه فواكـه وطبعا ً رطب وقهوة بسيطـة
وعقـب السـاعـة ثمان وشي كلت ليه براتتين وعدس وشكشوكـه
؛
وعميتهــا بـ ببـاسـكن

؛

بس عـوضت في الرياضه اللي سويتها
سويت ايروبك تقريبا ً ساعه والسباحه نص ساعـة
؛

الحمدالله في تطـور

[مزن هتان]

مسا الخير

ناصر أناااا خربتها من يومين

دمي نزل شوي -عندي انيميا-
من باجر برد عـ الجدول

اي صح ترى الوالد مو مخليني بحالي
كم من مره خلاني اشرب سفن اب

[ذنـيـنـي]

مزن هتان

الواحد ما يجتل عمره من اليوم و يحرم عمره من كل شي
و في نفس الوقت ما ياكل اشياء مب زينه

يعني عادي انا اشرب سفن اب بين فتره و فتره
و مرات اخرب الرجيم

هالاشياء لازم تسوينها عسب ما تملين و تحسين بالحرمان
و عليج بالمشي السريع كل يوم،،
على الاقل نص ساعه يوميا و عقب زيدي المسافة مع الايام

[مزن هتان]

الوالد ما يبيني اسوي رجيم ما عرف ليش

اي صح تراي امشي لـ 40 دقيقه
و تمارين لـ عشرين دقيقه
ناصر بغيت اسألك عادي آكل بطاط مسلوق؟
اخلي عمري ما شفت اللي كاتبه
الحين بخاطري سفن اب بااااااارد

بس مثل ما قلت وقفت من يومين
راح ابدى من باجر ان شاء الله
وبالمره بشوف جم نزلت

أخوي العود وزنه 60 <<< حسد ربي يبعدكم عنه

[خطايــا]

واللي يبا يمتن وين يدش ؟

[مــهــابه]

واللي يبا يمتن وين يدش ؟

جـان تـبين تمـتنين صـدق ، سـوي شرات ماكنت أسوي الصيف الماضي
عـليج بـ الغدا والعشـا ، فـاسـت فـود ، حتى لو مالج نفس ، اغصبي عمرج وعقب بتاكلين عـادي ، شهرين بالكثير وبتمتنين ، ولازم ويـاه بيبسي ، ولاتتحركين وايد امم ، بيزيد وزنج ع الأقل 5 كيلو

شكلي بخربج

أسألي المجرب . .


دمعة شوق:

البيبسي لا ، يقولون ينفخ ، بس انـا ما احس
يـعني مب زين

اما السفن آب ، ماحصل لي الشرف وعرفت

[ا ل غ ل ا]

اعترف

كلت مكدونالد البارحة

[خطايــا]

جـان تـبين تمـتنين صـدق ، سـوي شرات ماكنت أسوي الصيف الماضي

عـليج بـ الغدا والعشـا ، فـاسـت فـود ، حتى لو مالج نفس ، اغصبي عمرج وعقب بتاكلين عـادي ، شهرين بالكثير وبتمتنين ، ولازم ويـاه بيبسي ، ولاتتحركين وايد امم ، بيزيد وزنج ع الأقل 5 كيلو

شكلي بخربج

أسألي المجرب . .

مهووب انا اباج تخربيني عادي والله المهم امتن وزني 43 احين اووف ابا اوصل لين ال 50 ما اقدر للاسف الشديد .. وايد اكل فاست فود وما اسوي اي شي يعني ما اتحرك وايد لوول ودووم اشرب بيبسي وطبعا هذا من زمان وللاسف نفس الشي !! شو الحل