الي يبا يضعــف يدخل هنــــي الحيين

[المزوحي]

بنت الدلع مايحتاي حبوب

وإذا ماتحبين تاكلين فواكه مجففه، تقدرين تجربين التين المجفف اللي فيه يوز، خذي منه شويه وجربي لو عيبج زيدي منه

وعندج الزبيب كذلك

[دمعة شوق]

المزوحي

ياالله شد الهمه وامشي لا تتكاسل
ووالكيلوو شي طيب


اممم هدفي انزل 10 كيلو
يبالي اشد على عمرري

..

بنت الدلع عليج بالمكسرات تزيد الوزن

[المزوحي]

أكيد دمعة شوق
زين بما إنج تبين تنزلين 10 كيلو
كيف ناويه تشدين على عمرج اقصد شو الخطط ؟ مشي - تخفيف اكل وإلا تنظمين لنادي ؟

[دمعة شوق]

اممم امشي واخفف الاكل
سالفة النادي يبالها وقت وحاليا جامعة ودراسه ويالله يالله ارد وادرس ،،
فـ هالوقت مابا نادي بكتفي بالمشي والتدريبات اللي اسويهن في البيت
وطبعن لااازم اخفف من الاكل مااخذ رااحتيه

[المزوحي]

خلاص تحمسي لأني بسألج مثل ماسويت في انامل قلب ولاتخربطين في الاكل، تاريخ 28 /2 بسألج

[دمعة شوق]

^ خلاص ان شاءالله بشد حيلي وبرد امشي من باااجر :)

[المزوحي]

دمعة شوق مايحتاي بعد، كم نزلتي من هاك اليوم ؟؟ بشري

[أنامل قلب]

أبي أنزل 5 ولا 6 كيلو زياده ، بس لو أحد درى بيذبحوني !.

كنت بسجل ابـ نادي بس ما لحقت للحين + ابي احد يسجل معاي وللحين ما لقيت ،
+ رجعت اليوم التزم ابـ نظام [ كوني صحية أكثر !!! ] ، سويت تمارين الاستبس لـ ساعة الا ربع ،
وبرد احاول ابتعد عن الخرابيط الزايده اللي آكلها ، واحتمال ارد امشي اليوم مال نص ساعه ،
وبحااااول ارد اشرب شاي اخضر يوميا ..

يالله دمعة شوق كاني معاج ، شدي حيلج =)


على فكرة من متى مو وازنه ، ميزانا ولله الحمد اخترب وللحين محد افتكر إييبلنا ميزان ثاني ،
كأن ما صدقو من الله يخترب =]


امممم بس هيك ..

[المزوحي]

أنامل أنا اتبع نظام، بس مادري شو هالنحاسه وزني مب راضي ينزل !

اللي اعرفه لو تبين تنزلين تشربين وايد ماي، هذا يساعد بعد

دمعة شوق مادري عنها ماردت علينا ، نبغي نشوف النتيجه !

يالله أنامل شدي حيلج وأنا كذلك

[عفاريتووو]

لازم ارد للرياضة باسرع وقت ممكن
قمت اخربط بالاكل بشكل فضيييع و رديت متنت =(

خلاص خلاص صدق لازم احاسب اكثر و ارد للرياضة

[المزوحي]

يالله عفاريتووو شدي حيلج


ذنيني محافظ على الوزن ولا خربطت ؟؟؟؟

[دمعة شوق]

المزوحـي
امم ماوزنت من ذاك اليوم ،،
اممم ماعرف مشيت كمن مره بس ووقف ،، بس لانه كان عندي ضغط دراسه ..
بس اليوم ان شاءالله بروح امشي ،،

وعن الاكل الحمدالله مخففه منه ،، واحاول عقب ساعه 8 مااكل شي دسم وثقيل ،،
واشرب جاهي اخضر ,,
بوزن هالاسبوع وبخبركم معني خاايفه لا اكون متنت

//

أنـامل
يكفي انج تمشين وتسوين لعمرج نظام غذائي ،،
وتسوين تمارين الاستبس ،،
انا كنت جي اسوي نفسج امشي واسوي دايت وتمارين اروحي
والحمدالله نقصت وايد ^^
فـ شـدي حيـلج ،،

آنا عقب ماااضعف ان شاءاالله بسجل في النادي او قبل اذا حصلت وقت ^^

//

عفاريتوو

انا يتني فترة تميت اخربط وودرت الرياضه وصدق تعبت نفسيا لاني حسيت عمري متنت
ويالله شدي على عمرج ^^

[أنامل قلب]

هزبوني اليوم ، تمو يعلقون علي اونه تبين تختفين !.
مادري شو يتحروني ، اقولهم هذا وانا جي تقطعوني عيل لو تشوفون الكتاكيت اللي اعرفهم شو بتقولون =/

احبــــااااط ، بس مالي شغل إلا بضعف ،
لازم أكون أقل عن طولي ابـ 110 ، وليـ وقتها أنا من نفسي إذا حسيتني ما أحتاج بوقف ،
وبعدين مو من زود ماني شاده حيلي ، مو مخففه أكل لأني ما أكثر أساسا ،
بس الاشيا اللي تضرني بفج عنها أو عالأقل بخفف + الرياضه أكيد ما بتضرني ..!

~

ربي يكون بعون كلمن يشتهي يضعف !.

أخوي المزوحي ، شكلك مابك وزن زايد من جي صعب انك تنزل ، نفس المعاناة ،
بس صدقني دامك ما تحتاج فـلااااا تنزل ، ما يبالك بس عليك بالرياضه ولا تخربط باللي يضرك / حفاظا عالصحة ..
ووودمعة شوق ، أساسا النفسية بكبرها تعتدل من نصير نلتزم بالرياضه ..

[المزوحي]

أنامل - تعرفين نحن اللي يخرب علينا الكرشه، عيل السبوع اللي فات مسوين يوم رياضي في الدوام، وعلى اساس


نلعب كرة القدم، لو شفتي كروش الشباب ، طبعا من تحت الكندوره ماتبين، بس الفضايح طلعت عقب ^_^


حلو الواحد يحافظ على عمره ، ومثل ما قلتي اللي ينزل بسرعه اصحاب الاوزان الكبيره ، بس هذا مب معناه إنه نحن نهمل


دمعة شوق بتقولين كم نزلتي

[أنامل قلب]

!.

! ..