الي يبا يضعــف يدخل هنــــي الحيين

[شمعة أمل]

ذنينييييي!
يت على بالي.. احس هالشي بيفدييك.. أحسك وايد تعاني شراتي.. اسوي رياضه ومن اوقف وزني كله يرد في اسبوع!
انا انغصبت اسير اسوي فحص دم هالويك اند.. أجيك اذا فييه امراض.. أولهم هالسكري
المهم

يعني من بين هالفحوصات المعفنه... يجيكون شو من الأكلات الى تصلحلك وهييك! يعني مثلا.. اذا انا يصلحلي آكل ستيك.. لو كلت ستيك كل يوم ولكل وجبه ولكل سناك مستحيـل امتن
وعلى قولة دكتورة الهرمونات.. اذا انتي تعرفين شو هالأكلات.. تشبعين نفسج لـ درجه انج ماتبين تاكلين أكلات ثانيه

يعني شوف.. أبويه طلع فييه مشكله بعد.. مع انه ابويه ماشاءالله كل يوم جم ساعتين وفييه عضلات.. بس بعد هو الحين جي لازم يسوي عشان ماييه السكري ولا الضغط ولا الكلسترول

ومب لازم تسوي رياضه وتذبح عمرك.. رياضه مرتين في الاسبوع كفايه

هيييه
واهم شي< هذا وايد مهم
انت حاط في بالك شو وزنك المثالي.. نفس مال الـ bmi يقول وجي.. بس كله اخرطييي!
طلع وزني المثالي وزن دب! يعني طلع انا مب لازم اظعف وايد *وانا اقووول ليش وزني مايناسب شكلي*.. ويوم اقوولهم عظامي ثجال في البيت محد صدقنييي! اختي زين ماكفختني.. لانه وزني المثالي هو وزنها الحالي وقالولها لازم تظعف عشره كيلوو
^
هالشي ترا وااااايد يرفع المعنويات وايد وايد


أو شي ثاني بعد.. للكل
في مناطق في الجسم اذا جي مغبره هذا معناة الانسلين في جسمكم مرتفع وايد.. يعني فيكم السكري
فـ سيروو جيكو رقبتكم اذا وصخه < انا جييكت الحمدالله رقبتي بخير هههه فـ متفائله في النتايج

[شوق القلوب]

السلام عليكم..

هالسكري سالفه سالفه.. الله يجيرنا منه..!

والله يزيغ خصه انه امي و ابوي فيهم سكري..

وانا حاليا مستويه أكل .. خرابييييييييييط... كله نشويات.. خبز و عيش..
ولا يخلو الموضوع من كمن حبه كاكاو..
هالكاكاوات الصغيره اتخليج تاكلين أكثر من القطعه الكامله العوده.. يعني اونج اتقصين على عمرج كل مره تاكلين شوي..

و اليوم في البيت امسوين تمر تارت.. لذيييييييييييذ..

المهم..

جسمي فيه خموووووووول لاخر درجه.. و شي اسمه لياقه ماشي..! عضلاتي كلها اتعورني.. ولو ركبت الدري بسرعه أهلك..
يبالي امشي.. بس ما اقدر .. حوالينا كله عمال يشتغلون لين المغرب.. و في الليل.. ممم ما ايي ع بالي

..


شمعه..

خاطري اعرف شو الاكل اللي يناسبني وما يمتن..!

[شمعة أمل]

ممم تدرين المشكله انه سالفة السكري + ضغط + كلسترول في الامارات عادة يكون من الطرفين يعني من الأم والأبو وحليلنا نحن العيال نتبهدل
يعني حمدالله انا ابويه بخيرر.. بس لازم يحاسب على السكري.. الكلسترول والضغط كل شي تمام
لكن امي رايحه فيها وايد فيها اشياء تكسر الخاطر.. فيها السكري هالخفيف الى تاخذون حبوب وفوق هذا thyroid شرات اوبرا.. واشياء ثانيه
وانا المسكينه متبهدله ;_;
المهمممم نتايجي طلعن.. من ساعه اتصلو فييه.. ورا باجر بسير عندهم .. الله يستر p;


بس شووق
انتي غير لانه توج مربي.. فـ كل شي حقكم غير.. حتى الرياضه الى تسونها غير
بس ترا اذا تبين تسوين هالفحص بتتبهدلين.. صيام 12 ساعه يشلون عنج 3 تيوبات دم.. تشربين كووب عود قلوكووس تترين ساعه بعدين يسحبون عنج دم مره ثانيه.. وطول اليوم بتكونين مدوخه وراسج يعورج.. حتى ممنوع تسوقون
انا اقول تريي كم من شهر لاني ما بيبي حموودي يكبر ^_^ بس اذا تبين اقدر اعطيج رقمهم وتتأكدين منهم :)

[أنامل قلب]

وزني مب طايع يتغير !

[المزوحي]

يمكن من توقفون رياضه كل شي يرد، لأنه مافي حركه وتردون تاكلون بشكل أكبر عن قبل ...!

شوق أنا كنت أحس بخمول، من جيه رديت البارحه أمشي ... لأنه كله يلسة المكتب ... وماشي حركه

عقب الدوام، ومن غير سواقة السياره ...

