الي يبا يضعــف يدخل هنــــي الحيين

[أنامل قلب]

لا لا لا! غلط!

أنامل اشربي ماي أميه! اليوم كنت يالسه أرمس عن هالشي ويا مدربتي (وبعد عندها شهادات في النيوترشن)
لازم تشربين ماي خلال الرياضه!! هالشي لازم لازم !! بس يكون شوييييه! يعني سرطه وحده!! كل خمس ولا عشر دقايق!! خطر عليج لو مول ماتشربين ماي! لانه يوم تعرقين.. تخسرين ماي من جسمج.. واذا انتي تمارسين رياضه عدل وماتشرين ماي خطر على عضلاتج وجسمج

الزبده: اشربي ماي بس مب كميات كبيره :)

يزاكم الله خير =)

[ذنـيـنـي]

اليوم حسيت عمري اسوي دعاية نايكي
لول

حطيت الايبود و شغلتلي كمن اغنية تيكنو و ركضت من خاطري ! لول
بس صدددددق يوم خلصت حسيت بشعور جمييييييييل و كأني مسوي انجاااااز و هو فعلا انجاز بالنسبة لي

[المزوحي]

إن شاء الله ببتدي من باجر احس بخمول فضيييييييع هالأيام

[مايهزك ريح]

مرحبا ناصر .. تحتاج كمن ثجل + Mat ..بس ..

وانا ابتدي بالـ treadmill لـ 30 دقيقه كتسخين .. وعب اشغل الديفي دي مال P90x
يمكن انته ما تحتاج ..
وفي شي نسيت اقوله انه هالسيديات بس حق 90 يوم .. ويترتب جسمك .. وعقب ما تحتاج اتعيده من اول لأنه بيعطيك
تمارين للـMaintenance

[المزوحي]

ما يهزك ريح كم تمشي على ال treadmill ؟

انا ربيعي كان يضغط على عمره ويتعب، يبغي نتيجه سريعه

[مايهزك ريح]

انا ابدل بين الجهازين كل جهاز اتم عليه 30 دقيقه عشان ما أمل ..
وعلى حسب ساعات اسوي 45 دقيقه اقسمها على الجهازين وساعات اتم اكثر !
بس انا مخفف من الأكل .. عشان ارتب جسمي .. وانزل وزني !
وفي نفس الوقت ما اظغط على عمري عشان ما اطفر واودر كل شي .. ^_^

[الهيثــم]

أخس شي يوم تضغط على عمرك ..

أنا ضاربني ألم في ريلي كاره عيشتي الحين ، ما روم أيلس شرا الاوادم .. من كم يوم الحين ، بس كنت مقاوم وأسير أمشي
بس الحين قررت إني أريح ريلي وما أمشي عليها مشي رياضة ، يمكن يخف الألم ..

[المزوحي]

هالأيام اسير المولات وامشي، للحين طبعا ماشي نتيجه ...

[أنامل قلب]

ضعفانه بس من غير ما ينزل وزني !

[الهيثــم]

يمكن مريضة لا سمح الله ( يا خي قل خيرا او أصمتا )

[أنامل قلب]

^ اول ما شفت التعليق فجيت عيوني / تنحت لول
بسم الله علينا وعليكم ، لا ماشي غير نقص الحديد ولله الحمد !


بس شو (أصمتا) هذي ، دورت عليها بالمعجم مالقيتها ..!

[المزوحي]

من منكم بيخليني انزل 4 كيلو خلال عشر ايام ؟

وكيف - صدق ابغي تشجيع

[أنامل قلب]

^ شوف بالأول شنو اهي الأشيا "الغير صحية عندك" وحاول تغيرها قبل ،
سواء كان بالأكل ولا انك مثلا قليل ماتتحرك ومن هالأشيا ..

واذا ملزم تنزل 4 كيلو بـ هالفتره ، فـ اممم تقدر إذا صدق محتاج وحاب انك تنزل ،
خفف من الأكلات اللي تمتن وكثر من سوالف السلط + كثر من الماي ،
واعصر لك لومي يوميا ، ومن الصوب الثاني تحرك وايد ، اركب وانزل من السلالم ،
مشي وركض لـ ساعه على الأقل ، وهيك ~ ..!

[الهيثــم]

آمين يا رب .. اشربي حليب طازج بشكل يومي ..

( اصمتا ) :: هاي كلمة طلعت نتيجة الحماس الزايد والرغبة الشديدة في تقطيع عضوة اول حرف من اسمها " أنامل قلب " .. ^__^

[المزوحي]

شوفي أنامل انا كنت بين فتره والثانيه أمشي لكن من الحر وقفت المشي، في خيار ثاني اللي هو انظم لنادي

رياضي وانا ما احب هالشغلات، ولا أحب موضوع الأجهزة في البيت ...





وعن الدري، أحاول في الدوام استخدم الدري بدل اللفت ..

الماي حطيت موضوع عنه ولا قمت أشرب، بس الحين جدامي غرشه بشلها ويايه الدوام بمزرها يوميا هناك عسب

اشربها كلها .... 750 ام ال ( وإلا حتاي اشرب اكثر ) ؟؟

قمت وايد اخربط في الحلويات والسناك ...

لازززززززززززم انزل 4 كيلو على الاقل خلال هالفتره .... ولو حد يسألني يكون احسن عسب استحي من عمري