شمــعة أمل ...
النظام الي تتكلمين عنه تقريبا نفس نظام الدكتورة ريتا في عيادة ويت كيير في الهيلث كير ستي .. سرتلها من فتره و سوتلي نفس الي قلتيلي عليه و طلعت عندي مشكله في الانسولين و عطتني دوا عشان احافظ على معدل الانسولين و قالتلي شو الاشيا الي ممنوعة عليه و الاشيا الي اقدر آكل منها بدون ما افكر حتى لول
نظامها صحي و جيد ..
و للي مايقدر يسوي رجيم و مايقدر ياكل اكل الرجيم، أحسن طريقة (انا مجربنها) انه يسير عند Lively أو العيادة الثانيه نسيت اسمها بس انا افظل لايفلي ... هاييلا يعطونكم الوجبات الي لازم تاكلونها طووول اليوم من ريوق و غدا و عشا، الوجبات تشببببع يعني ساعات صدق احس اني شبعت وماقدر اكمل الصحن و تخيلو في آخر الشهر نزلت حوالي 9 كيلو (بدون رياضة - بس مشي خفيف) بس مشكلتهم اني لازم اتقيد بالبوكس الي يطرشونه و انا مشكلتي كله برع البيت ( في الشغل ولا اخلص اشغالي الثانية برع ) ف لازم التزم بمواعيد أكل محدده ..
ذنيني ...
Body for Life
هالبرنامج ممتـــاز .. اربيعي خبرني عنه قبل كمن شهر و قالي ابتد ويايه.. المهم انا مابديت و هو بدا ..
البرنامج عباره عن كورسات، كل كورس فيه 12 اسبوع ..
يوم السبت الي طاف اربيعي خلص ال 12 اسبوع، ماخرب فيهم و كان ماشي عالجدول + الرياضة ..
نزل 16 كيلو، رقبته خفت نص انج، الويست حوالي 3 و شويه أو 4 !!
وعلى فكرة الريال هذا مب مواطن، بريطاني، ف وااااااااااايد بان عليه خصوصا اني كل يوم اشوفه بالبدله و أول ماخلص ال 12 اسبوع اشترا بدل يداد و شفت الفرق تميت جييييه
و على فكرة، 16 كيلو لهالريال ترا انجاز لأنه طويل (طوله 185 تقريبا) و كان وزنه 113 (يعني مب متين وايد) .. يعني لو انا اسوي نفس الي هو سواه احتمال انزل اكثر .. و هو اشترك في النادي الي في فندق البستان روتانا (عند المطار) ..
النظام هذا وايد ممتاز، حتى في موقعهم لو تشووف حاطيلك انواع الرجيم و شو تاكل و الرياضة .. انا طبعت كل هالاشيا و سويتلي فايل كامل ..
انا شخصيا جربت وااااااايد اشيا،،، و اشوف ان بودي فور لايف و الي يسوولك اياه في عيادة الويت كير الي تكلمت عنها في ردي على شمعة أمل و عيادة Lively هم احسن شي ..