[شوق القلوب]

هلا شمووووعه...

زين جان بتعطيني رقمهم.. يبالنا انسوي هالتست لاميه..

..

ترا انا شو امسكتني على عمري غير سالفه اني توه مربي.. كل ما اقول بس ابا اخفف اتذكر حمودي.. و اطنش سالفه الرجيم.. بس الحمد الله بصفه عامه جسمي رد طبيعي .. هو بس موضوع الكسل !

[أنامل قلب]

مسويه تحدي لنفسي !
آنا بشكل عام ما آكل وايد ، فيما عدا الحلويات !!!!
اهني عاد صدق اصير مفجوعه ^^"

ف قررت من امس اني اقطع الحلويات بانواعها لمدة اسبوع كامل ،
ابي اشوف هل بينزل وزني !

+ كل اللي اقدر اسويه اني وقت ما اشتهي حلاوه الجأ للفواكه ،
سلط ، تمر ، ومستويه اكثر من الماي الحمدلله ^^
+ بحاول اني امشي ، بس بشوف اذا بلاقي احد يحمسني بالبيت !

[شمعة أمل]

اظطريت اغير "اسلوب نمط حياتي" كليا وكملت 10 ايام واحس اني بنتحر..
وايد صعب ;_;
يايتني حاله هستيريه اصيح على كل شي.. ماصدق انه بعيش جي لـ على قل نص سنه.. ماقدر :( وايد صعب

موعدي الياي بعده عقب اسبوع ونص.. مادري كيف بتحملللللل
يعني اهلنا مافكروو فينا ليش هم ماتعبوو ليش نحن لازم نتعب!


والله تعبت.. مب سهل.. وطول الوقت احس اني بدوّخ.. الحين كيف هالحاله صحيه انا مادري!



شوق
الحين بطرشلج الرقم

[أنامل قلب]

بسم الله عليج ، شو مسوين فيج =/

,

نحن عدنا السكر مرض منتشر بالعايله ،
+ تخيلي عدنا بالبيت 4 من أصل 7 فيهم السكر !

الحمدلله اني من الـ 3 اللي مافيهم ،
بس صدق ان شاء الله يلاقون علاج فعال لهالمرض ،


وربي يعافينا جميعا .. !

[شمعة أمل]

والله عذااااااااب
خبز ممنوع < انا ياحبي لـ شي اسمه خبز
عيش وباستا ممنوع < مب مشكله
شكر ممنوع< مب مشكله
حلويات ممنوع< ماعليه
بطاط، فرايز ممنوع< ارد انتحر؟

وايد اشياء عبيطه ممنوع
ذره ممنوع
حمص ممنوع
كل السلطات عادي.. بس سلطة السيزر ممنوع!!!


والله تولههت على ستاربكس ;_;



والبارحه كان يوم مأرف في الجامعه، كانو يوزعون جوكلت ولازم يسوقونه.. والله عذاب .. كل الكلاس خذو جوكلت وانا يالسه أتأمل :s



ولا ترا ممنوع ممنوع ماشي يوم غش وجي < على قل هالاشي بيساعد بس ممنوع :(
عيدميلادي ورا باجر ومابتهنى بشي.. يالسه ادمع الحينه على هالسالفه .. بيكون اتعس عيدميلاد في حياتي.. ولأول مره مابيكون شي كيك! الحين منو يحتفل بعيدميلاده بدون كيك!! :(

[أنامل قلب]

!

[طير الحب]

طيب سؤال انا حاليا محتاجه اسوي رياضة عسب نقص الكالسيوم بس متى لازم اكل بعد الرياضة بكم ساعه ومتى ممكن اشرب ماي انا بس امشي نص ساعه وامارس السباحه ما ابا وزني ينزل ولا يزيد ابا يتم مثل ما هو...؟

[عفاريتووو]

شمعة امل
اعاني مثلج =(
احسه عذاااااااااااااب
تميت اسبوعين على هالحال بس هالاسبووع ماقدرت قمت غش
حسييييت خلاااااص ماقدر ..
الحياة من دون اكل ما تسوى لول
كنت متوقعة بخلص بالكثير باسبوعين بس مب يالسة انزل وايييد مع كل هالعذااااب
و يقولون كل ما كان الدهون اقل كل ما كان اصعب تنزليييين اففف احبااااط

الله يعينج ..

[المزوحي]

حد جرب ياكل كيوي، صدق ينزل الوزن ؟؟

[ذنـيـنـي]

المزوحي لا تصدق هالخرابيط
كل شي قالولنا ينقص الوزن لول

عليك بحمية معتدله
فيها الياف لأنها تساعد على الهضم و تمنع الامساك
و فيها بروتينات عشان تساعد عضلاتك على النمو
خفف من الدهون قدر المستطاع و من النشويات قدر المستطاع
لأنهم ساس البلا و هم الي يتحولون الى دهون

و اهم شي حاول انك ما تاكل نشويات فليل و بمعنى ادق من عقب الساعه ست لأنه النشويات تعتبر مصدر الطاقة الاول للجسم
و بشكل عام فليل الانسان ما يتحرك وايد فـ مصير هالنشويات هو انها تتحول الى دهون